Звездное небо

Пентагон "учар ликопчаларни" ўрганиш бўйича махсус гуруҳ тузади

214
(Янгиланган 11:34 14.08.2020)
АҚШ Мудофаа вазирлиги ҳарбий-ҳаво кучлари учувчилари тўқнашиб келган номаълум учар жисмларни ўрганиш бўйича ишчи гуруҳни тузишга қарор қилди.

ТОШКЕНТ, 14 авг - Sputnik. АҚШ Мудофаа вазирлиги ҳарбий-ҳаво кучлари учувчилари тўқнашиб келган номаълум учар жисмларни (НУЖ) ўрганиш бўйича ишчи гуруҳни тузишга қарор қилди, деб хабар беради РИА Новости CNN ўз ҳарбий манбалари асосида берган маълумотига таяниб.

"Мудофаа вазирининг ўринбосари Девид Норквист яқин кунларда расман тақдим этилиши кутилаётган ишчи гуруҳни назорат қилади", - дейилади телеканал хабарида.

CNN июл ойида АҚШ Конгрессида номаълум учар жисмлар тўғрисида хавотирлар билдирилганини эслатди, унда ушбу объектлар Ерда ишлаб чиқарилган бўлиши ва "эҳтимолий душманлар"нинг разведка воситалари бўлиши мумкинлиги истисно қилишмаган.

Иккинчи Жаҳон урушидан кейинги йиллар давомида АҚШда НУЖларни ўрганиш бўйича бир неча бор турли даражадаги гуруҳлар тузилган эди.

Апрел ойи охирида Пентагон ўзининг сайтида "номаълум ҳодисалар" акс эттирилган видеоларни жойлаштирди. Вазирликка кўра, АҚШ ҳарбий-денгиз кучларининг махфий бўлмаган учта видеолавҳалардан бири 2004 йил ноябр ойида, қолган иккитаси - 2015 йилнинг январида суратга олинган. Уларнинг барчаси Интернетга Пентагоннинг рухсатисиз 2007 ва 2017 йилларда тушиб қолган, уларнинг ҳақиқийлиги ҳарбий-денгиз кучлари томонидан тан олинган. Кейинроқ ҳарбийлар бир нечта ҳисоботларни чоп этдилар, унда учувчилар 2013 йил 27 июндан 2019 йил 13 февралгача НУЖлар билан учрашувлар ҳақида гапиришган.

Июн ойида, АҚШ Президенти Дональд Трамп, Нью-Мексико штатида 1947 йилда содир бўлган НУЖ қулаши билан боғлиқ жуда кўп қизиқарли нарсаларни билишини ва бу ҳодиса ҳақидаги маълумотнинг ошкор қилиниши мумкинлигини истисно қилмади. Турли манбаларда Розуэлл шаҳри яқинида қулаган объект ўзга сайёра кемаси ва унинг учувчиси АҚШ ҳукумати томонидан қўлга олинган ва маҳфийлаштирилган ўзга сайёралик эканлиги ҳақидаги версия машҳур бўлган. АҚШ ҳарбий-ҳаво кучларининг расмий позициясига кўра, Розуэллда топилган объект махфий дастурнинг бир қисми сифатида ишлатиладиган об-ҳаво зонди бўлган.

214

Жапаров Қирғизистон президенти сайловларида номзодини илгари суради

7
Қирғизистон президенти вазифасини бажарувчи Садир Жапаров сайловларда иштирок этиш учун декабрь ойида президент ваколатларини зиммасидан соқит қилмоқчи.

ТОШКЕНТ, 26 окт — Sputnik. Қирғизистон президенти вазифасини бажарувчи, бош вазир Садир Жапаров давлат раҳбари лавозимига ўз номзодини илгари суришини маълум қилди.

Жапаровнинг сўзларига кўра, бунинг учун у декабрда истеъфога чиқишни режалаштирмоқда.

“Мен бошқалар қатори сайловларда иштирок этаман. Агар ғалаба қозонсам президент бўламан, бўлмаса барча каби оддий фуқаро бўламан”, - деди Жапаров. Унинг сўзларидан Sputnik Қирғизистон иқтибос келтирган.

Қирғизистонда муддатидан аввалги президент сайловлари 2021 йил 10 январь куни бўлиб ўтади. Мамлакат Конституциясига биноан президент в.б. ўз номзодини илгари суриш ҳуқуқига эга эмас.

Аввалроқ Жапаров агар қонунчиликка тегишли ўзгартириш киритилса, президент сайловларида иштирок этишга тайёрлигини маълум қилган эди.

7

“Спутник V” вакцинасини яна бир ишлаб чиқарувчиси рўйхатга олинди

3
Россия Соғлиқни сақлаш вазирлиги “Спутник V” вакцинасининг яна бир ишлаб чиқарувчисини рўйхатга олди.

ТОШКЕНТ, 26 окт — Sputnik. Россия Соғлиқни сақлаш вазирлиги “Спутник V” вакцинасининг яна бир ишлаб чиқарувчиси – “Генериум” компанияси рўйхатга олди.

Пандемияга уч марта зарба: Россияда коронавирусга қарши 3-чи вакцинани синовлари бошланди
Ruptly / РФПИ / АФК "Система", завод "Биннофарм" / Роспотребнадзор

Бундан аввал препаратни рўйхатга олиш гувоҳномасига Гамалея эпидемиология ва микробиология илмий-тадқиқот маркази “Медгамал” филиали ва “Биннофарм” компанияси киритилган эди.

Янги ишлаб чиқариш майдонлари ишлаб чиқарилаётган вакцина ҳажмини сезиларли даражада оширади.

Августда ССВ Гамалея электрокимё тадқиқот маркази томонидан ишлаб чиқилган COVID-19нинг олдини олиш учун дунёдаги биринчи вакцинани рўйхатдан ўтказганди. Уни “Спутник V” деб номлашди.

Октябр ойида Роспотребнадзорнинг Вектор марказида яратилган яна бир маҳаллий “ЭпиВакКорона” препарати рўйхатдан ўтказилди. Шунингдек, ҳозирги вақтда Россия Фанлар академиясининг Чумаков номидаги иммунобиологик препаратларни тадқиқ қилиш ва ривожлантириш марказидан вакцина клиник синовлардан ўтмоқда.

Соғлиқни сақлаш вазири Михаил Мурашконинг сўзларига кўра, оммавий эмлаш катта ишлаб чиқариш ҳажмлари ишга туширилгандан сўнг бошланади. Бу бепул бўлади.

Саноат ва савдо вазирлиги раҳбари Денис Мантуров Россияда “Спутник V” вакцинасини ишлаб чиқариш ҳажмларини йил охирига қадар бир ярим миллион дозага етказиш режалаштирилганлигини маълум қилганди.

3