ТОШКЕНТ, 25 авг — Sputnik. Москва вилоятидаги “Алабино” ҳарбий полигонида “Танк биатлони”нинг биринчи дивизиони иккинчи босқич ўтказилди. Россия, Қозоғистон, Қирғизистон ва Ўзбекистон - тўртта экипаж стартга чиқди.
Мусобақа мезбонлари масофани 18 дақиқадан кам вақтда босиб ўтиб, пойга ғолибларига айланишди. Иккинчи ўринни қозоғистонлик жамоа эгаллади. Улар масофани босиб ўтиш ва отиш бўйича 23 дақиқадан кўпроқ вақт сарфлади. Қирғизистон экипажи 27.04 натижалари билан учинчи ўринда, Ўзбекистон жамоаси 28.43 дақиқалик вақт билан якунлади.
Ўзбекистон танкчилари 5 та нишондан 2 тасини яксон қилди. Отишма ва жарима масофани ўтиш учун вақт йўқотди.
Республика танкчилари иштирокидаги навбатдаги пойгалар 26 ва 27 август кунлари бўлиб ўтади.
