Мишустин COVID дан тузалиш, Россия олтин-валюта захиралари ва болаликдаги орзуси ҳақида

708
Россия бош вазири катта интервью берди. Унда коронавирусдан даволангани, мамлакатнинг олтин-валюта захиралари ва болаликдаги орзуси ҳақида сўзлаб берди.

ТОШКЕНТ, 27 июл — Sputnik. Россия бош вазири Михаил Мишустин “Россия 24” телеканалига интервью берди. Унда коронавирусдан даволангани, мамлакатнинг олтин-валюта захиралари ва болаликдаги орзуси ҳақида сўзлаб берди.

Пандемия cинови

Михаил Мишустиннинг сўзларига кўра, унга бош вазир бўлишни президент Владимир Путин таклиф қилган ва давлат раҳбари мурожаатномасида белгиланган вазифаларни ижро этишни мақсад қилган.

“Агар ҳукуматда ишламоқчи бўлсангиз, бунинг устига сизга ҳукумат раиси лавозими таклиф қилинган бўлса, албатта, сиз дучор бўладиган, айтайлик, бутун чақириқлар тўпламини тасаввур қилиш қийин. Ҳукуматда ишлашни менга Россия президенти Владимир Владимирович Путин таклиф этди, ва бу маънода, албатта, у январдаги мурожаатномасида айтиб ўтган асосий чораларни ижро этиш мақсад қилиб олинган эди”, - деди бош вазир.

У коронавирус пандемияси ишга ўз тузатишларини киритганини таъкидлади. Мурожаатномадаги чораларни ижро этиш, миллий лойиҳалар, миллий мақсадларни бажариш зарурияти “пандемия сингари бало” билан тўқнашган. Мишустиннинг сўзларига кўра, “ўринларни яратиш, тегишли медотикани ишлаб чиқиш, мутахассисларни тайёрлаш, шахсий ҳимоя воситаларни харид ва ишлаб чиқариш билан зарурияти билан боғлиқ қарорларни ҳар кунлик режим асосида қабул қилишга тўғри келган”.

“Буларнинг барчаси оддий бўлмаган чақириқ эди, шунинг учун қанчалик уддасидан чиққанимизга одамлар баҳо беришади деб ўйлайман”, - деди ҳукумат раҳбари.

Мишустин Россия мазкур оддий бўлмаган даврдан дунёдаги энг яхши натижалардан бири билан билан ўтганини таъкидлаш ўта муҳимлигига урғу берди.

Коронавирус: шахсий тажриба

Михаил Мишустин COVID-19 дан тузалиб жараёни оддий бўлмаганини маълум қилди. Касаллик юқори ҳарорат билан кечган.

“Тузалиш тезлиги борасида – мен сизга айтаманки, бу оддий бўлмаган ҳодиса. Ҳа, афсуски, юқори ҳарорат бор эди, бироқ “тез соғайди” деган гапга келсак, - бу умуман бундай эмас, бу ўзига яраша оддий бўлмаган жараён эди. Мен ўзимни яхши ҳис қилишим биланоқ, мен, албатта, дарҳол ишга қайтдим”, - деди у.

Россия бош вазири вирус мансаб танламаслиги ва жуда хавфлигини айтди. Сиёсатчининг сўзларига кўра, уни қандай юқтириб олгани ҳозиргача маълум эмас.

“Мен қандай қилиб коронавирусни юқтириб олганимни билмайман, буни мутлақо самимий айтяпман”, - деди Мишустин.

Унинг тан олишича, дарддан фориғ бўлишида шифокорларнинг ўрни беқиёс.

“Илоҳим, дунёдаги шифокорлар бизнинг россиялик шифокорларимиз ишлагани каби ишлашсин”, - деди ҳукумат раҳбари.

Унинг таъкидлашича, олимлар ҳозирча коронавируснинг иккинчи тўлқини учун асосларни кўришмаяпти.

“Умид қиламизки, Роспотребнадзор ва шифокорлар бераётган тавсияларга риоя қилсак, иккинчи тўлқин бўлмайди”, - деди Россия бош вазири.

 У мамлакат бўйлаб коронавирус билан касалланиш камаётганини қайд этди. Нафақат вирус тарқалиши, балки унинг тарқатиш хусусияти ҳам камаймоқда.

Болаликдаги орзу

Мишустин тиббиёт институтига ҳужжат топширишни режалаштиргани хусусида сўзлаб берди.

“Ойим кўп йиллик стажга эга ҳамшира. Гўдаклигимдан шифокорларга ҳурмат кўзи билан қарайман, чунки мен ҳамиша оқ халатлилар ёнида бўлганман – унинг (ойисининг – таҳр.) дугоналари, дўстлари, танишлари. Яна шуни айтмоқчиманки, солиқ хизматидаги ишга қадар тиббиёт институтига ҳужжат топширмоқчи бўлганман”, - деди у.

Вақт ҳақида

Мишустин унинг кўпроқ, жумладан, спорт билан шуғулланишга бўш вақти бўлишига умид билдирди.

“Ҳар бир ишнинг ўз вақту соати бор... Умид қиламанки, кўпроқ вақт бўлади, биз, албатта, жумладан спорт билан шуғулланиш учун фойдаланамиз”, - деди Россия бош вазири.

Унинг сўзларига кўра, ҳукумат аъзолари, бош вазир ўринбосарлари баъзан мамлакатдаги вазиятга қараб 24/7 режимида ишлашади.

“Пандемия ҳаётимизга ўз тузатишларини киритди. Президент туну кун ишлайди, ҳамиша алоқада”, - деди сиёсатчи.

У ҳукумат жамоаси бугунги кунда асосий вазифасини ижро этиш – одамларга хизмат қилиш учун ишламоқда.

Мамлакат бойлиги

Мишустин интервью давомида Россиянинг олтин-валюта захираларини айтиб ўтди. Унинг сўзларига кўра, улар барқарор.

“Бугунги кунда бу тахминан 570 миллиард доллардан зиёдроқ”, - деди Россия ҳукумати раҳбари.

Шунингдек, у мамлакатда стратегик миллий мақсадлар ва миллий лойиҳаларни амалга ошириш учун етарлича маблағ мавжуд маълум қилди.

“Хавотирга ўрин йўқ, сиз билганингиздек, президентнинг яқиндаги фармони билан 2030 йилгача белгиланган барча стратегик миллий мақсад ва биз шуғулланаётган миллий лойиҳаларни таъминлаш учун маблағлар етарлича”, - деди Россия бош вазири.

Мишустин барча қабул қилинган чоралар аниқ ва ўз натижаларини берганини қайд этди.

708

Беларусь президенти сайловлари бўлиб ўтган деб тан олинди

373
Беларусь президенти сайловлари натижалари тан олиниши учун сайловчиларнинг 50 фоизидан зиёди овоз бериши керак.

ТОШКЕНТ, 9 авг — Sputnik. Соат 12:00 да (маҳаллий вақт билан) Беларусда президент сайловлари бўлиб ўтган деб тан олинди. Бу ҳақда Sputnik Беларусь нашри Марказий сайлов комиссияси раиси Лидия Ермошина сўзларига таянган ҳолда хабар қилмоқда.

Ермошинанинг сўзларига кўра, соат 12:00 да сайловда овоз берганлар 54 фоизни ташкил этди ва бу сайловни бўлиб ўтган деб тан олишга имкон беради.

Беларусь президенти сайловлари натижалари тан олиниши учун сайловчиларнинг 50 фоизидан зиёди овоз бериши керак. Сайланиш учун овозларнинг ярмидан кўпини олиш талаб этилади.

Беларусда беш номзод президентлик курсиси учун кураш олиб боришмоқда: Александр Лукашенко (амалдаги президент), Сергей Черечень (Беларусь социал-демократлар партияси раиси), Анна Канопацкая (собиқ депутат, тадбиркор, ҳуқуқшунос), Андрей Дмитриев  (жамоат арбоби, “Говори правду” бирлашмаси ҳамраиси), Светлана Тихановская (рўйхатдан ўтиш рад этилган гомеллик блогернинг рафиқаси).

373

Беларусда президент сайловлари бўлиб ўтмоқда

247
Мустақилликка эришган Беларусь тарихидаги олтинчи президент сайловлари 9 август куни бўлиб ўтмоқда. Президент лавозими учун 5 номзод кураш олиб бормоқда.

ТОШКЕНТ, 9 авг — Sputnik. Бугун, 9 август куни Беларусда президент сайловлари бўлиб ўтмоқда, деб хабар бермоқда Sputnik Беларусь нашри.

Бу мустақилликка эришган Беларусь тарихидаги олтинчи президент сайловлари саналади.

Сайлов участкалари соат 08:00 да очилади ва соат 20:00 гача ишлайди. Сўнгра овозларни ҳисоблаш бошланади. Мамлакат Марказий сайлов комиссияси сайловнинг дастлабки натижаларини душанба куни эрталаб эълон қилишни ваъда бермоқда.

Рўйхатдан ўтган беш номзод президентлик курсиси учун кураш олиб боришмоқда: Александр Лукашенко (амалдаги президент), Сергей Черечень (Беларусь социал-демократлар партияси раиси), Анна Канопацкая (собиқ депутат, тадбиркор, ҳуқуқшунос), Андрей Дмитриев  (жамоат арбоби, “Говори правду” бирлашмаси ҳамраиси), Светлана Тихановская (рўйхатдан ўтиш рад этилган гомеллик блогернинг рафиқаси).

Sputnik
Досрочное голосование на выборах президента Белоруссии

4 август куни бошланган муддатидан олдин овоз беришда 40 фоиздан зиёд сайловчилар ўз овозларини бериб бўлишган.

247

Сўх аҳолиси учун Фарғонанинг беш туманида ер ажратилади

256
Сўхликлар учун Фарғона вилоятининг Ёзёвон, Қўштепа, Бағдод, Риштон ва Бувайда туманлари ҳудудида деҳқончилик қилиш учун экин ер майдони ва ипотека кредитлари асосида квартиралар ажратилади.

ТОШКЕНТ, 9 авг — Sputnik. Сўх тумани аҳолиси учун Фарғона вилоятининг 5 та туманлари ҳудудида деҳқончилик қилиш учун экин ер майдони ва ипотека кредитлари асосида квартиралар ажратилади. Бу президент қарорида кўзда тутилган.

Ер вилоятнинг Ёзёвон, Қўштепа, Бағдод, Риштон ва Бувайда туманлари ҳудудида ажратилади.

Сўх тумани ҳокимига Фарғона вилояти ҳокимлиги билан келишган ҳолда 2022 йил 1 январга қадар туманни ижтимоий-иқтисодий ривожлантириш дастурига киритилган лойиҳалар учун, истисно тариқасида, суғориладиган ер майдонларидан ташқари ер участкаларини тўғридан-тўғри ажратиш ҳуқуқи берилади.

Фарғона вилояти ҳудудида марказлаштирилган маблағлар ҳисобидан амалга оширилаётган қурилиш-таъмирлаш ишларига, шунингдек, саноат корхоналарида янги ташкил этилаётган иш ўринларига Сўх тумани аҳолисини кенг жалб қилиш белгиланган.

Фарғонадан Сўхга кичик авиация транспортида қатнов йўлга қўйилади

Шунингдек, президент туманнинг иш билан бандлиги таъминланмаган аҳолисининг бир қисмини Тошкент шаҳрида йирик объектларда амалга оширилаётган қурилиш-таъмирлаш ишларига тизимли равишда жалб қилиш вазифасини топширди.

256