"Маккор тактика"- эксперт Сурияда РФ ва АҚШ ҳарбийлари ўртасида юз берган воқеа ҳақида

1170
Вашингтон Россияни Суриядаги низоларга барҳам бериш протоколларини бузганликда айблади. Шу ҳафтада Сурия шимолида Россия патрули ва АҚШ ҳарбий кучлари автотранспорти тўқнашуви оқибатида бир неча америкалик аскарлар жароҳатланди.

Оқ уй Россияни Суриядаги низоларга барҳам бериш протоколларини бузганликда айблади. Sputnik радиоси эфирида "Россия офицерлари" экспертлар кенгашининг аъзоси, ҳарбий сиёсатшунос Александр Перенджиев вазиятга ўз муносабатини билдирди.

АҚШ Россия ҳарбийларини Сурияда америкалик аскарлар жабрланган йўл-транспорт ҳодисасини қўзғатишда айблади.

"Россия машинаси Суриянинг шимолий-шарқида (АҚШ бошчилигидаги - таҳр.) коалициянинг зирҳли машинаси билан тўқнашиб кетди, натижада машинадаги экипаж аъзолари жароҳат олди", - дейилади Миллий хавфсизлик кенгаши вакили Жон Уллиот баёнотида.

Унинг сўзларига кўра, можарони олдини олиш мақсадида Америка зирҳли машинаси воқеа жойини тарк этди.

Вашингтоннинг айтишича, "бундай хавфли ва нокасбий ҳаракатлар" можароларнинг олдини олиш бўйича Россия-Америка келишувига зиддир.

Уллиотнинг таъкидлашича, АҚШ эскалацияни истамайди, аммо "душманлик ҳаракатларидан ўзини ҳимоя қилиш бўйича даҳлсиз ҳуқуқга эга".

Россия томони бу айбловларни рад этди. Россия Қуролли кучлари Бош штаби бошлиғи Валерий Герасимовнинг сўзларига кўра, халқаро коалиция Сурияда Россия карвонининг ўтиши тўғрисида олдиндан огоҳлантирилганди.

Шунга қарамай, АҚШ ҳарбийлари Россия патрул хизматига тўсқинлик қилишга уринишган.

"Бунга жавобан РФ Қуролли кучлари ҳарбий полицияси номақбул ҳодиса олдини олиш ва белгиланган вазифани бажариш учун зарур чораларни кўрди", - дейилади Мудофаа вазирлиги хабарида.

Sputnik радиоси эфирида Плеханов номидаги Россия иқтисодиёт университети Сиёсатшунослик ва социология кафедраси доценти, “Россия офицерлари” экспертлар кенгаши аъзоси, ҳарбий сиёсатшунос Александр Перенджиев таъкидлашича, Америка томони маълум бир амалиётни ишлаб чиққан: қилмаган ҳаракатлари учун рақибини айблаш.

"АҚШ фирибгарона тактикани танлади: улар ўзлари муайян шартномаларни, келишувларни бузадилар-да, дарҳол Россияни уларни бузганликда айблашга шошилишади. Яъни бу ерда қуйидаги принцип амал қилади: энг яхши мудофаа - бу ҳужум. Улар биз кечирим сўрашимизни исташади. Гўёки, руслар ўзларини айбдор билиб кечирим сўрашсин, биз эса келишувларни бузишда давом этамиз, руслар айбдор бўлади, биз эса оппоқ ва юмшоқлигимизча қоламиз. Бу фош этилиши керак бўлган жуда ҳийлакор фирибгарона тактикадир. Улар Россияни айблаган ҳолларда, аслида ўзлари бузғунчилардир. Айтишадику, ўғрининг кўзи ўйнар. Улар халқаро ҳуқуқни хоҳлаганча буришмоқда", - деди Александр Перенджиев.

1170
Тело Владимира Ильича Ленина в Мавзолее В.И. Ленина

АҚШда Ленин жасадини сотиб олиш учун 50 миллион доллар тўплашди

623
(Янгиланган 18:01 18.09.2020)
АҚШда Лениннинг мўмиёланган жасадидан арт-объект сифатида фойдаланишмоқчи бўлишди. Бунинг учун улар Россияга мўмай пул таклиф қилишди.

ТОШКЕНТ, 18 сен — Sputnik. Владимир Лениннинг мўмиёланган жасадини сотиб олиш учун АҚШда 50 миллион доллар жамланди, деб хабар қилмоқда РИА Новости, америкалик рассом Дэвид Датунага асосан. 

Бироз олдин Датуна Вашингтонда Ленин мавзолейи нусхасини қуришни ва у ерга Ленин жасадини олиб келишни таклиф қилган эди. Ушбу таклиф Америка ва Россия фуқаролари томонидан қўллаб-қувватланди.

Дастлаб рассом дастлаб жасадни сотиб олиш учун ўз ҳисобидан 1 миллион доллар таклиф қилган, лекин бир сутка ичида ушбу таклифни амалга ошириш тарафдори бўлган турли фуқаролардан кўплаб таклифлар келиб тушган. Ташаббускорлар "Лойиҳа"ни амалга ошириш учун 50 миллиондан ортиқ маблағ жамлашга тайёрлигини билдиришган. 

Ушбу таклиф Россия Коммунистик партияси етакчиси Геннадий Зюганов томонидан кескин кутиб олинди. Сиёсатчи америкаликлар таклифига "Фақат сотқинларгина ўз ватанини, тарихини ва даҳоларини сотади" деб жавоб берди. 

Бунга америкаликлар "Ахир Ленин нафақат Россиядаги балким бутун дунё пролетариатининг отаси бўлган. Агар бутунлай беришни истамасангиз, балким вақтинча бериб турарсизлар", - деб жавоб қайтаришди. 

Айтиш жоизки, америкалик санъат ишқибозларининг ушбу таклифи асосида - соф тижорий манфаатлар ётибди. Рассом айтишига қараганда, ҳозир АҚШда кўплаб социал-коммунистик ўзгаришлар содир бўлмоқда ва мавзолей ана шундай ўзгаришлар тимсолига айланиши мумкин. Бундай арт-объектларга сайловлар олдидан талаб жуда катта бўлади.

Асли келиб чиқиши грузиялик бўлган рассом Дэвид Датуна ўзининг сиёсий портретлар ва байроқлар акс этган суратлари ва инсталляциялари билан танилган. 

Эслатиб ўтамиз, бироз олдин Россия Архитекторлар иттифоқи Ленин танаси мавзолейдан олиб кетилганидан сўнг ушбу бинодан қандай фойдаланиш мумкин, деган мавзуда танлов эълон қилган эди. Лекин Россияда ушбу таклиф кўпчиллик томонидан танқид остига олинди ва айни дамда Иттифоқ ўз танловини бекор қилган. 

623

Исроил дунёда биринчи бўлиб такрорий карантинни жорий қилди

253
(Янгиланган 17:06 18.09.2020)
Аввал бошдан одамларга уйдан 500 метр масофага узоқлашиш таъқиқланиши режалаштирилаётган эди, аммо натижада ҳукумат рухсат берилган масофани бир километргача узайтирди.

ТОШКЕНТ, 18 сен — Sputnik. Исроилда коронавирус туфайли такрорий умуммиллий карантин кучга кирди, деб хабар бермоқда РИА Новости.

Чекловлар уч ҳафтага узайтирилиши имкони билан киритилмоқда. Карантин чекловлари яҳудийларнинг кузги байрамлари вақтида ҳам амал қилади, дейилади хабарда.

Аввалроқ одамларга уйдан 500 метр масофага узоқлашишни таъқиқлаш режалаштирилаётган эди, аммо натижада ҳукумат рухсат берилган масофани бир километргача узайтирди.

Рухсат этилган масофадаги паркларга, болалар майдончалари ва диний ибодатларга чиқиш мумкин.

Бир километрдан ортиқ масофага фақатгина ишга, дори-дармонга, биринчи эҳтиёж товарлари, оғир шароитдаги одамларга ёрдам, дафн маросимлари, суд ёки донорлик марказига бориш мумкин.

Шунингдек, норозилик акцияларида иштирок этиш учун ҳам карантин қоидаларини бузиш мумкин.

Исроил ҳукумати меҳмонга бориш, пляжларда дам олиш, ўн кишидан ортиқ компанияларда йиғилишни чеклаган.

Таълим ва кўнгилочар муассасалари, кафе, ресторанлар ва спорт клублари, савдо марказлари, сартарошхоналар ва гўзаллик салонлари қаторида ёпиқ.

Бен Гурион номидаги аэропорт мамлакатга келиб-кетувчилар учун жорий этилган қоидалар асосида ўз ишини давом эттирмоқда. Исроилга чет элликларнинг келиши бўйича чекловлар март ойи ўртасидан бошлаб амал қилмоқда.

Карантин чекловларига амал қилинишини минглаб полициячилар назорат қилишади. Улар асосан тушунтириш ишларини олиб борадилар, "чидаб бўлмас" ҳолатлар учун жарималар кўзда тутилган.

Такрорий карантиннинг зарурлигини ўзининг махсус мурожаатида бош вазир Биньямин Нетаньяху тушунтириб ўтган.

"Менинг бош вазир сифатидаги мажбуриятларим ва масъулиятим нафақат сизнинг соғлиғингиз, балки ҳаётингиз учун ҳам қайғуришдан иборат. Агар геометрик прогрессияда ўсиш бор экан, сиз бунинг нималигини тушунишингизни истардим: бу фақатгина ноқулайлик эмас, бу фақатгина оғир касалларнинг кўплиги эмас, бу шундай ҳолатки, ҳатто касалхона койкалари кўпайтирилса ҳам - биз улар сонини кўпайтирдик, ҳатто зарур бўлган ИВЛ аппаратлари қўшилса-да - биз уни ҳам қўшдик, ҳатто врачлар ва ҳамширалар сони кўпайтирилганидан кейин ҳам бригадалар касалланиш тезлигини бошқара олмаяптилар - ҳамма нарсанинг ўз чегараси бор. Бунинг ортидан қурбонлар сони ортмоқда", — деди у.

Бош вазир шунингдек, аҳоли ва тадбиркорларни иқтисодий қўллаб-қувватлаш дастури тўғрисида ҳам тўхталиб ўтган.

Дастурга кўра, айрим юқори лавозимли давлат хизматчиларининг маошини 10 фоизга қисқартириш, бизнесга ёрдам кўрсатиш критерийларига ўзгартириш киритиш (бу товар айланмаси камида 25 фоизга пастлаган корхоналарга чиқимларни қоплаб беришни назарда тутади), пул тўловларини тезлаштирилган тартибда олиш, маҳаллий солиқ тўловларида ёрдам сингари бандларни ўз ичига олган.

Исроил умуммиллий карантинни такроран эълон қилган биринчи давлатга айланди. Карантин чекловлари май ойида, беморлар қайд этилиши суткасига бир нечтагача пастлаганда бекор қилинган эди. Хусусан, Соғлиқни сақлаш вазирлигига кўра, Исроилда 16 май куни фақатгина 2 киши COVID-19ни юқтирган. Аммо июнь ойидан бошлаб беморланиш ҳолатлари яна ўсишни бошлади, сентябр ўрталарига келиб суткасига олти минггача етди. Пандемия давомида 1169 киши вафот этди.

253
Узбекские милиционеры рядом с патрульной машиной

Қашқадарёда мактаб директори ўз жонига қасд қилди. У вафотидан олдин хат ёзиб қолдирган

573
Шунингдек, маълумотларга кўра, текширишда марҳумнинг яқин қариндошлари мурдани суд-тиббиёт экспертизаси кўригидан ўтказмаслик мақсадида юрак ҳуружидан вафот этгани важи билан жасадни кўмиб юборишганлиги аниқланган

ТОШКЕНТ, 18 сен - Sputnik. Бош прокуратура матбуот-хизмати ижтимоий тармоқларда тарқалган Қашқадарё вилоятида мактаб директори ўз жонига қасд қилганлиги, вафотидан олдин хат ёзиб қолдирганлиги ҳақидаги хабарлар юзасидан расмий баёнот эълон қилди.

Мактубда келтирилишича, директор суиқасд олдидан хат ёзган ва унда барча ҳамкасбларидан коррупцияга йўл қўймасликни ўтиниб сўраган.

"Ҳозирда мазкур ҳолат юзасидан Китоб тумани прокуратураси томонидан терговга қадар текширув ҳаракатлари олиб борилмоқда", - дейилади Бош прокуратура хабарида.

Шунингдек, маълумотларга кўра, текширишда марҳумнинг яқин қариндошлари мурдани суд-тиббиёт экспертизаси кўригидан ўтказмаслик мақсадида юрак ҳуружидан вафот этгани важи билан жасадни кўмиб юборишганлиги аниқланган.

Ҳозирда туман халқ таълими, ички ишлар бўлимлари ҳамда махалла ва оилани қўллаб-қувватлаш маркази туман бўлимининг мутасадди ходимлари ҳаракатлари юзасидан хизмат текширувлари тайинланган.

Текшириш ҳаракатлари давом этмоқда.

573