Дети по дороге в школу

Қозоғистонда ўқувчиларга мактабга эркин тарзда келишларига рухсат берилди

154
(Янгиланган 17:34 19.08.2020)
Жорий эпидемиологик ҳолат туфайли янги ўқув йили масофавий шаклда бошланади. Педагогик кенгаш давомида ўқитувчиларга таълим қоидалари, шунингдек навбатчи синфларда санитария хавфсизлигини таъминлаш чоралари батафсил тушунтирилмоқда.

ТОШКЕНТ, 19 авг - Sputnik. Қозоғистон Таълим вазирлиги хабар беришича, ота-оналарнинг қарорига кўра ўқувчилар мактабга эркин тарзда келишлари мумкин. Бу ҳақда умумреспублика ягона педагогик кенгашида маълум бўлди.

Педагогик кенгаш давомида ўқитувчиларга таълим қоидалари, шунингдек навбатчи синфларда санитария хавфсизлигини таъминлаш чоралари батафсил тушунтирилмоқда, деб хабар беради Таълим ва фан вазирлиги матбуот хизмати.

Таъкидланишича, мактаб формасига қўйиладиган талаблар бекор қилинмади. Аммо вақтинча ўзгаришлар киритилди - ота-оналар фарзандини мактабга формада ёки бошқа қулай кийимда юбориш тўғрисида қарорни ўзлари қабул қилишлари мумкин.

Ўқувчилар ва ўқитувчилар ҳарорати ҳар куни текширилади. Агар у меъёрдан ошса, ўқувчи уйига юборилади, ўқитувчи эса ишдан четлатилади.

Таъкидлаш жоизки, мактабларда мавжуд компьютерлар бир мунча вақтга муҳтож оилалар фарзандларига топширилади. Шунингдек ҳукумат ўқувчиларга бериш учун қўшимча ноутбук ва планшетларни ҳам сотиб олишни режалаштирмоқда.

"Ҳар бир минтақа, таълим муассасаси, масофавий таълим учун интернет платформани мустақил равишда танлайди. Таълимнинг масофавий формати доирасида, ўқитувчилар ва ўқувчилар стриминг тизимларидан фойдаланишлари мумкин бўлади", - деб маълум қилишди вазирликда.

Эслатиб ўтамиз, 2020-2021 ўқув йили Қозоғистонда масофавий форматда бошланади. Ота-оналарнинг истакларига қараб мактабларда 1-4 синф ўқувчилари учун навбатчи синфлар ташкил этилади. Бир синфда 15 кишидан ортиқ бўлмайди.

154

Лукашенко 5 ноябрдан президент сифатида тан олинмайди - Европарламент

446
(Янгиланган 17:08 19.09.2020)
Шу ҳужжатда Европарламент беларус мухолифати мувофиқлаштириш кенгашини "халқнинг муваққат вакили" сифатида тан олган ва сайловлар ўтказилишини қўллаб-қувватлаган.

ТОШКЕНТ, 19 сен — Sputnik. Европарламент Александр Лукашенкони 5 ноябрдан бошлаб республика раҳбари деб ҳисоблашдан тўхташлари ҳақида баёнот берди.

"Амалдаги аторитар етакчи Александр Лукашенконинг ваколатлари муддати тугаши билан <…>, парлмент уни мамлакат президенти сифатида бошқа тан олмайди", - дейилади резолюцияда.

Шу ҳужжатда Европарламент беларус мухолифати мувофиқлаштириш кенгашини "халқнинг муваққат вакили" сифатида тан олган ва сайловлар ўтказилишини қўллаб-қувватлаган. Шунингдек, Европарламент Лукашенкога нисбатан эҳтимолий санкцияларни ҳам қўллаб-қувватлаган.

Беларус ТИВ Европарламентнинг ушбу ҳаракатларидан ихлоси қайтганлигини маълум қилди. Идора, шунингдек, ўзини холис ва демократик тузилма сифатида намойиш этадиган ушбу ташкилот "бурнидан нарироққа қарашга" ўзида сиёсий ирода топа олмаганлигини қайд этган.

Республика кенгашида резолюциянинг қабул қилиниши давлатнинг ички ишларига аралашув сифатида баҳоланди. Россия Давлат думаси спикери Вячеслав Володин ҳам ушбу ҳужжатга "ички аралашув" сифатида баҳо берган эди. Володинга кўра, резолюциянинг қабул қилиниши мамлакатдаги ҳукумат органларини алмаштиришга бўлган уринишдир.

Беларусдаги воқеалар

Беларусдаги оммавий протестлар 9 август куни, президент сайловларида олтинчи маротаба Лукашенко ғалаба қозонгач бошланган эди. МСК маълумотларига кўра, у 80,1 фоиз овоз олган. Оппозиция сайловларда Светлана Тихановская ғалаба қозонди, дея ҳисоблайди. Тихановскаянинг ўзи мамлакатни тарк этишга қарор қилди ва Литвага йўл олди.

Акциянинг илк кунларида куч тузилмаси ходимлари протест қатнашчиларига нисбатан кўз ёш чиқарувчи газ, водомет, шовқин гранаталари, резина ўқларни ишлатишган. Сўнгра, ҳуқуқ тартибот органлари митингларни тарқатишни ва куч методларидан фойдаланишни тўхтатишди.

Расмий маълумотларга, илк кунларда 6,7 мингдан зиёд қўлга олинган. ИИВ хабарига кўра, тартибсизликлар давомида юзлаб одамлар жабрланган, жумладан, 120дан ортиқ куч ходимлари ҳам. Беларус ҳукумати маълумотига кўра, уч киши қурбон бўлган.

446
Панорама Риги

Латвиялик шифокор русийзабон эркакка ёрдам беришдан бош тортганини айтиб мақтанди

601
Ҳозир Латвияда ягона давлат тили - латиш тилидир. Аҳолининг деярли 40 %и учун она тили рус тили бўлса-да, аммо бу тил хорижий тил мақомига эга

ТОШКЕНТ, 19 сен — Sputnik. Латвия шифокорлари ҳамжамияти вице-президенти, анестезиолог-реаниматолог Робертс Фурманис касалхонага келган инсонга у фақат рус тилида гапиргани учун ёрдам беришдан бош тортгани ҳақидаги бир воқеа ҳақида сўзлаб берди. Sputnik Latvija хабари асосида.

Яқинда Ригадаги Страдыня номидаги касалхонада унга футболкасида "Россия" ёзуви бўлган эркак мурожаат қилган. Ташриф буюрувчи ундан туғруқхона бўлимини топишда ёрдам беришни сўраб, мурожаат қилган эди. Аммо латвиялик мутахассис эркакка бегона тилда гапиришдан бош тортган.

"Мен унга: "Хайрли кун. Бу ер Латвия. Аввало мулоқотни латиш тилида бошлаш кераклигини эслатмоқчиман", дедим. Эркак бурилди ва жўнаворди", — деди Фурманис.

Шифокорнинг сўзларига кўра, у "суягигача латиш", ва унда ҳатто айнан шундай ёзувлар битилган майкаси ҳам бор.

Ҳозир Латвияда ягона давлат тили - латиш тилидир. Аҳолининг деярли 40 %и учун она тили рус тили бўлса-да, аммо бу тил хорижий тил мақомига эга.

601