Жанубий Корея Марказий Осиё давлатларидан КХДР масаласида ёрдам сўрамоқда

902
(Янгиланган 14:02 25.11.2020)
Ташқи ишлар вазири Кан Кён Ва Марказий Осиё давлатларини Жанубий Кореянинг ярим оролда барқарор тинчлик ўрнатиш истакларини қўллаб-қувватлашга чақирди

ТОШКЕНТ, 25 ноя — Sputnik. Ташқи ишлар вазири Кан Кён Ва Марказий Осиё давлатлари томонидан Жанубий Кореянинг ярим оролда барқарор тинчлик ўрнатиш истакларини қўллаб-қувватлашга чақирди, деб ёзади Yonhap.

Бу баёнот “Корея - Марказий Осиё 13-ҳамкорлик форумида айтилди. Форум 2007 йилда иқтисодий, маданий, таълим ва бошқа соҳалардаги ҳамкорликни мустаҳкамлаш учун бошланган мулоқот платформаси ҳисобланади.

Жанубий Корея ТИВ раҳбари КХДР билан тинчлик ўрнатиш "бу бутун Евроосиё қитъасида тинчлик ва умумий фаровонлик сари йўл" эканлигини таъкидлади.

"Гарчи яриморол атрофида турли ноаниқликлар мавжуд бўлса-да, биз олдинга қадам қўйиш учун мулоқот бўйича ҳаракатларимиздан воз кечмаслигимиз зарур", - деб қўшимча қилди у.

Бундан олдин, Ўзбекистон Ташқи ишлар вазири Абдулазиз Камилов бошчилигидаги делегация “Корея Республикаси – Марказий Осиё” 13-ҳамкорлик форумида иштирок этиш учун 24-27-ноябр кунлари Сеул шаҳрида ташриф буюриши ҳақида хабар берилганди.

Форум доирасида Ўзбекистон делегацияси қатор икки томонлама учрашувлар ўтказади.

902
Теглар:
Шимолий Корея, Жанубий Корея

Гвинея президенти “Спутник V” билан эмланди

37
82 ёшли Гвинея президенти Алфа Конде коронавирусга қарши Россия вакцинаси “Спутник V” билан эмланди.

ТОШКЕНТ, 17 янв — Sputnik. Гвинея президенти Алфа Конде коронавирусга қарши Россия вакцинаси “Спутник V” билан эмланди. Бу ҳақда “Guinéenews” телеканали хабар қилди.

Конде куни президент қароргоҳи Секутуреяда эмланган. У вакцинанинг биринчи дозасини олган. Гвинея Москвадан “Спутник V” вакцинасининг 55 та намунасини олган. Аввалроқ мамлакатда 19 нафар юқори лавозимли амалдор, жумладан, мудофаа вазири эмланганди.

“Спутник V”: Нима учун Россия вакцинасига ишонч билдиришмоқда? - видео

Сўнгги маълумотларга кўра, Гвинеяда 14 мингдан зиёд киши COVID-19 билан касалланган. Шулардан 13,3 мингдан зиёд тузалиб кетган. Жами 81 бемор коронавирусдан вафот этган.

37
Теглар:
эмлаш, вакцина, Спутник V

Россия яна тўртта давлат билан мунтазам парвозларни тикламоқда

181
(Янгиланган 11:00 17.01.2021)
Россия 27 январдан Вьетнам, Ҳиндистон, Финляндия ва Қатар билан халқаро авиақатновларни тиклашга қарор қилди.

ТОШКЕНТ, 17 янв — Sputnik. Россия 27 январдан Вьетнам, Ҳиндистон, Финляндия ва Қатар билан мунтазам авиақатновларни тиклайди. Бу ҳақда мамлакатнинг коронавирус инфекциясига қарши курашиш тезкор штаби хабар қилди.

Ушбу мамлакатларга халқаро рейслар ҳафтасига бир неча марта амалга оширилади.

“Ўтказилган муҳокама якунига ва алоҳида давлатлардаги эпидемиологик вазиятни инобатга олган ҳолда 27 январдан қуйидаги давлатлар билан авиапарвозларни тиклаш тўғрисида қарор қабул қилинди: Вьетнам (Москва – Ханой, ҳафтада икки марта), Ҳиндистон (Москва – Деҳли, ҳафтада икки марта), Финляндия (Москва – Хельсинки, ҳафтада икки марта, Санкт-Петербург – Хельсинки, ҳафтада икки марта), Қатар (Москва – Доҳа, ҳафтада уч марта)”, дейилади хабарда.

Россия чегараларини қачон очади – Путин жавоби

Бундан ташқари, Мисрга парвозлар сони ҳафтасига беш мартагача кўпайтирилади.

181
Теглар:
авиапарвозлар, Россия

Ҳабиб Нурмагомедов UFCʼга қайтиш шартини айтди

32
(Янгиланган 14:22 17.01.2021)
Ҳабиб Нурмагомедов UFC 254 мусобақаси доирасида Жастин Гэтжини мағлуб қилгандан сўнг спортдаги фаолиятини якунлашини маълум қилган эди.

ТОШКЕНТ, 17 янв — Sputnik. UFCʼнинг енгил вазндаги чемпиони Ҳабиб Нурмагомедов қайси ҳолатда карьерасини қайта тиклаш ҳақида ўйлаб кўришини маълум қилди. Куни кеча у ташкилот президенти Дана Уайт Абу-Дабида учрашув ўтказди. Дана Уайт учрашув тафсилотларини очиқлади.

Уайтнинг сўзларига кўра, сўнгги пайтларда Ҳабибнинг бошига кўплаб синовлар тушган: отасининг вафоти, Гэтжи билан жангдан олдин оёғининг жароҳатланиши.

“Ўшанда Ҳабиб билан ўзига келиб олиши учун танаффус олиш борасида келишиб олгандик. Ҳабиб ўзи хоҳлаган барча нарсага эришди. Унинг қайтиши учун мотивация йўқ. Келаси ҳафта биз иккита топ жанг гувоҳига айланамиз: Конор Макгрегор Дастин Порьега қарши, Майкл Чендлер эса Ден Ҳукерга. Агар ушбу йигитлар қандайдир феноменал нарса кўрсата олса, Ҳабиб қайтиш борасида ўйлаб кўришини айтди”, - деди Уайт. У Ҳабибга бразилиялик Чарльз Оливейра ўтказган жанг маъқул келганини қўшимча қилган.

“У (Ҳабиб. – Sputnik)  Ҳабиб қайтиш учун сабаб кўрмаса, дивизион чемпионлигини ушлаб турмайди. У UFC 257га келмоқчи, кўрамиз”, - дея хотима қилди Уайт.

Ҳабиб эса ўзининг Instagram ижтимоий тармоғидаги саҳифасида UFCʼ раҳбари билан суҳбат тафсилотларини "Кавказ асираси" фильми саҳнаси асосидаги тайёрланган ҳазил ролик билан таърифлади.

Посмотреть эту публикацию в Instagram

Публикация от Khabib Nurmagomedov (@khabib_nurmagomedov)

Эслатиб ўтамиз, Ҳабиб Нурмагомедов UFC 254 мусобақаси доирасида Жастин Гэтжини мағлуб қилгандан сўнг спортдаги фаолиятини якунлашини маълум қилган эди. У 29 марта жанг ўтказиб, уларнинг барчасида қўли баланд келган.

 

32