Повар готовит в ресторане в Париже еду на вынос

Дунёга янги пандемия чанг солмоқда

1015
Агар зарур чоралар кўрилмаса, ортиқча вазн ёки унинг оқибатида саломатликда юзага келадиган муаммолар туфайли, келгуси ўн йилликда соғлиқни сақлаш тизимига қилинадиган ҳаражатлар йилига 1,3 триллион долларга ошиши мумкин

ТОШКЕНТ, 8 сен — Sputnik. Миллионлаб одамлар соғлом овқатдан маҳрум бўлишмоқда, бу эса бутун дунёда семизлик муаммоларини келтириб чиқариши ва глобал пандемия хавфини юзага келтириши мумкин, деб хабар қилади Bloomberg.

БМТ прогнозларига кўра, жорий йил якунида 130 миллиондан зиёд одамлар очлик билан тўқнаш келади, аммо ривожланган давлатларда семизлик масаласи янада жиддий хатарни юзага келтирмоқда.

Коронавирус пандемияси вақтида бутун дунё бўйича инсонлар даромаддан маҳрум бўлиб, озиқ-овқатда тежашга ва соғлик учун зарарли бўлган маҳсулотлар, хусусан, фастфудни танлашга мажбур бўлишган.

Ҳозирнинг ўзида ортиқча вазнга эга инсонлар сони оч қолганлар сонидан бир неча баробар кўпроқни ташкил қилмоқда. Бу ҳолат айниқса, ривожланган давлатларда кўп кўзга ташланади.

Хусусан, британияликларнинг учдан икки қисми ҳозирда ортиқча вазндан азият чекишади. Натижада мамлакатдаги ҳар еттинчи ўлим носоғлом овқатланиш туфайли юзага келиб, бунинг оқибатида тиббиётга ҳаражатлар мунтазам ошмоқда.

Ортиқча вазнга эга инсонлар қанд касалига, юрак-қон томир касалликларига ва рак касалликларига мойил бўлади.

Айни вақтда, БМТ ҳисоб-китобига кўра, дунё бўйича 3 миллиард инсон соғлом овқат олишдан маҳрум бўлиб, шу туфайли ортиқча вазн муаммолари пайдо бўлмоқда. Бу эса янги пандемияни келтириб чиқариш билан тенгдир.

Агар зарур чоралар кўрилмаса, ортиқча вазн ёки унинг оқибатида саломатликда юзага келадиган муаммолар туфайли, келгуси ўн йилликда соғлиқни сақлаш тизимига қилинадиган ҳаражатлар йилига 1,3 триллион долларга ошиши мумкин.

1015

Уханлик вирусолог коронавируснинг янги турлари ҳақида гапирди

116
Коронавирус тарқалган ҳудуднинг "юрагидан" бўлган хитойлик эксперт-вирусолог ўз ўрганишлари давомида кашф қилган ҳолатлар ҳақида гапирди

ТОШКЕНТ, 5 дек — Sputnik. Хитой ҳудудида коронавирусга эга кўпшапалакларнинг бир қанча тури мавжуд, деб хабар қилди Ухань вирусология институти мутахассиси Ши Чженли. Унинг сўзларидан Guardian иқтибос келтирмоқда.

Вирусолог коронавируснинг янги турлари мамлакатнинг жанубий ва жануби-ғарбий қисмларида рўйхатдан ўтказилганини қўшимча қилди.

Эксперт шунингдек, коронавирусли кўршапалаклар Хитой чегарасидан ташқарида, хусусан, Жанубий Осиёда ҳам мавжуд, дея ҳисоблайди.

Чжэнли COVID-19 вируси кўршапалакдан одамга тўғридан-тўғри юқмаганини, ўртадаги ташувчини аниқлаштириш кераклигига эътибор қаратди.

Шунингдек, ўтган йилнинг охирида топилгунига қадар, вируснинг ҳайвонлар ёки одамлар орасида қанча вақт циркуляция қилганлиги ҳақидаги савол ҳам номаълумлигича қолмоқда.

116
Мавзу:
COVID-19 умумжаҳон пандемияси
МДҲда COVID-19’га қарши Россия вакцинаси пайдо бўлиши мумкин

Қозоғистон "Спутник V" вакцинасини ишлаб чиқаришга ҳозирлик кўрмоқда

57
Қозоғистонда коронавирусга қарши препарат сифатида рўйхатдан ўтган биринчи вакцинани ишлаб чиқариш Россия президенти Владимир Путин билан бўлган келишувга мувофиқ йўлга қўйилади.

ТОШКЕНТ, 5 дек — Sputnik. Қозоғистонда 2020 йилнинг 22 декабридан Россиянинг "Спутник V" вакцинасини ишлаб чиқариш йўлга қўйилади, аҳолини ихтиёрий равишда оммавий вакцина билан эмлаш ишларини 2021 йилдан бошлаш кўзда тутилган. Бу ҳақда Қозоғистон президенти Касим Жомарт-Токаевнинг бош вазир Аскар Мамин билан бўлган учрашувидан сўнг маълум бўлган, деб хабар қилмоқда Sputnik Қозоғистон нашри.

"Давлат раҳбарига алоҳида блокда унинг Россия президенти Владимир Путин билан келишувига биноан шу йилнинг 22 декабрида Қозоғистонда Россиянинг "Спутник V" вактсинасини ишлаб чиқариш бошланиши ҳақида хабар берилди. Мамлакат аҳолисини оммавий равишда ихтиёрий эмлашни бошлаш ишлари 2021 йил бошидан режалаштирилган", - деб ёзади Акорда.

“Спутник V”: 50тадан ортиқ давлат вакцинани сотиб олиш учун буюртма берди >>>

Таъкидланишича, биринчи босқичда аҳолининг вирусни юқтириб олиш хатарига кўпроқ мойил бўлган қисми, хусусан, шифокорлар, педагоглар ва куч тузилмалари ходимлари қамраб олинади.

Сал олдинроқ Қозоғистон декабр ойида қозоқ вакцинасини ишлаб чиқаришни йўлга қўйиши маълум қилинган эди.

57
Мавзу:
COVID-19 умумжаҳон пандемияси

Шойгунинг қизи Россия триатлон федерацияси президенти этиб сайланди

84
Спор ҳамжамияти орасида Ксения Шойгу оммавий спорт тадбирларини ўтказадиган ташкилот раҳбари сифатида танилган

ТОШКЕНТ, 5 дек — Sputnik. РФ Мудофаа вазири Сергей Шойгунинг қизи — Ксения Шойгу — Россия Триатлон федерациясининг янги президенти лавозимини эгаллади, бу ҳақда терма жамоа мутахассиси Мария Шорей РИА Новостига маълум қилган.

Федерация раҳбарлигига сайловлар шанба куни ҳисобот-сайлов анжуманида бўлиб ўтган.

Ташкилотнинг аввалги раҳбари Петр Иванов Бутунроссия енгил атлетика федерацияси раҳбари этиб сайланган.

Спор ҳамжамияти орасида Ксения Шойгу оммавий спорт тадбирларини ўтказадиган ташкилот раҳбари сифатида танилган.

84