Пашинян Тоғли Қорабоғда уруш тугаганини эълон қилди

322
(Янгиланган 15:00 10.11.2020)
Ульяновскдан Тоғли Қорабоғ ҳудудига ўнинчи Ил-76 самолёти учди. Унинг бортида Россия тинчликпарвар кучлари, автомобил техникаси, бронетранспортерлар ва бошқа воситалар бор. 

ТОШКЕНТ, 10 ноя — Sputnik. Арманистон бош вазири Никол Пашинян Тоғли Қорабоғда барча ҳарбий ҳаракатлар бугун тун соат 01:00да  тугатилишини расман маълум қилди. 

"Мен ўзим ва ҳаммамиз учун ўта мураккаб бўлган қарор қабул қилдим. Мен Россия ва Озарбайжон президентлари билан биргаликда қорабоғ урушини тун соат 01.00 да тугатиш ҳақидаги шартномани имзоладим. Эълон қилинган баёнот матни мен ва бизнинг халқимиз учун жуда оғриқли", - деди Пашинян.

Пашинян айтишига кўра, ушбу қарор бугунги кунда юзага келган ҳарбий вазиятни чуқур таҳлил қилиш, вазият билан яхши таниш бўлган кишилар маслаҳати ҳамда бугунги кунда ушбу йўл мавжуд вазиятдан чиқишнинг энг яхши услуби эканини ҳисобга олган ҳолда қабул қилинган. Янада батафсил маълумот шу кунларда кенг оммага эълон қилинади. 

"Бу ғалаба эмас, лекин мағлубият ҳам бўлмайди. Биз ҳеч қачон ўзимизни енгилган деб тан олмаймиз. Бизнинг миллий бирлашув ва қайта туғилиш асримиз ана шундан бошланиши керак", - деб қўшимча қилди Арманистон бош вазири.

Sputnik Армения томонидан эълон қилинган ҳужжатга кўра, Тоғли Қорабоғ ҳудудида  барча жанговар ҳаракатлар 10 ноябрь Москва вақти билан тун соат 00:00 дан бошлаб тўхтатилиши керак.

Арманистон 15 ноябрга қадар Озарбайжонга Кельбаджар туманини, ушбу йилнинг 1 декабрига қадар  - Лачин туманини қайтариб бериши керак. Шу билан бир вақтда кенглиги 5 км бўлган Лачин коридори Арманистон ихтиёрида қолади. Ушбу коридор орқали Тоғли Қорабоғ билан алоқа боғланиб турилади. Бу коридор Шуша шаҳри орқали ўтмайди. 

Россия Тоғли Қорабоғ ҳудудига 1960 нафар тинчликпарвар аскарлар, 90 та бронетранспортер, 380та автомобил ва бошқа махсус техника жўнатади. Россиялик ҳарбийлар Тоғли Қорабоғда 5 йил муддатга қолади, кеийнчалик ушбу муддат узайтирилиши мумкин. Ушбу шартнома Боку ва Ереван талабига биноан бекор қилиниши мумкин. 

Эслатиб ўтамиз, ТОғли Қорабоғда жанговар ҳаракатлар 27 сентябр куни бошланган эди. Жангларни бошлашда Арманистон ва Озарбайжон ҳарбийлари бир-бирини айблашди. Ўтган давр мобайнида сон ва куч жиҳатидан бир неча баробар кучли бўлган Озарбайжон армияси 20дан ортиқ қишлоқлар ва Шуша шаҳарчасини эгаллаб олгани ҳақида баёнот берган эди. Иккала томон ҳам қурбонлар сонини эълон қилаётгани йўқ, лекин экспертлар хулосасига кўра, улар бир неча мингдан ошган. 

322

Уханлик вирусолог коронавируснинг янги турлари ҳақида гапирди

15
Коронавирус тарқалган ҳудуднинг "юрагидан" бўлган хитойлик эксперт-вирусолог ўз ўрганишлари давомида кашф қилган ҳолатлар ҳақида гапирди

ТОШКЕНТ, 5 дек — Sputnik. Хитой ҳудудида коронавирусга эга кўпшапалакларнинг бир қанча тури мавжуд, деб хабар қилди Ухань вирусология институти мутахассиси Ши Чженли. Унинг сўзларидан Guardian иқтибос келтирмоқда.

Вирусолог коронавируснинг янги турлари мамлакатнинг жанубий ва жануби-ғарбий қисмларида рўйхатдан ўтказилганини қўшимча қилди.

Эксперт шунингдек, коронавирусли кўршапалаклар Хитой чегарасидан ташқарида, хусусан, Жанубий Осиёда ҳам мавжуд, дея ҳисоблайди.

Чжэнли COVID-19 вируси кўршапалакдан одамга тўғридан-тўғри юқмаганини, ўртадаги ташувчини аниқлаштириш кераклигига эътибор қаратди.

Шунингдек, ўтган йилнинг охирида топилгунига қадар, вируснинг ҳайвонлар ёки одамлар орасида қанча вақт циркуляция қилганлиги ҳақидаги савол ҳам номаълумлигича қолмоқда.

15
Мавзу:
COVID-19 умумжаҳон пандемияси
МДҲда COVID-19’га қарши Россия вакцинаси пайдо бўлиши мумкин

Қозоғистон "Спутник V" вакцинасини ишлаб чиқаришга ҳозирлик кўрмоқда

35
Қозоғистонда коронавирусга қарши препарат сифатида рўйхатдан ўтган биринчи вакцинани ишлаб чиқариш Россия президенти Владимир Путин билан бўлган келишувга мувофиқ йўлга қўйилади.

ТОШКЕНТ, 5 дек — Sputnik. Қозоғистонда 2020 йилнинг 22 декабридан Россиянинг "Спутник V" вакцинасини ишлаб чиқариш йўлга қўйилади, аҳолини ихтиёрий равишда оммавий вакцина билан эмлаш ишларини 2021 йилдан бошлаш кўзда тутилган. Бу ҳақда Қозоғистон президенти Касим Жомарт-Токаевнинг бош вазир Аскар Мамин билан бўлган учрашувидан сўнг маълум бўлган, деб хабар қилмоқда Sputnik Қозоғистон нашри.

"Давлат раҳбарига алоҳида блокда унинг Россия президенти Владимир Путин билан келишувига биноан шу йилнинг 22 декабрида Қозоғистонда Россиянинг "Спутник V" вактсинасини ишлаб чиқариш бошланиши ҳақида хабар берилди. Мамлакат аҳолисини оммавий равишда ихтиёрий эмлашни бошлаш ишлари 2021 йил бошидан режалаштирилган", - деб ёзади Акорда.

“Спутник V”: 50тадан ортиқ давлат вакцинани сотиб олиш учун буюртма берди >>>

Таъкидланишича, биринчи босқичда аҳолининг вирусни юқтириб олиш хатарига кўпроқ мойил бўлган қисми, хусусан, шифокорлар, педагоглар ва куч тузилмалари ходимлари қамраб олинади.

Сал олдинроқ Қозоғистон декабр ойида қозоқ вакцинасини ишлаб чиқаришни йўлга қўйиши маълум қилинган эди.

35
Мавзу:
COVID-19 умумжаҳон пандемияси