Бывший президент Кыргызстана Алмазбек Атамбаев и его сторонники присутствуют на встрече с журналистами в селе Кой-Таш близ Бишкека.

Собиқ президент Алмазбек Атамбаев қўлга олинди

1085
(Янгиланган 16:29 10.10.2020)
Сал илгарироқ, нашр, Атамбаевнинг Бишкек яқинидаги - Қўй-Тошдаги уйига спецназ етиб келгани ҳақида хабар берган эди.

ТОШКЕНТ, 10 окт - Sputnik. Қирғизистоннинг собиқ президенти Алмазбек Атамбаев қўлга олинди, деб хабар бермоқда Sputnik Қирғизистон агентлиги унинг партиясига таянган ҳолда.

Сал илгарироқ, нашр, Атамбаевнинг Қўй-Тошдаги уйига спецназ етиб келгани ҳақида хабар берган эди.

Атамбаевдан ташқари, унинг тарафдорлари - собиқ тан соқчилари Дамир Мусакеев ва Канат Сагинбаевлар ҳам қўлга олинган. Қирғизистон Давлат хавфсизлик хизмати расмий баёнотига кўра, сиёсатчини Бишкекда оммавий тартибсизликлар ташкил этиш жиноий иши доирасида қўлга олишган.

6 октябрга ўтар кечаси Бишкекдаги воқеалар вақтида Атамбаев ДМХХ СИЗОсидан озод қилинган эди. Атамбаев криминал авторитет Азиз Батукаевнинг ноқонуний озод қилиниши иши бўйича суд қилинган, ҳамда Қўй-Тошдаги воқеалар иши фигуранти ҳисобланади.

1085
Жители города Душанбе в защитных масках на улице

Тожикистон COVID-19 ни енгдими: Марказий Осиёдаги вазият

510
(Янгиланган 17:19 17.01.2021)
Ўтган суткада Қозоғистонда қарийб 1000 кишида коровирус аниқланди. Тожикистонда эса 6 кундан буён ҳеч ким касалланмаяпти.

ТОШКЕНТ, 17 янв — Sputnik. Қозоғистонда Марказий Осиё мамлакатларининг бошқаларига қараганда энг кўп коронавирус аниқланмоқда.

Қозоғистонда ўтган куни 978 та коронавирус билан касалланиш ҳолати аниқланди. Мамлакатда жами 168 096 кишида инфекция аниқланган. Шулардан 153 035 нафари соғайиб кетган. 2349 киши вирус қурбонига айланган.

Қирғизистон энг кўп COVID-19 аниқланиш бўйича иккинчи ўринда. Ўтган суткада 123 кишида вирус аниқланган. Касалланганларнинг умумий сони 83 109 нафарга етган. Шулардан 78 994 нафари тузалган. Вирус туфайли 1384 нафар қирғизистонлик вафот этган.

Ўзбекистонда ўтган куни 64 кишининг коровирусга топширган тести мусбат чиққан. Шу тариқа касалланганларнинг умумий сони 77 968  нафарни ташкил этмоқда. Шуларнинг 76 436 нафари касалликни енгган. 619 киши вирус оқибатларидан вафот этган.

Тожикистон ССВ тақдим этган маълумотларга кўра, мамлакатда 6 кундан бери ҳеч ким коронавирус билан касаланмаяпти. Республикада жами 13 308 киши ковид юқтириб олган. Шулардан 13 218 нафари даволаниб чиққан. Шу билан бирга 90 бемор COVID-19 ўлган. Ушбу рақамларга ишонилса, мамлакатда коронавирус билан касалланганлар қолмаган.

Туркманистонда эса коронавирус расман қайд этилмаган ва у дунёда коронавирус аниқламаган саноқли давлатлардан бири ҳисобланади.

510

Гвинея президенти “Спутник V” билан эмланди

135
82 ёшли Гвинея президенти Алфа Конде коронавирусга қарши Россия вакцинаси “Спутник V” билан эмланди.

ТОШКЕНТ, 17 янв — Sputnik. Гвинея президенти Алфа Конде коронавирусга қарши Россия вакцинаси “Спутник V” билан эмланди. Бу ҳақда “Guinéenews” телеканали хабар қилди.

Конде куни президент қароргоҳи Секутуреяда эмланган. У вакцинанинг биринчи дозасини олган. Гвинея Москвадан “Спутник V” вакцинасининг 55 та намунасини олган. Аввалроқ мамлакатда 19 нафар юқори лавозимли амалдор, жумладан, мудофаа вазири эмланганди.

“Спутник V”: Нима учун Россия вакцинасига ишонч билдиришмоқда? - видео

Сўнгги маълумотларга кўра, Гвинеяда 14 мингдан зиёд киши COVID-19 билан касалланган. Шулардан 13,3 мингдан зиёд тузалиб кетган. Жами 81 бемор коронавирусдан вафот этган.

135
Теглар:
эмлаш, вакцина, Спутник V

Ҳайдовчиликка ўқиётган шахсларнинг давомати онлайн назорат қилиниши мумкин

84
Ўзбекистонда ҳайдовчилик гувоҳномасини олмоқчи бўлганларнинг давомати ва ўқув жараёнини онлайн назорат қилиш йўлга қўйилиши мумкин.

ТОШКЕНТ, 17 янв — Sputnik. 2021 йилда Давлат йўл ҳаракати хавфсизлиги хизмати (ДЙҲХББ) соҳасида амалга қатор истиқболли режалар амалга оширилиши кутилмоқда.

ИИВ Йўл ҳаракати хавфсизлиги бош бошқармаси хабарига кўра, ҳайдовчилик гувоҳномасини олиш учун ўқиётган номзодлар давомати ва ўқув жараёнини онлайн тарзда назорат қилиш тизимини яратиш режалаштирилмоқда. 

Бундан ташқари, 2021 йилда транспорт воситаларини давлат рўйхатидан ўтказишда аризаларни онлайн юбориш ҳам жорий этилиши кутилмоқда. Тўловларни эса тўлиқ биллинг тизимига ўтказиш мўлжалланган. Бу фуқароларнинг сабабсиз кутиб қолишларининг олдини олишга ёрдам бериши айтилмоқда.

Эслатаб ўтамиз, Ўзбекистонда 2021 йил 1 апрелдан тадбиркорлар ҳайдовчилик гувоҳномасини олиш учун имтиҳон ўтказиш ҳуқуқига эга бўлади.

84
Теглар:
Ўзбекистон янгиликлари, ҳайдовчилик гувоҳномаси