Босим тобора кучаймоқда. АҚШ “Шимолий оқим-2” пудратчиларига таҳдид қилишга ўтди

588
Таъкидланишича, АҚШ газ қувурининг Германия ва Европанинг бошқа мамлакатларидан бўлган пудратчилари билан “уларнинг лойиҳада келгусида иштирок этишининг узоқ оқибатларини кўрсатиб бериш учун” иккита видеоконференция ўтказди.

ТОШКЕНТ, 26 июл - Sputnik. АҚШ ҳукумати “Шимолий Оқим-2” қурилишига жалб қилинган немис ва Европа компанияларига босимни кучайтирмоқда. Бу ҳақда дея “Die Welt” газетаси манбаларга таянган ҳолда хабар қилмоқда.

Таъкидланишича, АҚШ газ қувурининг Германия ва Европанинг бошқа мамлакатларидан бўлган пудратчилари билан “уларнинг лойиҳада келгусида иштирок этишининг узоқ оқибатларини кўрсатиб бериш учун” иккита видеоконференция ўтказди. Тадбирларда АҚШ Давлат департаменти, Молия вазирлиги ва Энергетика вазирлиги вакиллари иштирок этдилар. Газетага манбалар ҳабар беришича, америкалик амалдорлар “Шимолий оқим-2”нинг қурилиши якунланишига тўсқинлик қилишларини яққол билдиришди”.

“Мен (Вашингтон томонидан-таҳр.) таҳдидлар жуда жиддий деб ҳисоблайман”, - деди суҳбатдошлардан бири.

АҚШ Сенати пайшанба куни “Шимолий оқим-2”га қўшимча санкцияларни ўз ичига олган мудофаа бюджетини тасдиқлади. Россия президентининг матбуот котиби Дмитрий Песковнинг таъкидлашича, Кремль газ қувурига қарши санкциялардан хавотирда, улар номақбул ва қонунга зиддир. У ушбу лойиҳани амалга оширишга қаратилган стратегияни ишлаб чиқиш учун вазият таҳлил қилинишини таъкидлади.

Россиядан Европага газни эскпорт қилувчи “Шимолий оқим” газ қувури 2011 йилда ишга туширилган. Унинг иккита қувури Болтиқ денгизи туби бўйлаб Россиянинг Виборг шаҳридан Германиянинг Грайфсвальдигача давом этади.

Айни дамда “Шимолий оқим-2” иккинчи газ қувурининг қурилиши давом этмоқда. У Россия қирғоқларидан Болтиқ денгизи орқали Германияга қадар умумий қуввати йилига 55 миллиард кубометр газни етказиб берадиган иккита қувур линиясини қуришни кўзда тутади.

АҚШ ушбу лойиҳага фаол қарши чиқиб, у ўз суюлтирилган табиий газини Европа Иттифоқида, шунингдек Украина ва бир қатор Европа давлатларида тарғиб қилмоқда.

Ушбу лойиҳага аллақачон АҚШнинг санкциялари жорий қилинган, шу сабабли сўнгги босқичида бўлган газ қувури қурилиши чўзилди.

"Газпром" газ қувурини ётқизишни тугатиш, моҳиятини очиқламаган чораларни кўрмоқда ва уни 2020 йил охирида ёки 2021 йил бошида ишга туширишни режалаштирмоқда. Бугунги кунга қувурларнинг қарийб 94 фоизи ётқизилди. Шу билан бирга, 4 июн куни бир қатор сенаторлар АҚШ Сенатига газ қувурига қарши янги санкциялар тўғрисидаги қонун лойиҳасини киритдилар - улар қурилишда иштирок этаётган барча кемаларга, ушбу кемаларни етказиб берадиганларга, улар учун суғурта ва порт хизматларини кўрсатадиганларга ҳамда  “Шимолий оқим-2”нинг ишга тушиши учун сертификацияни ўтказиб берадианларга нисбатан қўлланилади.

588

Беларусь президенти сайловлари бўлиб ўтган деб тан олинди

364
Беларусь президенти сайловлари натижалари тан олиниши учун сайловчиларнинг 50 фоизидан зиёди овоз бериши керак.

ТОШКЕНТ, 9 авг — Sputnik. Соат 12:00 да (маҳаллий вақт билан) Беларусда президент сайловлари бўлиб ўтган деб тан олинди. Бу ҳақда Sputnik Беларусь нашри Марказий сайлов комиссияси раиси Лидия Ермошина сўзларига таянган ҳолда хабар қилмоқда.

Ермошинанинг сўзларига кўра, соат 12:00 да сайловда овоз берганлар 54 фоизни ташкил этди ва бу сайловни бўлиб ўтган деб тан олишга имкон беради.

Беларусь президенти сайловлари натижалари тан олиниши учун сайловчиларнинг 50 фоизидан зиёди овоз бериши керак. Сайланиш учун овозларнинг ярмидан кўпини олиш талаб этилади.

Беларусда беш номзод президентлик курсиси учун кураш олиб боришмоқда: Александр Лукашенко (амалдаги президент), Сергей Черечень (Беларусь социал-демократлар партияси раиси), Анна Канопацкая (собиқ депутат, тадбиркор, ҳуқуқшунос), Андрей Дмитриев  (жамоат арбоби, “Говори правду” бирлашмаси ҳамраиси), Светлана Тихановская (рўйхатдан ўтиш рад этилган гомеллик блогернинг рафиқаси).

364

Беларусда президент сайловлари бўлиб ўтмоқда

247
Мустақилликка эришган Беларусь тарихидаги олтинчи президент сайловлари 9 август куни бўлиб ўтмоқда. Президент лавозими учун 5 номзод кураш олиб бормоқда.

ТОШКЕНТ, 9 авг — Sputnik. Бугун, 9 август куни Беларусда президент сайловлари бўлиб ўтмоқда, деб хабар бермоқда Sputnik Беларусь нашри.

Бу мустақилликка эришган Беларусь тарихидаги олтинчи президент сайловлари саналади.

Сайлов участкалари соат 08:00 да очилади ва соат 20:00 гача ишлайди. Сўнгра овозларни ҳисоблаш бошланади. Мамлакат Марказий сайлов комиссияси сайловнинг дастлабки натижаларини душанба куни эрталаб эълон қилишни ваъда бермоқда.

Рўйхатдан ўтган беш номзод президентлик курсиси учун кураш олиб боришмоқда: Александр Лукашенко (амалдаги президент), Сергей Черечень (Беларусь социал-демократлар партияси раиси), Анна Канопацкая (собиқ депутат, тадбиркор, ҳуқуқшунос), Андрей Дмитриев  (жамоат арбоби, “Говори правду” бирлашмаси ҳамраиси), Светлана Тихановская (рўйхатдан ўтиш рад этилган гомеллик блогернинг рафиқаси).

Sputnik
Досрочное голосование на выборах президента Белоруссии

4 август куни бошланган муддатидан олдин овоз беришда 40 фоиздан зиёд сайловчилар ўз овозларини бериб бўлишган.

247

Сўх аҳолиси учун Фарғонанинг беш туманида ер ажратилади

254
Сўхликлар учун Фарғона вилоятининг Ёзёвон, Қўштепа, Бағдод, Риштон ва Бувайда туманлари ҳудудида деҳқончилик қилиш учун экин ер майдони ва ипотека кредитлари асосида квартиралар ажратилади.

ТОШКЕНТ, 9 авг — Sputnik. Сўх тумани аҳолиси учун Фарғона вилоятининг 5 та туманлари ҳудудида деҳқончилик қилиш учун экин ер майдони ва ипотека кредитлари асосида квартиралар ажратилади. Бу президент қарорида кўзда тутилган.

Ер вилоятнинг Ёзёвон, Қўштепа, Бағдод, Риштон ва Бувайда туманлари ҳудудида ажратилади.

Сўх тумани ҳокимига Фарғона вилояти ҳокимлиги билан келишган ҳолда 2022 йил 1 январга қадар туманни ижтимоий-иқтисодий ривожлантириш дастурига киритилган лойиҳалар учун, истисно тариқасида, суғориладиган ер майдонларидан ташқари ер участкаларини тўғридан-тўғри ажратиш ҳуқуқи берилади.

Фарғона вилояти ҳудудида марказлаштирилган маблағлар ҳисобидан амалга оширилаётган қурилиш-таъмирлаш ишларига, шунингдек, саноат корхоналарида янги ташкил этилаётган иш ўринларига Сўх тумани аҳолисини кенг жалб қилиш белгиланган.

Фарғонадан Сўхга кичик авиация транспортида қатнов йўлга қўйилади

Шунингдек, президент туманнинг иш билан бандлиги таъминланмаган аҳолисининг бир қисмини Тошкент шаҳрида йирик объектларда амалга оширилаётган қурилиш-таъмирлаш ишларига тизимли равишда жалб қилиш вазифасини топширди.

254