Хитой компанияси дунёда энг яхши ўзи қораювчи ойна ихтиро қилди

472
(Янгиланган 18:23 09.09.2020)
Хитой компанияси ишлаб чиққан ўзи қораюувчи ойна, бугунги кундаги мавжуд аналогларига қараганда жуда кўп устуворликларга эга.

ТОШКЕНТ, 9 сен - Sputnik. Хитойнинг BOE корпорацияси янги интеллектуал ойна ишлаб чиқди. Smart Dimming деб номаланадиган ушбу ойнанинг қоралигини бир неча сония ичида ўзгартириш мумкин. 

BOE компанияси таъкидлашига кўра Smart Dimming ойна бошқа технологияларга қараганда қуйидаги устуворликларга эга: 

  1. Чексиз қорайтириш имконига эга: нур ўтказиш даражаси 1%дан кам бўлиши мумкин 
  2. Энергия тежамкор: кучланиш <12 В, қуввати - 2 Вт/м2
  3. Юқори шаффофлик: кўкимтир ранги йўқ ва ҳар қандай бурчак остида ўзгармайди 
  4. Қорайтириш даражасини бошқариш қулай: автоматик/қўлда/дастур орқали
  5. Турли шакл ва ҳажмда бўлиши мумкин
  6. Ташқи қўриниши қора ёки кулранг бўлиши мумкин
  7. Товуш ва ҳароратдан яхши изоляция қилади

Ушбу хусусиятлари туфайли ушбу "Ақлли" ойна нафақат автомобиллар ён ёки тепа ойнаси сифатида, балким биноларда, анжуманлар залида хоналарни ажратиш, офисларда ва бошқа жойларда ҳам фойдаланиш мумкин. 

Албатта бугунги кунда ҳам қорайтириладиган ойналар ишлаб чиқарилмоқда ва энг қиммат автомобилларга ўрнатилмоқда. Ҳозир улар қуйидаги технологиялар асосида ясалади: PDLC (полимер дисперсион суюқ кристалл), EC (электрохром) ва SPD (муаллақ заррачалар). Ушбу технологияларнинг ҳар бири ўзига яраша етишмовчилик ва ноқулайликлари бўлгани туфайли кенг тарқалмаган. 

BOE томонидан ишлаб чиқилган янги технология ойна ичига киритилган махсус бўёқ молекулаларининг айланишини назорат қила олади ва уларни узоқ вақт давомида бир хил ҳолатда ушлаб тура олади ва бунинг учун нисбатан кам энергия сарфлайди. 

472

Уханлик вирусолог коронавируснинг янги турлари ҳақида гапирди

106
Коронавирус тарқалган ҳудуднинг "юрагидан" бўлган хитойлик эксперт-вирусолог ўз ўрганишлари давомида кашф қилган ҳолатлар ҳақида гапирди

ТОШКЕНТ, 5 дек — Sputnik. Хитой ҳудудида коронавирусга эга кўпшапалакларнинг бир қанча тури мавжуд, деб хабар қилди Ухань вирусология институти мутахассиси Ши Чженли. Унинг сўзларидан Guardian иқтибос келтирмоқда.

Вирусолог коронавируснинг янги турлари мамлакатнинг жанубий ва жануби-ғарбий қисмларида рўйхатдан ўтказилганини қўшимча қилди.

Эксперт шунингдек, коронавирусли кўршапалаклар Хитой чегарасидан ташқарида, хусусан, Жанубий Осиёда ҳам мавжуд, дея ҳисоблайди.

Чжэнли COVID-19 вируси кўршапалакдан одамга тўғридан-тўғри юқмаганини, ўртадаги ташувчини аниқлаштириш кераклигига эътибор қаратди.

Шунингдек, ўтган йилнинг охирида топилгунига қадар, вируснинг ҳайвонлар ёки одамлар орасида қанча вақт циркуляция қилганлиги ҳақидаги савол ҳам номаълумлигича қолмоқда.

106
Мавзу:
COVID-19 умумжаҳон пандемияси
МДҲда COVID-19’га қарши Россия вакцинаси пайдо бўлиши мумкин

Қозоғистон "Спутник V" вакцинасини ишлаб чиқаришга ҳозирлик кўрмоқда

51
Қозоғистонда коронавирусга қарши препарат сифатида рўйхатдан ўтган биринчи вакцинани ишлаб чиқариш Россия президенти Владимир Путин билан бўлган келишувга мувофиқ йўлга қўйилади.

ТОШКЕНТ, 5 дек — Sputnik. Қозоғистонда 2020 йилнинг 22 декабридан Россиянинг "Спутник V" вакцинасини ишлаб чиқариш йўлга қўйилади, аҳолини ихтиёрий равишда оммавий вакцина билан эмлаш ишларини 2021 йилдан бошлаш кўзда тутилган. Бу ҳақда Қозоғистон президенти Касим Жомарт-Токаевнинг бош вазир Аскар Мамин билан бўлган учрашувидан сўнг маълум бўлган, деб хабар қилмоқда Sputnik Қозоғистон нашри.

"Давлат раҳбарига алоҳида блокда унинг Россия президенти Владимир Путин билан келишувига биноан шу йилнинг 22 декабрида Қозоғистонда Россиянинг "Спутник V" вактсинасини ишлаб чиқариш бошланиши ҳақида хабар берилди. Мамлакат аҳолисини оммавий равишда ихтиёрий эмлашни бошлаш ишлари 2021 йил бошидан режалаштирилган", - деб ёзади Акорда.

“Спутник V”: 50тадан ортиқ давлат вакцинани сотиб олиш учун буюртма берди >>>

Таъкидланишича, биринчи босқичда аҳолининг вирусни юқтириб олиш хатарига кўпроқ мойил бўлган қисми, хусусан, шифокорлар, педагоглар ва куч тузилмалари ходимлари қамраб олинади.

Сал олдинроқ Қозоғистон декабр ойида қозоқ вакцинасини ишлаб чиқаришни йўлга қўйиши маълум қилинган эди.

51
Мавзу:
COVID-19 умумжаҳон пандемияси

Шойгунинг қизи Россия триатлон федерацияси президенти этиб сайланди

35
Спор ҳамжамияти орасида Ксения Шойгу оммавий спорт тадбирларини ўтказадиган ташкилот раҳбари сифатида танилган

ТОШКЕНТ, 5 дек — Sputnik. РФ Мудофаа вазири Сергей Шойгунинг қизи — Ксения Шойгу — Россия Триатлон федерациясининг янги президенти лавозимини эгаллади, бу ҳақда терма жамоа мутахассиси Мария Шорей РИА Новостига маълум қилган.

Федерация раҳбарлигига сайловлар шанба куни ҳисобот-сайлов анжуманида бўлиб ўтган.

Ташкилотнинг аввалги раҳбари Петр Иванов Бутунроссия енгил атлетика федерацияси раҳбари этиб сайланган.

Спор ҳамжамияти орасида Ксения Шойгу оммавий спорт тадбирларини ўтказадиган ташкилот раҳбари сифатида танилган.

35