Трамп коронавирус эпидемияси вакцинага зарурият туғилмай ўтиб кетишига ишончи комил

177
Олдинроқ мутахассислар АҚШ президентининг коронавирус "ўзидан-ўзи аста-секин йўқ бўлиб кетиши мумкин" деган гапларини бир неча бор рад этишган эди.

ТОШКЕНТ, 25 авг - Sputnik. АҚШ президенти Дональд Трамп, АҚШ вакцина пайдо бўлиши-бўлмаслигидан қатъий назар, коронавирусдан халос бўлиш мумкинлигига ишонади.

Аввалроқ, Оқ уйнинг коронавирусга қарши курашиш бўйича ишчи гуруҳи аъзолари АҚШ президентининг коронавирус "ўзидан-ўзи аста-секин йўқ бўлиб кетиши мумкин" деган гапларини бир неча бор рад этишган.

"Биз қачон ушбу вирусдан халос бўламиз, у албатта ўтиб кетади ва бу одамлар ўйлагандан ҳам кўра тезроқ содир бўлади, вакциналарсиз содир бўлади. Бу рўй бермоқда ҳам", - деди Трамп Шимолий Каролинада ўз тарафдорлари олдидаги чиқиши пайтида. У АҚШда коронавирус вакцинаси синовнинг сўнгги босқичи давом этаётганини эслатди ва "у йил охиригача ёки ундан олдин ҳам пайдо бўлиши мумкин", деди. "Биз вирусни биргаликда енгамиз", - деди Америка президенти.

Джонс Хопкинс университети маълумотларига кўра, АҚШда коронавирус билан касалланганлар сони 5,7 миллиондан ошди, 177 минг АҚШ аҳолиси вафот этди. АҚШда бир нечта компаниялар коронавирусга қарши вакцинани ишлаб чиқиш устида ишламоқдалар, ҳозирда янги вакцина синовларнинг сўнгги босқичида. Аввалроқ, Трамп маъмурияти вакцина йил охиригача пайдо бўлиши мумкинлигини маълум қилган.

11 август куни Россия Соғлиқни сақлаш вазирлиги Н.Ф.Гамалея номидаги Эпидемиология ва микробиология Илмий тадқиқот маркази, Россия тўғридан-тўғри инвестициялар жамғармаси билан ҳамкорликда дунёда биринчи ишлаб чиқилган янги коронавирус инфекциясини (COVID-19) олдини оладиган “Спутник V” вакцинасини рўйхатга олди. Россия тўғридан-тўғри инвестиция жамғармаси (РФПИ) ўз ҳамкорлари билан биргаликда Россияда коронавирусга қарши вакцинани ишлаб чиқариш учун 4 миллиард рубль миқдорида сармоя киритдилар.

Россия ва дунёдаги COVID-19 билан боғлиқ сўнгги маълумотлар стопкоронавирус.рф порталида келтирилган.

177

Лукашенко 5 ноябрдан президент сифатида тан олинмайди - Европарламент

396
(Янгиланган 17:08 19.09.2020)
Шу ҳужжатда Европарламент беларус мухолифати мувофиқлаштириш кенгашини "халқнинг муваққат вакили" сифатида тан олган ва сайловлар ўтказилишини қўллаб-қувватлаган.

ТОШКЕНТ, 19 сен — Sputnik. Европарламент Александр Лукашенкони 5 ноябрдан бошлаб республика раҳбари деб ҳисоблашдан тўхташлари ҳақида баёнот берди.

"Амалдаги аторитар етакчи Александр Лукашенконинг ваколатлари муддати тугаши билан <…>, парлмент уни мамлакат президенти сифатида бошқа тан олмайди", - дейилади резолюцияда.

Шу ҳужжатда Европарламент беларус мухолифати мувофиқлаштириш кенгашини "халқнинг муваққат вакили" сифатида тан олган ва сайловлар ўтказилишини қўллаб-қувватлаган. Шунингдек, Европарламент Лукашенкога нисбатан эҳтимолий санкцияларни ҳам қўллаб-қувватлаган.

Беларус ТИВ Европарламентнинг ушбу ҳаракатларидан ихлоси қайтганлигини маълум қилди. Идора, шунингдек, ўзини холис ва демократик тузилма сифатида намойиш этадиган ушбу ташкилот "бурнидан нарироққа қарашга" ўзида сиёсий ирода топа олмаганлигини қайд этган.

Республика кенгашида резолюциянинг қабул қилиниши давлатнинг ички ишларига аралашув сифатида баҳоланди. Россия Давлат думаси спикери Вячеслав Володин ҳам ушбу ҳужжатга "ички аралашув" сифатида баҳо берган эди. Володинга кўра, резолюциянинг қабул қилиниши мамлакатдаги ҳукумат органларини алмаштиришга бўлган уринишдир.

Беларусдаги воқеалар

Беларусдаги оммавий протестлар 9 август куни, президент сайловларида олтинчи маротаба Лукашенко ғалаба қозонгач бошланган эди. МСК маълумотларига кўра, у 80,1 фоиз овоз олган. Оппозиция сайловларда Светлана Тихановская ғалаба қозонди, дея ҳисоблайди. Тихановскаянинг ўзи мамлакатни тарк этишга қарор қилди ва Литвага йўл олди.

Акциянинг илк кунларида куч тузилмаси ходимлари протест қатнашчиларига нисбатан кўз ёш чиқарувчи газ, водомет, шовқин гранаталари, резина ўқларни ишлатишган. Сўнгра, ҳуқуқ тартибот органлари митингларни тарқатишни ва куч методларидан фойдаланишни тўхтатишди.

Расмий маълумотларга, илк кунларда 6,7 мингдан зиёд қўлга олинган. ИИВ хабарига кўра, тартибсизликлар давомида юзлаб одамлар жабрланган, жумладан, 120дан ортиқ куч ходимлари ҳам. Беларус ҳукумати маълумотига кўра, уч киши қурбон бўлган.

396
Панорама Риги

Латвиялик шифокор русийзабон эркакка ёрдам беришдан бош тортганини айтиб мақтанди

573
Ҳозир Латвияда ягона давлат тили - латиш тилидир. Аҳолининг деярли 40 %и учун она тили рус тили бўлса-да, аммо бу тил хорижий тил мақомига эга

ТОШКЕНТ, 19 сен — Sputnik. Латвия шифокорлари ҳамжамияти вице-президенти, анестезиолог-реаниматолог Робертс Фурманис касалхонага келган инсонга у фақат рус тилида гапиргани учун ёрдам беришдан бош тортгани ҳақидаги бир воқеа ҳақида сўзлаб берди. Sputnik Latvija хабари асосида.

Яқинда Ригадаги Страдыня номидаги касалхонада унга футболкасида "Россия" ёзуви бўлган эркак мурожаат қилган. Ташриф буюрувчи ундан туғруқхона бўлимини топишда ёрдам беришни сўраб, мурожаат қилган эди. Аммо латвиялик мутахассис эркакка бегона тилда гапиришдан бош тортган.

"Мен унга: "Хайрли кун. Бу ер Латвия. Аввало мулоқотни латиш тилида бошлаш кераклигини эслатмоқчиман", дедим. Эркак бурилди ва жўнаворди", — деди Фурманис.

Шифокорнинг сўзларига кўра, у "суягигача латиш", ва унда ҳатто айнан шундай ёзувлар битилган майкаси ҳам бор.

Ҳозир Латвияда ягона давлат тили - латиш тилидир. Аҳолининг деярли 40 %и учун она тили рус тили бўлса-да, аммо бу тил хорижий тил мақомига эга.

573