Здание МИД РФ

Россия ТИВ Берлиннинг Навальний тўғрисидаги баёнотига муносабат билдирди

382
(Янгиланган 14:52 09.09.2020)
Россия ТИВ баёнотида келтирилишича, барча мурожаатларга қарамасдан, Берлин уларга тезкор ва конструктив муносабат билдиришни жоиз деб билмаган.

ТОШКЕНТ, 9 сен — Sputnik. Россия Ташқи ишлар вазирлиги Берлиннинг Навальний тўғрисидаги баёнотига муносабат билдирди.

Куни кеча АҚШ давлат департаменти G7 мамлакатларининг қўшма баёнотини тарқатди. Унда улар Россияни зудлик билан Алексей Навальнийнинг “заҳарланишида” ким жавобгар эканини аниқлаш ва айбдорларни жавобгарликка тортишни чақиришган.

“Бизнинг барча мурожаатларимизга қарамасдан, Берлин уларга тезкор ва конструктив муносабат билдиришни жоиз деб билмади”, - дейилган Россия ТИВ баёнотида.

Таъкидланишича, Россия ГФРнинг Алексей Навальний атрофидаги воқеаларга бўлган ёндашувини конструктив эмас деб ҳисоблайди.

“Бир вақтнинг ўзида Германия ҳукуматининг шундай конструктив бўлмаган ёндашуви ортида Россияга асоссиз таъналар ёғдирилиши давом этмоқда. Кенг тарқалган дезинформация кампанияси унинг ташаббускорлари асосий вазифани А.Навальнийнинг соғлиғи ҳақида қайғуриш ва унинг касалхонага ётқизилишининг ҳақиқий сабабларини аниқлашни эмас, балки санкция жорий этиш руҳини ишга солишни кўришаётганидан яққол далолат беради”, - дейилган хабарда.

Россия ТИВ баёнотида билдирилишича, ГФР томонидан Навальний иши бўйича маълумотлар йўқлиги Россияга бўлиб ўтган ҳодисани аниқлашда зарурий механизмларни ишга солишига имкон бермаяпти.

Шунингдек, хабарда Германия россиялик тиббиёт ходимларининг немис ҳамкасблари билан Навальний иши бўйича мулоқотини тўхтатиб қўйганини қўшимча қилинган.

“Таъкидлаймизки, россиялик тиббиёт ходимлари ҳам немис ҳамкасблари билан Россия ва Германия эга бўлган А.Навальний аҳволи тўғрисидаги маълумотларни муҳокама қилиш учун мулоқотни йўлга қўйишни таклиф этмоқда. Афсуски, Германия томони бу жараённи сустлаштириб тўхтатиб қўймоқда”, - дейилган хабарда.

Навальний 20 август куни самолётдан ўзини ёмон ҳис этгач, Омскда шошилинч касалхонага ётқизилган эди. Омсклик врачлар текширувлар якунига кўра, моддалар алмашинуви бузилиши оқибатида қон таркибида қанднинг кескин тушиб кетиши юз берган, дея ташхис қўйганлар. Аммо у нима туфайли юз бергани - ҳозирча маълум эмас, Навальний қони ва пешобида, омсклик шифокорлар маълумотларига кўра, заҳарлар аниқланмаган.

Кейинчалик блогерни самолёт билан Германияга олиб кетишди. Чоршанба куни ГФР ҳукумати ҳарбий медикларга таянган ҳолда, Навальнийни "Новичок" жанговар моддаси таркибига кирувчи заҳарли субстанция билан заҳарлашгани ҳақида баёнот берди.

Кремль Берлин Москвани ўз хулосалари ҳақида хабардор этмаганини таъкидлади, Россия ТИВ эса Россия ушбу ҳолат юзасидан Германиядан расмий жавоб кутаётганини билдирди.

7 сентябрь куни Берлиннинг “Шарите” клиникаси Навальний ҳолати яхшилангани, уни комадан чиқаришга муваффақ бўлингани ҳақида хабар берди.

382

Лукашенко 5 ноябрдан президент сифатида тан олинмайди - Европарламент

384
(Янгиланган 17:08 19.09.2020)
Шу ҳужжатда Европарламент беларус мухолифати мувофиқлаштириш кенгашини "халқнинг муваққат вакили" сифатида тан олган ва сайловлар ўтказилишини қўллаб-қувватлаган.

ТОШКЕНТ, 19 сен — Sputnik. Европарламент Александр Лукашенкони 5 ноябрдан бошлаб республика раҳбари деб ҳисоблашдан тўхташлари ҳақида баёнот берди.

"Амалдаги аторитар етакчи Александр Лукашенконинг ваколатлари муддати тугаши билан <…>, парлмент уни мамлакат президенти сифатида бошқа тан олмайди", - дейилади резолюцияда.

Шу ҳужжатда Европарламент беларус мухолифати мувофиқлаштириш кенгашини "халқнинг муваққат вакили" сифатида тан олган ва сайловлар ўтказилишини қўллаб-қувватлаган. Шунингдек, Европарламент Лукашенкога нисбатан эҳтимолий санкцияларни ҳам қўллаб-қувватлаган.

Беларус ТИВ Европарламентнинг ушбу ҳаракатларидан ихлоси қайтганлигини маълум қилди. Идора, шунингдек, ўзини холис ва демократик тузилма сифатида намойиш этадиган ушбу ташкилот "бурнидан нарироққа қарашга" ўзида сиёсий ирода топа олмаганлигини қайд этган.

Республика кенгашида резолюциянинг қабул қилиниши давлатнинг ички ишларига аралашув сифатида баҳоланди. Россия Давлат думаси спикери Вячеслав Володин ҳам ушбу ҳужжатга "ички аралашув" сифатида баҳо берган эди. Володинга кўра, резолюциянинг қабул қилиниши мамлакатдаги ҳукумат органларини алмаштиришга бўлган уринишдир.

Беларусдаги воқеалар

Беларусдаги оммавий протестлар 9 август куни, президент сайловларида олтинчи маротаба Лукашенко ғалаба қозонгач бошланган эди. МСК маълумотларига кўра, у 80,1 фоиз овоз олган. Оппозиция сайловларда Светлана Тихановская ғалаба қозонди, дея ҳисоблайди. Тихановскаянинг ўзи мамлакатни тарк этишга қарор қилди ва Литвага йўл олди.

Акциянинг илк кунларида куч тузилмаси ходимлари протест қатнашчиларига нисбатан кўз ёш чиқарувчи газ, водомет, шовқин гранаталари, резина ўқларни ишлатишган. Сўнгра, ҳуқуқ тартибот органлари митингларни тарқатишни ва куч методларидан фойдаланишни тўхтатишди.

Расмий маълумотларга, илк кунларда 6,7 мингдан зиёд қўлга олинган. ИИВ хабарига кўра, тартибсизликлар давомида юзлаб одамлар жабрланган, жумладан, 120дан ортиқ куч ходимлари ҳам. Беларус ҳукумати маълумотига кўра, уч киши қурбон бўлган.

384
Панорама Риги

Латвиялик шифокор русийзабон эркакка ёрдам беришдан бош тортганини айтиб мақтанди

570
Ҳозир Латвияда ягона давлат тили - латиш тилидир. Аҳолининг деярли 40 %и учун она тили рус тили бўлса-да, аммо бу тил хорижий тил мақомига эга

ТОШКЕНТ, 19 сен — Sputnik. Латвия шифокорлари ҳамжамияти вице-президенти, анестезиолог-реаниматолог Робертс Фурманис касалхонага келган инсонга у фақат рус тилида гапиргани учун ёрдам беришдан бош тортгани ҳақидаги бир воқеа ҳақида сўзлаб берди. Sputnik Latvija хабари асосида.

Яқинда Ригадаги Страдыня номидаги касалхонада унга футболкасида "Россия" ёзуви бўлган эркак мурожаат қилган. Ташриф буюрувчи ундан туғруқхона бўлимини топишда ёрдам беришни сўраб, мурожаат қилган эди. Аммо латвиялик мутахассис эркакка бегона тилда гапиришдан бош тортган.

"Мен унга: "Хайрли кун. Бу ер Латвия. Аввало мулоқотни латиш тилида бошлаш кераклигини эслатмоқчиман", дедим. Эркак бурилди ва жўнаворди", — деди Фурманис.

Шифокорнинг сўзларига кўра, у "суягигача латиш", ва унда ҳатто айнан шундай ёзувлар битилган майкаси ҳам бор.

Ҳозир Латвияда ягона давлат тили - латиш тилидир. Аҳолининг деярли 40 %и учун она тили рус тили бўлса-да, аммо бу тил хорижий тил мақомига эга.

570