Президент Турции Реджеп Тайип Эрдоган

Эрдоған Помпео билан учрашувга вақт топмади

664
(Янгиланган 11:01 17.11.2020)
Помпео Истанбулга ташриф буюрди, у бу ерда патриарх Варфоломей Константинопольский билан учрашиши белгиланган. Шу билан бирга, Туркия пойтахти Анқарага қадам ранжида қилиш Помпео графигидан ўрин олмаган

ТОШКЕНТ, 17 ноя - Sputnik. Туркия президенти Ражаб Тоййиб Эрдоған ушбу давлатга ташриф буюрган АҚШ Давлат котиби Майк Помпео билан учрашишга вақт топмади, деб маълум қилди журналистларга Давлат департаментининг олий мартабали амалдори.

"Давлат котиби ҳам, турк расмий шахслари, шу жумладан, Ташқи ишлар вазири (Мевлют) Чавушоглу ҳам, қолаверса, фикримча, президент Эрдоғаннинг ўзи ҳам бу рўй беришини хоҳлашган эди. Натижада бу рўй бермади. Рўй бермагани сабаби, охирги дамларда президент Эрдоғаннинг кун тартиби ўзгариб, бу давлат котиби ташрифи асосини ташкил қилган параметрларга тўғри келмади", - деди дипломат Истанбулдаги брифинг давомида.

Давлат департаменти вакили Вашингтон ва Анқара ўртасида келишмовчиликлар борлигини тан олди, аммо Эрдоған нимадан ранжиши мумкин эди, дея берилган қистовли саволларга жавобан, гап турк етакчисининг кун тартибида эканлигини айтди.

"Туркия ҳукумати... уларни четлатишганини ҳис қилишган, деб ўйламайман. Охир-оқибат бу жадвал масаласига бориб тақалди. Ва гап индаллоси ҳақида гапирар эканмиз, турклар (АҚШ) маъмурияти олий раҳбарлари, президентнинг ўзи ва қуйи бўғинлардан улар билан қарашларимиз қайси масалаларда тўғри келмаслигини яхши билишади", - деб қўшимча қилди Давлат департаменти вакили.

Келишмовчиликлар ҳақида гапирар экан, дипломат, қатор регионларда, жумладан, Шарқий Ўрта ер денгизи, Ливия ва Суриядаги вазиятга бўлган қарашларда, дея аниқлик киритиб ўтди.

Помпео Истанбулга ташриф буюрди, у бу ерда патриарх Варфоломей Константинопольский билан учрашиши белгиланган. Шу билан бирга, Туркия пойтахти Анқарага қадам ранжида қилиш Помпео графигидан ўрин олмаган.

Анқарага Россиянинг энг янги ҳаводан ҳужумга қарши мудофаа тизимлари - С-400 етказиб берилгач бу Туркия ва АҚШ муносабатларида инқирозга сабаб бўлган эди. Вашингтон Анқарани ушбу битимдан воз кечишга, эвазига американинг Patriot мажмуаларини харид қилишга чақирди, акс ҳолда Туркияга F-35 қирувчилари савдосини кечиктирилиши ёки буткул бекор қилиниши мумкинлиги ҳақида таҳдид қилди. Шунингдек, АҚШ Туркияга нисбатан CAATSA ("Америка душманларига қарши санкциялар воситаси орқали курашиш" тўғрисидаги қонунга мувофиқ)га мувофиқ санкциялар киритиши мумкинлигини ҳам қўшимча қилган.

Анқара ён босишдан бош тортди ва С-400 нинг қўшимча партияларини харид қилиш борасида музокараларни давом эттирди.

664

Космосдан ҳужум: Апофис астероиди Ерга қулаши мумкинми?

311
Бугунги кунда Апофис астероиди 8 йил ичида энг яқин масофага Ерга яқинлашади. Бу олимларга унинг орбита параметрларини аниқлаштиришга, унинг нимадан иборатлигини тушунишга имкон беради.

ТОШКЕНТ, 5 мар — Sputnik. Бугунги кунда Апофис астероиди 8 йил ичида энг яқин масофага Ерга яқинлашади. Бу олимларга унинг орбита параметрларини аниқлаштиришга, унинг нимадан иборатлигини тушунишга имкон беради. Бундай маълумотлар 2029 ва 2068 йилларда Ер билан тўқнашув эҳтимолини рад этиш ёки тасдиқлаш учун зарур. Апофиснинг сайёрага қулаши ҳалокатли оқибатларга олиб келиши мумкин. РИА Новости хабарига асосан.

2004 йилда Сонора чўлида (Аризона, АҚШ) жойлашган Китт-Пик миллий расадхонаси ходимлари Ерга нисбатан яқин бўлган номаълум астероидни аниқлашди. Ёмон об-ҳаво ва техник муаммолар астероидни яхшилаб кўриб чиқишни қийинлаштирди. Бироқ, бу самовий жисмнинг диаметри тахминан 400 метр эканлигини маълум бўлди.

Бир неча ойдан сўнг, Сайдинг-Спринг расадхонаси (Австралия) мутахассислари астериодни ўрганиб чиқди. Улар америкалик ҳамкасбларининг маълумотларини тасдиқлади ва орбита параметрларини аниқлади.

Декабрда, маълумотларни таҳлил қилгандан сўнг, NASA Ерга яқин объектларни ўрганиш маркази мутахассислари ҳисоблаб чиқдилар: Ер билан тўқнашув эҳтимоли тахминан 2 фоизни ташкил қилади ва табиий офатнинг тахмин қилинган санаси 2029 йил 13 апрел. 2004 MN4 астероиди (кейинчалик қадимги Миср зулмат ва ёвузлик худоси шарафига Апофис деб номланди) - астрономик объектга Турин шкаласи бўйича 4 балла берилган.

Кузатувлар туфайли олимлар деярли ҳар ҳафта потенциал хавфли объектларни аниқлайди. Уларнинг орбиталари сайёра орбитасини кесиб ўтади ва шунинг учун тўқнашув эҳтимоли жуда кичик. Апофис кашф этилганидан бери 20 мингга яқин бундай осмон жисмлари - астероидлар ва кометалар аниқланди. Бироқ, Апофис ҳануз энг жиддий таҳдидлардан бири ҳисобланади.

311
Теглар:
NASA (АҚШ аэронавтика ва космикни ўрганиш миллий идораси), Россия, АҚШ, Астероид, Қуёш, Ой, космос

Европа Иттифоқи “Спутник V” вакцинаси экспертизасини бошлади

404
Европада Россиянинг коронавирусга қарши “Спутник V” вакцинасининг экспертизаси бошланди. Ҳозирча ЕИнинг икки мамлакати EMA маъқуллашини кутиб ўтирмасдан вакцинани рўйхатдан ўтказган.

ТОШКЕНТ, 4 мар — Sputnik. Европа дори воситалари агентлиги (ЕМА) Россиянинг коронавирусга қарши “Спутник V” вакцинасининг рўйхатга олинган ҳужжатларининг экспертизасини бошлади. Бу ҳақда Россия тўғридан-тўғри инвестициялар жамғармаси хабар қилди.

Қарор катталарда ўтказилган лаборатория ва клиник тадқиқотлар натижаларини инобатга олган ҳолда қабул қилинган.

“EMA “Спутник V” вакцинасининг ЕИ томонидан ўрнатилган самарадорлик, хавфсизлик ва сифат бўйича стандартларга мос келишини баҳолайди”, - дейилган хабарда.

“Спутник V” дунёда фойдаланишга рухсат берилган коронавирусга қарши дунё вакциналарининг етакчи учлигига киради. Вакцинани рўйхатдан ўтказган 42 та мамлакатнинг жами аҳолиси 1,1 миллиарддан зиёдни ташкил этади. ЕИнинг икки мамлакати EMA маъқуллашини кутиб ўтирмасдан уни рўйхатдан ўтказди. Венгрия ва Словакия ҳукумати шундай қарор қабул қилди. Февраль охирида Чехия президенти Милош Земан ҳам мамлакатга “Спутник V”ни етказиб беришни сўраганди.

404
Теглар:
Европа дори воситалари агентлиги (ЕМА), вакцина, Спутник V, Россия тўғридан-тўғри инвестициялар жамғармаси, Европа Иттифоқи

Ўзбекистон ҳаётида аёллар ҳиссаси

0
Ўзбекистон ижтимоий ва иқтисодий ҳаётида аёллар ҳиссаси йил сайин ортиб бормоқда. Бошқарув тизимида аёллар ишлаётган корхоналар улуши 26%дан ошган. 
© Sputnik

Бугунги кунда Ўзбекистонда 17 миллиондан ортиқ аёллар яшайди. Сўнгги йилларда аёллар ўртача умр давомийлиги ўсиб, ўртача 77,4 ёшни ташкил қилди. 

Айтиш жоизки, соғлиқни сақлаш ва таълим соҳалари, маошлар нисбатан паст бўлишига қарамасдан, аёлларнинг фидокорона меҳнати туфайли муваффақиятли кун кечирмоқда. Ушбу соҳаларда банд бўлган фуқароларнинг 75%дан ортиғи аёллардир. Хизмат кўрсатиш ва савдо соҳаси ходимларининг ҳам ярмидан кўпи аёллардир.  

Ўзбекистонда сўнгги йилларда яққол кўзга ташланаётган тенденциялардан бири бу - бошқарув соҳаларида аёллар сони ошиб бораётганидир. Статистик маълумотларга кўра, аёллар таъсисчи бўлган хусусий фирмалар улуши 24 %дан ва бошқарув тизимида ишлаётган корхоналар улуши 26%дан ошган. Шунингдек Олий Мажлис палаталарида ҳам аёллар улуши 24 (Сенат) ва 33(Қонунчилик палатаси) фоизни ташкил қилмоқда. 

Батафсил инфографикамизда танишинг.

0