Боевики движения Талибан*

Афғон қиз ота-онасини ўлдирган икки нафар “Толибон”* жангарисини отиб ташлади

747
(Янгиланган 17:32 21.07.2020)
Афғонистоннинг Гор провинциясида 14 ёшли Камар Гул ота-онасини ўлдирган икки нафар “Толибон”* жангарисини отиб ташлади.

ТОШКЕНТ, 21 июл — Sputnik. Афғон қиз ота-онасини ўлдирган икки нафар “Толибон”* жангарисини отиб ташлади.

Ҳодиса Афғонистоннинг Гор вилоятидаги қишлоқда юз берди. “Толибон” жангарлари 14 ёшли Камар Гул исмли қизнинг уйига бостириб кирди. Жангарилар отасини уйдан олиб чиқиб, ўлдиришди. Шунингдек, эрини ҳимоя қилишга уринган қизнинг онаси ҳам жангарилар томонидан ўлдирилди.

"Уйда бўлган Камар Гул, оиласига тегишли бўлган АК-47 автоматини олиб, аввал ота-онасини ўлдирган икки нафар жангарини отиб ташлади, кейин эса яна бир неча жангарини ярадор қилди", - деди маҳаллий полиция бошлиғи Хабибураҳмон Маликзода.

Вилоят губернатори вакилининг сўзларига кўра, айни вақтда афғон ҳарбийлари Гул ва унинг укасини "хавфсиз жойга" олиб кетишди.

* Россия ва қатор давлатларда тақиқланган террорчилик ташкилот

747
Сиэтл освобожден от анархистов: полиция США ликвидировала автономную зону CHAZ

Вашингтонда полициячиларга қарши янги норозиликлар авж олди

42
(Янгиланган 13:13 28.10.2020)
Вашингтонда юз берган ҳалокатли авариядан сўнг авж олган протекстлар полиция билан тўқнашувларга айланиб кетди

ТОШКЕНТ, 28 окт - Sputnik. Вашингтон штати Колумбия округида авария оқибатида мопед ҳайдовчисининг ўлими ҳодисасидан сўнг юз берган протест акциялари, полиция билан тўқнашувларга айланиб кетди. Бу ҳақда РИА Новости Washington Postга таянган ҳолда хабар бермоқда.

Фожиали ҳодиса жума куни маҳаллий вақт билан тахминан 22.10да юз берган. Хабарларга кўра, полициячилар шлемсиз электр мопедни бошқариб бораётган одамни кўриб қолишган ва қоидабузарни тўхтатишга уринганлар, аммо шу вақтда мопед бошқа бир транспорт билан тўқнашиб кетган. Авария оқибатида мопед ҳайдовчиси ҳалок бўлган. Полиция маълумотига кўра, мотоциклчи касалхонада жон берган.

Мопед ҳайдовчисининг вафоти шаҳарда норозилик акцияларини юзага келтирган. Митинг иштирокчилари ҳодиса тафсилотларини билишни исташган. Тартибсизликлар давомида намойишчилар полиция участкаси биносида ойналарни синдириб, бир нечта ахлат қутиларини ағдаришган. Шунингдек, намойишчилар ҳуқуқни муҳофаза қилиш органларига қарата турли предметларни улоқтиришган. Камида бир нафар полициячи жабрланган, бир киши қўлга олинган.

Колумбия округи полиция раҳбари Питер Ньюшэм тергов томонидан суриштирув ўтказилиши ва ҳалок бўлган инсон таъқиб қилиниши факти бўлган-бўлмагани, унинг ўлими асл сабабини аниқлаштирилиши зарурлигини қайд этган.

42

Charlie Hebdo Эрдоғанга чизилган ҳажвий суратни эълон қилди: Туркия реакцияси

306
(Янгиланган 13:00 28.10.2020)
Charlie Hebdo ўз журналининг муқовасида Туркия президенти Ражаб Таййиб Эрдоғанга чизилган ҳажвий суратни чоп этди.

ТОШКЕНТ, 28 окт — Sputnik. Париж ва Анқара ўртасидаги муносабатлар кескинлашуви фонида Charlie Hebdo ўз журналининг муқовасида Туркия президенти Ражаб Таййиб Эрдоғанга чизилган ҳажвий суратни чоп этди. РИА Новости хабарига асосан.

Суратда Туркия етакчиси ярим яланғоч кўринишда тасвирланган, у креслода ўтиргани, ўнг қўлида ичимлик ушлагани, бошқа қўли билан оқсоч аёлнинг кийимининг этагини кўтаргани акс этган. Карикатурага "Эрдоған шахсий ҳаётида жуда ўйноқи" деган изоҳ ёзилган.

"Анқара Франциянинг Charlie Hebdo журналида Туркия етакчиси Таййиб Эрдоғаннинг карикатураларини нашр этилишини қоралайди ва уларни Франция президенти Эммануэл Макроннинг "Мусулмонларга қарши дастур"нинг маҳсули деб билади," - деди Туркия президенти администрацияси алоқа департаменти раҳбари Фаҳреттин Алтун.

"Франция президенти Макроннинг мусулмонларга қарши дастури ўз самарасини бермоқда! Charlie Hebdo эҳтимол бизнинг президентимиз деб айтилаётган, ҳақоратли суратларни нашр этди. Биз бу нашрнинг маданий ирқчилик ва нафрат тарқатишга қаратилган жирканч уринишини қоралаймиз", - деб ёзди Алтун Twitterда.

Унинг таъкидлашича, "ирқчилик, ксенофобия, исломофобия ва антисемитизм иғволар Туркияни жавоб ҳаракатларини амалга оширишга қўзғата олмайди".

"Бизнинг маданиятимизга нисбатан бундай масъулиятсиз ва бемаъни ҳужумлар фақат ирқчилик ва камситишларни келтириб чиқаради. Биз барча ақл-идрокли европалик дўстларни бу каби ибтидоий маданий ирқчилик, интеллектуал бепуштлик ва маданиятсиз мунозарага қарши зарба беришга чақирамиз", - деб қўшимча қилди Алтун.

306