Алексей Навальный

Ташҳис бор, лекин уни эълон қила олмаймиз - шифокор Навальныйнинг касали ҳақида

504
(Янгиланган 18:24 21.08.2020)
Россиялик таниқли мухолифатчи Алексей Навальний оғир аҳволда жонлантириш бўлимида. уни олиб кетиш учун Германиядан самолёт учиб келган, лекин шифокорлар уни транспортировка қилишга рухсат беришмаяпти.

ТОШКЕНТ, 21 авг - Sputnik. Алексей Навальныйни самолётдан касалхонага ётқизилиши, бошида айтилганидек, заҳарланиш билан боғлиқ эмас, деди Омск 1-чи тез тиббий ёрдам касалхонаси бош шифокори ўринбосари Анатолий Калиниченко.

Шифокор айтишига кўра, айни дамда шифокорлар "деярли тўлиқ ташхис қўйиб бўлган".

"Бизда ташҳис бор, асоратлар бор, бизда унинг жорий ҳолати бор – буларнинг барчаси биз қўйган ташхис тузилмасига тўла мос келади. Афсуски, мен уни сизга ошкор этолмайман. Ташҳис беморимизнинг рафиқаси ва укасига маълум қилинди", - дея қўшимча қилди шифокор.

Аввалроқ, вилоят шифокорлари Н.И.Пирогов номидаги НМХЦ ва академик Н.Н.Бурденко номидаги нейрохирургия НМИЦдан анестезиолог-реаниматологлар ва нейрофизиологларни таклиф қилишгани ҳақида хабар берилган эди.

Касалхонага ётқизилганидан кейин Навальныйнинг матбуот котиби Кира Ярмыш у ўпкани сунъий шамоллатиш ускунасига уланганини ва комада эканлигини айтди. Ярмыш Навальныйнинг токсик заҳарланлигини тахмин қилган. Ушбу версия ўз тасдиғини топмади. Ўтказилган тадқиқотлар натижаларига кўра, шифокорлар Навальныйда инсульт, инфаркт ёки инфекцион шикастланиш белгиларини аниқламадилар.

Жума куни эрталаб Омск БСМП-1 бош шифокори Александр Мураховский Навальныйнинг аҳволи барқарор оғир деб баҳоланаётганини, тун давомида бироз яхшиланганини, аммо "барқарор эмас"лигини маълум қилди.

Омскда реанимацияда ётган Алексей Навальныйнинг транспортировкаси ҳозирча мақсадга мувофиқ эмас ва хавфли, бу шифокорлар консилиумининг фикри, бу ҳақда журналистларга Омск шаҳридаги БСМП-1 бош шифокори ўринбосари Анатолий Калиниченко маълум қилди.

АҚШ сиёсатчилари ҳам россиялик жамоат арбоби Алексей Навальныйнинг эхтимолий заҳарланиши ҳақидаги маълумотдан жуда хавотирда. Кеча АҚШ президенти Дональд Трамп ҳам АҚШ Алексей Навальныйнинг касалхонага ётқизилиши билан боғлиқ вазиятни кузатаётганини айтди.

Париж ва Берлин Омскда реанимацияга ётқизилган блогер Алексей Навальныйга тиббий ёрдам кўрсатишга тайёр эканликларини билдиришди. Бу ҳақда Франция президенти Эммануэль Макрон ва Германия канцлери Ангела Меркель қўшма матбуот анжуманида айтиб ўтдилар.

"Жаноб Навальныйга келсак, биз вазиятдан жуда ташвишдамиз ва қайғудамиз", - деди Макрон.

Унинг қўшимча қилишича, Франция ҳукумати блоггер билан боғлиқ воқеани тергови борасида ҳушёр бўлади. Макрон Навальныйнинг сақлаб қолишларига умид билдирди.

Германия канцлери Ангела Меркель Навальныйнинг касалхонага ётқизилгани ва унинг "ташвишли" ҳолатидан ҳайратда қолганини айтди.

"Умид қиламан ва унинг соғайиб кетишини тилаб қоламан. Ва агар улар буни хоҳласалар - менимча, бу Франция ва Германияга ҳам тегишли - биз ҳар қандай тиббий ёрдамни, шунингдек, Германия шифохоналарини ҳам тақдим этишга тайёрмиз, аммо хоҳиш (бундай ёрдамга) у ерда (Россияда) билдирилиши керак", - дея таъкидлади у.

Алексей Навальныйнинг даволовчи врачи Анастасия Василева Россия ҳукуматидан уни Европа токсикологик марказига олиб борилишида ёрдам беришини сўради.

Аввалроқ, Россия президенти матбуот котиби Дмитрий Песков "агар Навальныйнинг чет элда даволанишига эҳтиёж бўлса, бундай мурожаатлар тез кўриб чиқилишини" айтган эди.

Германиянинг Bild газетаси жума куни кечқурун Германиянинг Нюрнберг аеропортидан тиббий самолёт учгани ҳақида хабар берган эди. Нашр Навальный Берлиндаги "Шарите" клиникасига олиб борилиши режалаштиришаётганини тахмин қилмоқда. FlightRadar сайтига кўра, самолёт Омск аэропортига маҳаллий вақт билан 12.10 (Москва вақти билан 09.10)да қўнган, ҳаво порти унинг келганини тасдиқлади.

Эслатиб ўтамиз, пайшанба куни Навальный Томскдан Москвага учаётган самолёт, блоггер ўзини ёмон ҳис қилгани сабабли шошилинч Омскка қўнди. У 1-чи тез тиббий ёрдам шифохонасига ётқизилди, вилоят ССВ бемор реанимацияда эканлигини маълум қилди.

504

30 миллиондан ошиб кетди. COVID бўйича жаҳон статистикаси янгиланди

50
(Янгиланган 12:43 18.09.2020)
Портал маълумотларига кўра, дунёда ҳозирга қадар коронавирус инфекциясини юқтирган инсонлар сони 30 181 110 нафарга етган. Улардан ярмидан кўпи, коронавирусни юқтирганлар сони энг кўп бўлган учта давлат ҳиссасига тўғри келади.

ТОШКЕНТ, 18 сен - Sputnik. Дунёда пандемия бошланганидан буён аниқланган коронавирус ҳолатлари 30 миллиондан ошиб кетди. Жонса Хопкинс томонидан эълон қилинган маълумотлар шундан далолат бермоқда.

Портал маълумотларига кўра, дунёда ҳозирга қадар коронавирус инфекциясини юқтирган инсонлар сони 30 181 110 нафарга етган. Улардан ярмидан кўпи, коронавирусни юқтирганлар сони энг кўп бўлган учта давлат ҳиссасига тўғри келади.

17 сентябр куни бир суткада дунё бўйича 314 минг киши инфекцияни юқтирган.

Коронавирусга чалиниш ҳолати энг кўп АҚШда аниқланган – 6,6 миллион ҳолат, Ҳиндистонда – 5,2 миллион ва Бразилияда – 4,4 миллион. Россия 17 сентябр ҳолатига кўра 1,08 миллион кўрсаткич билан тўртинчи ўринда келмоқда.

Инфекция оқибатида 945 минг киши вафот этган (қурбонлар сони АҚШ, Бразилия ва Ҳиндистонда энг кўп).

Соғлиқни сақлаш вазирлиги маълумотига кўра, 17 сентябр соат 10.00 ҳолатига кўра Ўзбекистонда коронавирусга чалиниш кўрсаткичи 50 мингга яқинлашган.

50
Утки

Минглаб ўрдаклар далаларни ҳашоротлардан тозаламоқда - видео

87
(Янгиланган 11:11 18.09.2020)
Таиландда минглаб ўрдаклар ҳашоротларга қарши курашиш учун шоли майдонларига олиб чиқилди. Натижада - майдонлар ҳам тоза ўрдаклар ҳам тўқ.

ТОШКЕНТ, 18 сен - Sputnik. Таиландда 10 мингга яқин ўрдаклар шоли далаларини ҳашоротлардан тозлашда ёрдам бермоқда. Ушбу ҳақидаги видео интернетда тарқалди, деб хабар қилмоқда РИА Новости. 

Маълум бўлишича, Накхон вилояти фермерлари ўзаро келишувга кўра шоли далаларини ҳашоротлардан тозалаш мақсадида ўрдаклар армиясидан самарали фойдаланишмоқда. Ўрдаклар 5 ой давомида деҳқонларга далаларни қумусқалардан тозалашда ёрдам беради ва шундан сўнг ўз фермаларига қайтади. 

Фермер Апиват Чалермклин айтишига қараганда ушбу амалиёт иккала томонга ҳам фойда келтирмоқда: деҳқонлар ҳашоротларга қарши турли кимёвий моддалардан фойдаланмайди, паррандачилар эса - қушларни овқатида эконом қилади. 

87

Бозордаги раққоса, тимсоҳлар ўртасидаги оқ турна ҳафта сурати

0
Ўтган ҳафта 12-18 сентябрь кунлари жаҳоннинг етакчи халқаро фото-агентликлар ва ОАВлар томонидан тасвирга олинган энг ёрқин суратларни эътиборингизга ҳавола этамиз.

Ҳафтанинг энг қизиқарли суратлари - Sputnik фотожамланмасида.

 

0
  • © Sputnik / Alexey Maishev

    Минск, ноқонуний аёллар марши иштирокчиси.

  • © Sputnik / Andrey Stasevich

    Сочи аэропортида Беларусь президенти Александр Лукашенко

  • © REUTERS / Gleb Garanich

    Қарға кўршапалакка ҳужум қилмоқда, Киев, Украина

  • © REUTERS / Juan Medina

    Мадрид, Mercedes Benz мода ҳафталигида Custo Barcelona намойиши

  • © AFP 2018 / Angelos Tzortzinis

    Лесвос оролида полиция билан тўқнашув пайтида мигрант

  • © AFP 2018 / Sam Panthaky

    Ҳиндистонлик раққоса "Наваратри" байрамига тайёргарлик кўриш жараёни

  • © AFP 2018 / DHA

    Туркия, Анқарада чанг бўрони

  • © Sputnik / Alexander Vilf

    Дарья Павлюченко ва Денис Ходикин Москвада фигурали учиш бўйича Россия терма жамоасининг чиқиши

  • © AFP 2018 / Joaqaquin Sarmiento

    Колумбия, Медельинда норозилик акциясида.

  • © AP Photo / Gerald Herbert

    Флорида штати, Пенсакола шаҳрида тошқин

  • © Sputnik / Alejandro Martinez Velez

    Испания, Мадрид ҳукуматга қарши норозилик акцияси.

  • © REUTERS / Hannah McKay

    Буюк Британия, Брайтон пляжига одамлар дам олмоқда.

  • © REUTERS / Alexander Kuznetsov

    Финляндия қутб шуъласи.

  • © AFP 2018 / Kenzo Tribouillard

    "Тур де Франс" велопойга иштирокчилари.

  • © AFP 2018 / Lakruwan Wanniarachchi

    Коммунал хизматчи Коломбо шаҳридаги мактаб ҳудудида чивинларни заҳарламоқда

  • © AFP 2018 / Wang Zhao

    Пекин мода ҳафталиги - idol lady2020 либослар тўплами намойиши.

  • © AFP 2018 / Orlando Sierra

    Гондурас, Тегусигалпа шаҳрида коронавирус чораларига қарши ҳукуматга қарши намойиш пайтида аёл эркакка ҳужум қилмоқда

  • © REUTERS / KCNA

    Шимолий Корея етакчиси Ким Чен Ин тошқиндан зарар кўрган - Тэчхонри ҳудудини кўздан кечирмоқда.

  • © REUTERS / Karen Ducey

    АҚШ, Вашингтон штати, Сиетл шаҳрида Пике Плаcе бозорида раққоса суратга тушмоқда

  • © Sputnik / Vladimir Astapkovich

    ГУМ-Авторалли-2020 рэтро автомобиллар пойгаси олдидан.

  • © AP Photo / Matt Dunham

    Жулиан Ассанж тарафдорлари норозилик акциясида, Лондон

  • © REUTERS / Alexey Pavlishak

    Қрим Crimean Fashion Week мода намойиши.

  • © REUTERS / Gonzalo Fuentes

    Франция полицияси Парижда сариқ нимчалар ҳаракати намойиши пайтида ёнаётган машина ёнидан ўтмоқда

  • © AFP 2018 / Anne-Christine Poujoulat

    Франция, Гренобл канал йўлагида осилган велосипедчилар

  • © AFP 2018 / Robyn Beck

    Орегон штати ёнган уй олдида одамлар

  • © REUTERS / Corinna Kern

    Исроилда норозилик акцияси.

  • © AP Photo / Andre Penner

    Бразилияда ёнғин пайтида Бенто Гомес дарёси бўйида тимсоҳлар ва оқ қўтон