Швейцария Credit Suisse таҳлилчилари "Спутник V" вакцинасини баҳолашди

674
(Янгиланган 17:53 15.11.2020)
Гамалея маркази, РФ тўғридан-тўғри инвестициялар фонди вакиллари ва Швейцариянинг энг йирик молиявий компаниялардан бири - Credit Suisse таҳлилчилари гуруҳи ўртасида вакцинанинг клиник синовларининг 3-босқичи бўйича музокаралардан сўнг ҳисобот эълон қилинди.

ТОШКЕНТ, 15 ноя — Sputnik. “Спутник V“ коронавирусига қарши Россия вакцинасини ишлаб чиқишда одам аденовирусининг 2та векторидан фойдаланиш - бу векторларга қарши иммунитет мавжудлиги билан боғлиқ бўлиши мумкин бўлган муаммоларни ҳал қилиш имкони беради, бу эса вакцинанинг самарадорлигини оширади, деб ёзилган  Credit Suisse компанияси таҳлилий ҳисоботида. РИА Новости хабарига асосан.

Гамалея маркази, Россия тўғридан-тўғри инвестициялар жамғармаси вакиллари ва Швейцариянинг энг йирик молиявий компаниялардан (конгломерат) бири - Credit Suisse таҳлилчилари гуруҳи ўртасида эмлашнинг клиник синовларининг учинчи босқичи бўйича музокаралардан сўнг ҳисобот эълон қилинди.

“Одамнинг вирусли технологияларидан фойдаланилганлиги борасидаги очиқ мунозаралар бизни илҳомлантирди ва бизнинг фикримизча, вакцина самарадорлигининг 92% AstraZeneca вакцинаси прогнозларига нисбатан ижобий омил бўлиб, у ҳақда маълумотлар эҳтимол декабр ойининг бошларида кутилмоқда. Аммо шуни таъкидлашимиз керакки, AstraZeneca шимпанзе аденовирус векторидан фойдаланади, “Спутник” эса ҳар хил иккита одам аденовируси векторларидан фойдаланади”, - дейилган ҳисоботда.

Credit Suisse таҳлилчиларининг таъкидлашича, Гамалея марказининг “Спутник V” вакцинасини ишлаб чиқаришга бўлган ёндашув J&J ва CanSino томонидан ўз вакциналарини ишлаб чиқишда қўлланилган услубга ўхшайди - барча ҳолатда компаниялар аденовирус векторлардан фойдаланадилар.

"Аммо “Спутник”нинг асосий фарқи шундаки, вакцинанинг биринчи (rAd5) ва иккинчи (rAd26) дозалари учун иккита турли хил аденовирус вектор ишлатилади. Бу бу инсон векторларига нисбатан олдиндан иммунитет мавжудлиги билан боғлиқ муаммоларни енгишга имкон беради", - деб таъкидлашди Credit Suisse таҳлилчилари.

Ҳисоботда таъкидланишича, музокаралар давомида эмлашнинг қисқа таъсир давомийлиги масаласи кўтарилган, бу гриппга қарши эмлашлар билан таққосланган, уларда ҳам аденовирус векторлар қўлланилади ва уларнинг таъсири 3-6 ойдан ошмайди. "Аммо мунозара иштирокчиларининг фикрига кўра, биринчи уколдан кейин вакцина таъсири 10 баравар, иккинчисидан кейин - икки баравар кўп", - деб такидлашди ҳисобот муаллифлари.

Бундан аввал, РФда ўтказилган тадқиқотларнинг учинчи босқичи маълумотларини биринчи оралиқ таҳлили пайтида коронавирусга қарши "Спутник V" вакцинасининг самарадорлиги 92 %ни ташкил этгани ҳақида хабар берилганди.

""Спутник V" вакцинасининг самарадорлиги 92% ни ташкил этди (ҳисоблаш плацебо гуруҳидаги 20та тасдиқланган ҳолатларни тақсимлаш ва вакцинани олган гуруҳ маълумотлари асосида ўтказилган)", дейилади хабарда.

Самарадорлик кўнгиллиларнинг биринчи эмланган кунидан 21 кун ўтгач, биринчи оралиқ маълумотларни таҳлил қилиш асосида тасдиқланган.

Август ойида Россия Соғлиқни сақлаш вазирлиги Гамалея маркази томонидан яратилган ва Россия тўғридан-тўғри инвестиция фонди билан биргаликда ишлаб чиқарилган COVID-19нинг олдини олиш учун дунёдаги биринчи вакцинани рўйхатдан ўтказди. Унга "Спутник V" номи берилган. Препарат уч ҳафта оралиғида иккита компонентни киритишни ўз ичига олади.

 

674
Теглар:
коронавирус, Спутник V, вакцина
Мавзу:
COVID-19 умумжаҳон пандемияси (1294)
Пожилая женщина на лавочке

Биолог: бошдан кечирилган коронавирус эрта қаришни тезлаштириши мумкин

42
Маълум қилинишича, коронавирус беморларининг 70 фоизида айрим ички органларининг патологияси аниқланган.

ТОШКЕНТ, 2 дек — Sputnik. Коронавирусни бошдан кечиргандан кейинги асоратлардан бири эрта эрта қариш бўлиши мумкин. Бу ҳақда бу ҳақда Жорж Мэйсон университетининг тизимли биология мактаби профессори Анча Баранова РИА Новости билан суҳбатда маълум қилди.

Мутахассис коронавируснинг енгил ва ўрта даражасини бошдан кечирган одамлар соғлиғини кузатган бир гуруҳ шифокорларнинг тадқиқот натижаларига таяниб шундай фикрни билдирган.

Аниқланишича, беморларнинг 70 фоизида айрим ички органларининг патологияси аниқланган. Энг кўп учраган ҳолат ёғли гепатоз (жигар яллиғланиши) ва ошқозоности бези тўқималарининг ёғли дегенерацияси бўлган.

“Одатда бундай ташхислар 60 ёшда қўйилади, коронавирусдан тузалгандан гуруҳида бу 40 ёшдаёқ кузатилган”, - деди Баранова.

У коронавирус инфекцияси “ресурсларни олиб, қариликни яқинлаштириши” ҳақидаги фикри билан ўртоқлашди. Шу билан бирга у касаллик асоратлари янада батафсил ўрганишни талаб этишини таъкидлади

42
Теглар:
эрта қариш, коронавирус пандемияси, коронавирус
Мавзу:
COVID-19 умумжаҳон пандемияси (1294)
Мавзу бўйича
Коронавирусга чалинган беморларда эшитиш қобилияти ёмонлашади - олимлар
Олимлар COVID-19 "қариндошлари"ни топишди – бу Хитойда эмас
Олимлар коронавируснинг заиф жойини аниқлади
Олимлар коронавируснинг энг аниқ 3D-моделини яратишди – видео
Британиялик олимлар узоқ умр кўриш сирини очиб беришди
Коронавируснинг янги аломати айтилди
Макдональдс

“Макдоналдс” 50 йилда илк бор Бигмак рецептини ўзгартирди

28
(Янгиланган 18:04 02.12.2020)
Макдоналдс ўз мухлислари талабларига мувофиқ Бигмак рецептини ўзгартиришга қарор қилди: энди котлеталар орасидаги нон бўлмайди...

ТОШКЕНТ, 2 дек - Sputnik. "Макдоналдс" охирги 50 йилда илк бор ўзининг энг машҳур гамбургери "Бигмак" рецептини ўзгартиришга қарор қилди, Bloomberg хабарига асосан.

Бундан буён фастфуд тармоғи хўрандаларга Бигмакнинг икки хилини таклиф қилади. Уларнинг бирида қийма гўштли котлеталар орасига қўйиладиган нон бўлаги бўлмайди. Иккинчи хил гамбургер эса янада каттароқ бўлади ва унинг калорияси 860 ккалгача ошади.

Хабарда айтилишига кўра, дунёга машҳур фастфуд тармоғи ўз мухлислари талабларига тўлиқ жавоб бериш учун ана шундай қарор қабул қилган. 

28
Национальная валюта Узбекистана — сум

Пенсия таъминотига доир қонун лойиҳаси тайёрланди

136
Молия вазирлиги “Фуқароларнинг давлат пенсия таъминоти тўғрисида”ги Ўзбекистон Республикаси Қонунига ўзгартишлар киритишга доир ҳужжат тайёрлади.

ТОШКЕНТ, 2 дек — Sputnik. Молия вазирлиги “Фуқароларнинг давлат пенсия таъминоти тўғрисида”ги Ўзбекистон Республикаси Қонунига ўзгартишлар киритиш ҳақида Ўзбекистон Республикаси Қонуни лойиҳасини тайёрлаб, умумий муҳокамага қўйди.

Лойиҳанинг асосий мақсади - “Ногиронлиги бўлган шахсларнинг ҳуқуқлари тўғрисида” 2020 йил 15 октябрдаги қонунига асосан, “Фуқароларнинг давлат пенсия таъминоти тўғрисида”ги қонунида белгиланган “ногирон” деган атамани “ногиронлиги бўлган шахс” атамасига алмаштириш.

- меҳнат қобилиятини йўқотган ногиронлиги бўлган шахсга меҳнат қобилияти тикланганлиги ёки узрсиз сабабларга кўра қайта кўрикдан ўтишга келмаганлиги оқибатида пенсияси тўхтатиб қўйилиб, беш йилдан муддатдан сўнг шахсни такроран ногиронлиги бўлган шахс деб эътироф этилганида, амалда бўлган қонунчилик талабларидан келиб чиқиб ногиронлик пенсиясини тайинлаш.

- пенсионернинг вафоти муносабати билан унинг вафот этган ойдаги пенсия пулини оила аъзоларига тўлиқ миқдорда тўлаш.

Таъкидланишича, қонун лойиҳасининг қабул қилиниши Давлат бюджетидан ҳамда Молия вазирлиги ҳузуридаги бюджетдан ташқари Пенсия жамғармасидан йилига 4,4 млрд сўм қўшимча маблағ талаб этилади.

136