Московский кремль. Архивное фото

Бу уларнинг ички иши - Кремл Беларусдаги вазиятга изоҳ берди

327
Россия президенти матбуот котиби Дмитрий Песковнинг фикрига кўра, ҳозирги вазиятда асосийси - Беларусга ташқаридан таъсир қилишга йўл қўймаслик.

ТОШКЕНТ, 20 авг - Sputnik. Россия президенти Владимир Путин беларуссиялик ҳамкасби Александр Лукашенкони президент сайловидаги ғалабаси билан табриклади, деди Россия етакчисининг матбуот котиби Дмитрий Песков.

"Биз Беларусда рўй бераётган воқеаларнинг барчасига ушбу мамлакатнинг ички ишлари сифатида қараймиз", - деди Песков.

Унинг сўзларига кўра, Беларус Россия учун иттифоқчи давлат ва қардош мамлакатдир.

"Беларус - бизнинг иттифоқдош мамлакат ва қардош давлатдир. Беларус халқи ҳам бизга қардош", - дея қўшимча қилди у.

Песковнинг фикрига кўра, ҳозирги вазиятда асосийси ташқаридан таъсирга йўл қўймаслик.

"Биз вазият қонун доирасида қолиши тарафдоримиз. Белоруслар ўз муаммоларини ўзлари ушбу ҳуқуқий майдон ва мулоқот доирасида ҳал қилишлари керак", - дея таъкидлади у.

Эслатиб ўтамиз, аввалроқ ташқи ишлар вазири Сергей Лавров ҳам Беларусдаги сайловлар бўйича ўз фикрларини билдирган эди.

Лавровнинг сўзларига кўра, Москва Беларусьдаги вазиятга ташқи аралашувдан хавотирда, Европа Иттифоқи давлатлари раҳбарларининг баёнотлари эса инсон ҳуқуқлари ва демократияни қўллаб-қувватлашга ҳеч қандай алоқаси йўқ.

327

Букри кит тимсоҳларга тўла дарёга тасодифан сузиб келди

415
(Янгиланган 23:25 21.09.2020)
Австралияда букри кит тимсоҳларга тўла дарёга тасодифан сузиб келди. Икки ҳафтадан сўнг у очиқ денгизга қайтишга муваффақ бўлди.

ТОШКЕНТ, 21 сен — Sputnik. Австралиянинг Какаду миллий боғида букри кит тимсоҳлар тўла дарёга тасодифан сузиб келди. Икки ҳафтадан сўнг кит очиқ денгизга қайтишга муваффақ бўлди. ABC телеканали хабарига асосан.

Олдинроқ дарё бўйида балиқ овлашга кетган денгиз экологлари 2 сентябрь куни учта букри китни кўришганди. Кейинчалик улардан иккитаси денгизга қайтишга муваффақ бўлди. Таъкидланишича, тарихда илк бор Какаду миллий боғнинг дарёсида 20 километр нарида китни кўришганди.

Жума куни кит саёзликка сузиб келганда, олимлар ташвишга тушдилар.

"Кит лойга ботган эди, аммо кўриниши яхши эди", - дейди Кэрол Палмер, Австралия Шимолий Ҳудуди ҳукумати олими.

Олимлар китни қутқаришнинг кўплаб вариантларини, шу жумладан уни қўрқитиш ва орқага сузиш учун баланд товушлардан фойдаланиш усулларини кўришганди. Яхшиямки, кит якшанба куни денгизга қайтишга муваффақ бўлди.

415
Вакцина против новой коронавирусной инфекции впервые в мире зарегистрирована в России 11 августа

ЖССТ коронавирусга қарши вакцина учун Россияга миннатдорчилик билдирди

1032
(Янгиланган 17:04 21.09.2020)
Жаҳон соғлиқни сақлаш ташкилоти Россияга коронавируснинг янги штаммига қарши ишлаб чиқилган вакцина учун миннатдорчилик билдирди.

ТОШКЕНТ, 21 сен — Sputnik. Жаҳон соғлиқни сақлаш ташкилоти коронавируснинг янги штаммига қарши ишлаб чиқилган вакцина учун Россияга миннатдорчилик билдирди. Бу ҳақда ЖССТнинг Европа минтақавий бюроси раҳбари Ханс Клуге маълум қилди.

ЖССТ вакили Россияда яратилган вакцина хавфсизлиги ва самарадорлигига эътиборни қаратди.

“Мен Россияга хавфсиз ва самарали вакцинани яратиш бўйича ажойиб ҳаракатлар учун миннатдорчилик билдирмоқчиман”, - деди Клюге.

Россия шу йилнинг январь ойида коронавирусга қарши вакцинани ихтиро қилишга киришди. Россия Соғлиқни сақлаш вазирлиги август ойида дунёдаги биринчи COVID-19  вакцинасини рўйхатдан ўтказди.

Мутахассислар тадқиқот натижаларига кўра, вакцинани хавфсиз деб тан олишди ва у коронавирусга қарши иммунитетни шакллантиришга имкон беришини таъкидлашди.

ЖССТ бошидан Россиянинг коронавирус вакцинасига қизиқиш билдирган. Сентябрь ойининг бошларида машҳур тиббиёт журнали The Lancet Россия “Спутник V” вакцинаси клиник синовларининг икки босқич натижаларини эълон қилди.

1032
Мавзу:
COVID-19 умумжаҳон пандемияси
Пробирки с биоматериалом

Бирйўла 10 ҳудудда коронавирус аниқланди

11
Ўтган тун давомида 232 та янги коронавирус билан касалланиш ҳолати қайд этилди. Наманган вилоятида яна энг кўп касалланиш аниқланган.

ТОШКЕНТ, 22 сен — Sputnik. Ўзбекистонда ўтган тун давомида 232 янги коронавирус билан касалланиш қайд этилди. Жами касалланганлар сони 52 491 нафарга етди. Бу ҳақда Соғлиқни сақлаш вазирлиги хабар қилмоқда.

Янги касалланганларнинг 78 нафари Наманган вилоятида, 61 нафари Тошкент шаҳрида, 19 нафари Тошкент вилоятида, 16 нафари Андижон вилоятида, 12 нафари Жиззах вилоятида, 11 нафари Сурхондарё вилоятида, 10 нафари Қашқадарё вилоятида, 9 нафари Қорақалпоғистон Республикасида, яна 9 нафари Самарқанд вилоятида ҳамда 7 нафари Хоразм вилоятида фуқаролар орасида аниқланган.

Шу билан бирга, 2 нафар коронавирусга чалинган бемор (эркак ва аёл) вафот этди. Жами қурбонлар сони 440 нафарни ташкил этмоқда.

Шу пайтга қадар 48 606 нафар коронавирус инфекциясига чалинган фуқаролар (93 фоиз) соғайган.

Ҳозирда мамлакатда 3 445 нафар бемор даволанмоқда. Улардан 536 нафари оғир, 283 нафари эса ўта оғир аҳволда.

11
Теглар:
коронавирус, Ўзбекистон
Мавзу:
COVID-19 умумжаҳон пандемияси