Алексей Леонков военный эксперт

Жанг майдони ҳам рақамлаштирилмоқда ҳарбий эксперт

269
(Янгиланган 16:15 03.09.2020)
Замонавий қуроллар ахборотни жуда тез қайта ишлаб катта тезликда узатишни талаб қилади. Ахборот алмашинуви самарадорлиги жангда ғалаба қозониш учун жуда муҳим.

ТШКЕНТ, 3 сен - Sputnik. Бугун барча қуроллар ва ҳатто жанг майдони ҳам рақамлаштирилмоқда, дейди ҳарбий эксперт, “Арсенал отечества” журнали директори Алексей Леонков.

"Мен “Армия 2020”  қурол яроғ кўргазмасида бўлдим. У ерда 28 мингдан ортиқ қурол-яроғ намуналари ва жанговар ҳамда тинч ҳаётда керак бўлиши мумкин бўлган минглаб ускуналар намойиш этилган.

Ахборот технологиялари ҳама соҳага кириб келмоқда, жумладан жанг майдонига ҳам. Қурол-аслаҳалар ҳам рақамли технологиялар ёрдамида ишламоқда. Нишонга жуда аниқ урадиган қуроллар мажмуаси яратилмоқда. Бу эса ўз навбатида жанг майдонида умумқўшин аҳамиятига эга бўлган ахборот алмашинув тизимини яратишни талаб қилади.

Ахборотни жуда тез қайта ишлаб уни катта тезликда узатиш талаб этилади. Жангда ғалаба қозониш ёки ютқазиш ҳам ахборот алмашинувига боғлиқ бўлиб қолмоқда", - дейди Леонков.

Рақамлаштиришнинг аудио, видео суратлар узатиш, визуализация қилиш каби имкониятлари туфайли, ҳар бир аскар янада кўпроқ қулайлик ва самаралилик билан ватанини ҳимоя қилиш имконига эга бўлмоқда.

Мутахассис фикри билан батафсил аудиоподкастимизда танишинг.

Леонков о современном оружии: информация становится ключевым фактором в бою
269
Пассажиры в аэропорту Домодедово имени М. В. Ломоносова

Бир нечта мамлакат фуқаролари учун Россияга кириш тақиқи бекор қилинди

123
Беларусь, Қозоғистон, Қирғизистон ва Жанубий Корея фуқаролари Россияга ҳаво ўтказиш пунктлари орқали киришлари мумкин.

ТОШКЕНТ, 21 сен — Sputnik. Россия Беларусь, Қозоғистон, Қирғизистон ва Жанубий Корея билан мунтазам авиақатновларни тикламоқда. Тегишли қарорга Россия бош вазири Михаил Мишустин имзо чекди.

Юқорида кўрсатилган давлатлар фуқаролари Россияга ҳаво ўтказиш пунктлари орқали киришлари мумкин, россияликлар, ўз навбатида, ушбу мамлакатларга парвоз қилишлари мумкин.

Россия ҳукумати сайтида ёзилишича, рейслар ҳафтасига бир марта амалга оширилади. Самолётлар Нур-Султон (Қозоғистон), Бишкек (Қирғизистон), Минск (Беларусь) шаҳарларига парвоз қилади.

Жанубий Корея билан авиақатнов эса 27 сентябрдан қайта тикланади.

Шунингдек, Россия халқаро авиақатновлар тикланиши муносабати билан чет элдан фуқароларини чартер рейсларда олиб келиш дастурини тўхтатиб қўяди.

Эслатиб ўтамиз, аввалроқ Россия Беларусь, Қозоғистон, Қирғизистон ва Жанубий Корея билан мунтазам авиақатновларни тиклашга қарор қилгани ҳақида хабар қилинган эди.

123
Теглар:
авиапарвозлар, коронавирус, Жанубий Корея, Қирғизистон, Қозоғистон, Беларусь, Россия
Люди в защитных костюмах проводят церемонию погребения человека умершего от COVID-19

ЖССТ Европада COVID-19 билан боғлиқ вазият ёмонлашиши сабабини айтди

375
(Янгиланган 17:25 20.09.2020)
Европанинг қатор мамлакатларида чеклов чоралари юмшатилгани ва чегаралар қисман очилгандан сўнг COVID-19 билан касалланиш ва ундан ўлим ҳолати ўсиши кузатилмоқда.

ТОШКЕНТ, 20 сен — Sputnik. Европада эпидемиологик вазиятнинг ёмонлашиши коронавирусга қарши ҳимоя чораларига риоя қилмаслик билан боғлиқ. Бу ҳақда РИА Новостига Жаҳон соғлиқни сақлаш ташкилотининг (ЖССТ) Белграддаги офиси маълум қилди.

Албания, Босния ва Герцеговина, Словения, Шимолий Македония, Хорватия, Черногория ва ўзини ўзи мустақил деб эълон қилган Косово республикасида июль ва август ойида касаллик камайганидан, чеклов чоралари юмшатилгани ва чегаралар қисман очилгандан сўнг COVID-19 билан касалланиш ва ундан ўлим ҳолати ўсиши кузатилмоқда.

“Эпидемиологик вазиятнинг ёмонлашиши сабаблари фуқаролар томонидан чораларга, айниқса, дам олишда, стадионларда, тунги клубларда, диний ташкилотларда ва байрамларда ва бошқа оммавий йиғилишда риоя қилинмасликдадир. Инфекциянинг олдини олиш ва унинг устидан назорат айрим давлатлар учун жиддий чақириқ бўлди”,  - дейилган хабарда.

Шунингдек, ташкилот барча мамлакатлар бу вазиятга тегишли чоралар билан ҳамда мувофиқлашган ва қатъий равишда муносабат билдириши зарурлигини таъкидлаган.

Сўнгги маълумотларга кўра, дунё бўйлаб коронавирус юқтириб олганлар сони 31 миллиондан ошиб кетган. Қурбонлар сони 963 мингдан зиёд кишини ташкил этмоқда.

375
Теглар:
Европа, коронавирус, ЖССТ
Мавзу:
COVID-19 умумжаҳон пандемияси
Нож в руке. Иллюстративное фото

Тошкентда фуқаро тунги клуб олдида 4 кишини пичоқлади

32
Жанжал вақтида пичоқланган 2 нафар шахс вафот этган, қолган 2 нафарини ҳаёти сақлаб қолинган. Қотилликда гумон қилинган шахс қўлга олинган.

ТОШКЕНТ, 21 сен — Sputnik. Бош прокуратура ижтимоий тармоқларда тарқалган хабар юзасидан расмий баёнот берди. Унда Тошкент шаҳар, Юнусобод туманида қотиллик содир этилганлиги айтилган эди.

Аниқланишича, 2020 йил 20 сентябрь куни соат 06.00 ларда Юнусобод тумани, А.Темур кўчасида жойлашган тунги клубидан чиққан шахслар кўчада турган бошқа бир гуруҳ шахслар билан ўзаро жанжаллашган.

Жанжал вақтида фуқаро С.Х. ёнида бўлган пичоқ билан 4 нафар шахсга бир неча мартотаба тан-жароҳатлари етказиб, ҳодиса жойидан яширинган.

Оқибатда 2 нафар шахс вафот этган, қолган 2 нафарини ҳаёти сақлаб қолинган.

Мазкур ҳолат юзасидан Тошкент шаҳар прокуратураси С.Х.га нисбатан ЖКнинг 97-моддаси 2-қисми “а, л” бандлари, 25,97-моддаси 2-қисми “а, л” бандлари билан жиноят иши қўзғатган. С.Х. процессуал тартибда ушланган.

Тергов ҳаракатлари олиб борилмоқда.

32