“Аломатсизлар” йўқ, коронавирусга иммунитети мавжуд одамлар бор микробиолог

342
Берн университети иммунология институтининг собиқ директори ва фахрий профессори Беда Штадлер коронавируснинг аломатсиз ташувчиси бўлмайди, бутун дунё бўйлаб унга қарши курашишда хатоликка йўл қўйилган деб ҳисоблайди.

ТОШКЕНТ, 16 июл - Sputnik. Коронавируснинг аломатсиз ташувчиси бўлмайди. Бу ҳақда микробиолог, Берн университети (Швейцария) иммунология институтининг собиқ директори ва фахрий профессори Беда Штадлер маълум қилди. “Известия” нашри хабарига асосан.

Унинг фикрига кўра, “аломатсиз”ларда, хавф гуруҳига кирмаган кўплаб болалар каби, касалликка қарши иммунитет мавжуд. Гап шундаки, COVID-19 тестлари вируснинг тирикми ёки иммунитет тизими томонидан бостирилганми, буни аниқлай олмайди ва натижада “вируснинг майда парчаланган қисмларини” касалликнинг фаол ривожланаётгани сифатида қабул қилиши мумкин.

“Эҳтимол, касалланишлар ҳақидаги кунлик кўп сонли хабарлар фақатгина вирусли чиқинди туфайли кузатиляпти”, - дейди Штадлер.

Унинг сўзларига кўра, аломатсиз ташувчилар вирусни бостириб бўлган ва улар энди касаллик тарқата олмайдилар.

Мутахассис COVID-19 га қарши курашда йўл қўйилган бир қатор хатоларга эътибор қаратди. Профессорнинг сўзларига кўра, Sars-CoV-2 коронавируси мутлақо янги эмас, у шамоллашни келтириб чиқарадиган мавсумий вирусга ўхшайди, ёзда мутацияга учраб йўқолади.

Бунга мисол сифатида Штадлер немис олимлари томонидан ўтказилган тадқиқотни келтиради. Унга кўра, COVID-19 билан касалланмаган берлинликларнинг 34 фоизи Т-ҳужайралари маъсул бўлган орттирилган иммунитетга эга. Демак, бу ҳужайралар Sars-CoV-2-да оддий шамоллашнинг қўзғатувчисига ўхшаш тузилмани аниқлаб унга қарши курашади.

Эпидемиологларнинг коронавирус инфекциясининг мавсумийлигига ишонмасликлари нотўғри моделлар ва прогнозлар тузилишига олиб келди, дейди мутахассис.

“Гарчи дастлабки жуда ёмон сценарийлар ҳеч қаерда амалга ошмаган бўлса-да, баъзи одамлар ҳамон иккинчи тўлқинни башорат қиладиган моделларга ёпишиб олишган”, - дейди у.

Унинг фикрича, вирус қишда қайтиши мумкин, аммо бу “иккинчи тўлқин эмас, балки мавсумий хусусиятли” бўлади.

“Ниқобларда юрадиган ёш ва соғлом одамлар дубулға кийган маъқулроқ, чунки уларнинг бошига бирор нарса тушиши хавфи коронавирусга чалиниш хавфидан кўпроқ”, - дея киноя қилади Штадлер.

342
Теглар:
коронавирус
Мавзу:
COVID-19 умумжаҳон пандемияси (1348)
Белый дом в Вашингтоне

Байденга Россияга қарши санкциялар самарасиз бўлганини тан олиш тавсия қилишди

432
(Янгиланган 17:45 21.01.2021)
Ғарб давлатлари орасида оммалашган Россияга қарши санкциялар сиёсати самарасиз бўлиб чиқди - Рено Жирард.

ТОШКЕНТ, 21 янв — Sputnik. Ғарб давлатлари орасида оммалашган Россияга қарши санкциялар сиёсати самарасиз бўлиб чиқди. Figaro газетаси геосиёсатшунос ва шарҳловчиси Рено Жирард бундай фикрга келди.

Муаллифнинг фикрига кўра, узоқ вақт давомида АҚШ ташқи сиёсатида ишларнинг амалдаги ҳолатида аниқлик ва тушунча йўқ эди. Шунинг учун биринчи навбатда Байден НАТО уставида айтилган, иттифоқчи давлатга ҳужум содир бўлган тақдирда АҚШнинг аралашувини назарда тутадиган 5-моддасига содиқлигини эълон қилиши керак.

"Польша ва Болтиқбўйи давлатлари ишонч қозониши биланоқ, Вашингтон Москвага қарши санкциялар сиёсати иш бермаганлигини англашга тўғри келади", - деди Жирард.

Журналист Россияда ғарбпараст режим ўрнатилишига умид боғламасликка чақирди. У Вашингтонга Москвани ўз томонига тортиб олишга имкон берадиган ягона усулни кўради.

"Агар Байден аста-секин Россияни ўз сиёсати оқимига йўналтирмоқчи бўлса, унда бу фақат савдо ва дипломатик муросага келиш йўли билан мумкин бўлади", - деб ҳисоблайди геосиёсатшунос.

Унинг сўзларига кўра, Россия ва АҚШ радикал исломизмга қарши биргаликда курашда, шунингдек, қуролсизланиш масалаларида умумий фикрга келиши мумкин.

432
Теглар:
Польша, НАТО, Жо Байден, санкциялар, Россия, АҚШ
Мавзу бўйича
АҚШ “Шимолий оқим-2”га қарши янги санкциялар жорий этди
Россия ва АҚШ орасида муносабатлар вектори ўзгармоқда – сиёсатчи
Антонов: Россияни жиловлаб туриш - АҚШ сиёсатининг “альфа ва омега”си ҳисобланади
“ШО-2” Германия ва АҚШ ўртасидаги муносабатлар тақдирини белгилайди
Двойной теракт в Багдаде: погибли более 20 человек

Бағдодда қонли теракт: қурбонлар сони 28 нафарга етди

116
Ат-Таяран майдони ҳудудида жойлашган бозорда кетма-кет портлаш юз берган. Икки худкуш террорчи ўзларини портлатиб юборган.

ТОШКЕНТ, 21 янв — Sputnik. Ироқ пойтахти Бағдодда уюштирилган теракт натижасида ҳалок бўлганлар сони 28 нафарга етди.

“Al Arabiya” телеканалининг хабар қилишича, камида 73 киши турли даражадаги тан жароҳатини олган.

Телеканал маълумотларига кўра, Ат-Таяран майдони ҳудудида жойлашган бозорда кетма-кет иккита портлаш юз берган. Ироқ армияси вакилининг сўларига қараганда, “террорчилик ҳужуми икки нафар худкуш террорчи томонидан содир этилган, улар ўзларини хавфсизлик хизмат ходимлари тақиб қилаётган пайтда портлатиб юборган”.

Воқеа жойига тез ёрдам ва бошқа масъул ходимлар келмоқда.

Ироқ кучишлатар ходимлари хавфсизлик нуқтаи назаридан кўплаб хорижий давлат элчихоналари ва давлат муассасаларининг марказий офислари жойлашган “яшил ҳудудга” олиб борувчи йўлларни ёпишган.

116
Теглар:
Бағдоддаги теракт, Бағдод, теракт
Министр иностранных дел Узбекистана Абдулазиз Камилов

Камилов Осиё давлатларини туризмни рағбатлантиришга чақирди

39
Тадбирда Осиёда минтақавий интеграцияни чуқурлаштириш борасида амалга оширилаётган масалаларга алоҳида эътибор қаратилди.

ТОШКЕНТ, 21 янв - Sputnik. Ўзбекистон Ташқи ишлар вазири Aбдулазиз Камилов "Янги хавфсиз ва соғлом туризм" мавзусида видеоконференция шаклида бўлиб ўтган Осиё ҳамкорлик мулоқоти (ОҲМ)га аъзо давлатлар Ташқи ишлар вазирлари кенгашининг XVII йиғилишида иштирок этди.

Тадбирда тузилма бош котиби Порнчаи Данвиватан(Pornchai Danvivatanning ) ҳисоботи тингланди, ОҲМнинг бошқа ташкилотлар ва халқаро муносабатларнинг субйектлар билан алоқалари бўйича меъёрий қоидалар тасдиқланди ҳамда ташкилий масалалар кўриб чиқилди.

Делегациялар раҳбарлари туризм соҳасидаги ҳамкорликнинг бугунги ҳолати ва келгусидаги ривожланиш истиқболларини муҳокама қилдилар. Хусусан, коронавирус пандемияси шароитида хорижий сайёҳларнинг хавфсизлиги ва соғлиғини таъминлашга қаратилган янгича ёндашувларни ишлаб чиқишнинг муҳим жиҳатлари, уларни ҳаётга татбиқ этиш механизмлари ҳақида сўз юритилди.

Ташқи ишлар вазири Камилов ўз нутқида COVID-19га қарши курашишдан жаҳон иқтисодиётини қайта тиклаш, жумладан туризм соҳасини рағбатлантиришга фаол тайёргарлик кўриш босқичига ўтиш учун қатъий чоралар қабул қилиш ва саъй-ҳаракатларни бирлаштириш зарурлигини таъкидлади.

Ўзбекистон ТИВ раҳбари тадбир қатнашчиларига Ўзбекистонда туризм соҳасини ҳар томонлама қўллаб-қувватлаш борасида амалга оширилаётган комплекс чора-тадбирлар ҳақида маълумот берди. Хусусан, сайёҳлик қайта йўлга қўйилганидан кейин республикага келган хорижий сайёҳлар "туризмни янги шаклда" – янада хавфсиз, янада ранг-баранг ва янада индивидуал ҳолда кўришлари мумкин бўлади.

Тадбирда Осиёда минтақавий интеграцияни чуқурлаштириш борасида амалга оширилаётган масалаларга алоҳида эътибор қаратилди. Шу нуқтайи назардан, Марказий ва Жанубий Осиё ўртасида ўзаро боғлиқликни мустаҳкамлашнинг муҳимлиги қайд етилди.

Тадбир якунида Осиёда ҳамкорлик мулоқоти бўйича ташқи ишлар вазирлар кенгаши XVII йиғилишининг Aнқара декларацияси қабул қилинди.

39