Владимир Линдерман

“Мақсад қўрқитиб қўйиш”: Латвияда қўлга олинган русийзабон журналист Владимир Линдерман

272
(Янгиланган 13:15 14.01.2021)
2020 йил 3 декабрь куни Латвияда бир нечта русийзабон журналистлар қўлга олинди. Улардан бири Baltnews.lv ва Sputnik Латвия билан ҳамкорлик қилувчи журналист Владимир Линдерман эди.

ТОШКЕНТ, 14 янв — Sputnik. RT журналист ва жамоат арбоби Владимир Линдерман билан суҳбатлашди. Линдерман унинг уйига ўзларини сантехник деб таништирган ҳуқуқни муҳофаза қилувчи орган ходимлари қандай келганини ҳикоя қилиб берди.

“Квартирага чамаси 12 нафар “сантехник” кириб келди – терговчи, тезкор ходимлар ва яна “жанговар ҳамроҳлар”, - дейди у.

Линдерманнинг таъкидлашича, Латвия ҳукумати бундай тинтув ва қўрқитишлар билан “Россия сегодня” агентлигини Латвиядаги мухбирлардан “одамлар Россия нашлари билан ҳамкорлик қилишдан қўрқишлари, Россия ОАВларининг бу ердаги таъсири шу тариқа тушиб кетиши учун” маҳрум қилиш ниятида.

Ҳуқуқни муҳофаза қилувчи орган ходимлари тинтув вақтида унинг барча компьютер техникаси, телефони, хотира карталарини мусодара қилишган.

Журналист у бунинг уйида бўлиб ўтган учинчи тинтув эканини маълум қилди.

Sputnik ва Baltnews᾽га босим

Аввалроқ Латвияда Россиянинг Sputnik Латвия ва Baltnews порталлари муаллифларига қарши жиноий ишлар қўзғатилгани хабар қилинган эди. Давлат хавфсизлиги хизмати тинтувлар ўтказиб, ЕИ санкция режимини бузганлик айблови билан етти кишини қўлга олган. Уларга мамлакатдан чиқиб кетмаслик эҳтиёт чораси қўлланган. Қўлга олинганларнинг барчаси “Россия сегодня” таркибига кирувчи Sputnik Латвия ва Baltnews᾽нинг штатдан ташқари муаллифларидир. Уларни жаримадан тортиб, қамоқ жазосигача бўлган жазо кутмоқда.

Россия ТИВ Латвия ҳукуматининг русийзабон журналистларга нисбатан хатти-ҳаракатларини жазо акцияси ва демократик жамият асослари – ОАВ ва фикр билдириш эркинлигини оёқости қилишган яққол намунаси деб атади.

272
Британские военнослужащие

Эркак севгилисини ҳарбий қисмга олиб келиб, хонасида яшириб қўйди

370
(Янгиланган 19:47 25.01.2021)
Буюк Британияда эркак севгилисини ҳарбий қисмга олиб келиб, ўз хонасида икки давомида яшириб сақлади.

ТОШКЕНТ, 25 янв — Sputnik. Буюк Британияда самолёт устаси икки ҳафта давомида аёлни ҳарбий базадаги хонасида яшириб қўйди, деб хабар қилди РИА Новости The Sun нашрига асосан.

Эркак бу ҳолатни яширишга ҳаракат қилиб, “Илтимос, хона тозаланмасин” деган ёзувни осиб қўйди. Бироқ хонадан келаётган ҳид шикоятларга сабаб бўлди. Шундан сўнг, бир гуруҳ зобитлар хонани текшириш учун келишди. Улар шкафда ҳарбий кийим орқасидан аёлни топишди.

Аёл - Шарқ мамлакатларидан бирининг фуқароси, Голландия паспортига эга. Ҳарбий қисмда аёл эркакни алдаб, ундан сирларни олиши мумкинлиги ҳақида гумон қилишди.

Эркак севгилининг жосус эканлиги ҳақидаги шубҳаларни рад этди. Манбанинг маълум қилишича, аёл рухсатномасиз қўриқланадиган ҳудудга кирган.

Газетанинг ёзишича, севишганлар 2019 йилда танишган. Эркак қизни Рождество таътилидан кейин автомобил юкхонасида олиб келиб, ўз хонасида яшириб қўяди. Ҳарбий хизматчи жиддий қонунбузарлик содир этган ва қамоқ жазосига ҳукм қилиниши мумкин. Аёл Британияни тарк этди.

Денгиз кучлари вакилининг сўзларига кўра, ҳодиса юзасидан текширув тайинланган. У аёл Европа Иттифоқи фуқароси эканлигини ва унга  жосусликда айб қўйилмагани таъкидланди.

370
Теглар:
ҳарбийлар, ҳарбий база, Буюк Британия

Путин Навальнийнинг суриштируви ҳақида: қаср менга тегишли эмас

541
(Янгиланган 18:08 25.01.2021)
Владимир Путин Алексей Навальнийнинг Геленжикдаги "қаср" тўғрисидаги фильмини томоша қилмаганлигини айтди. Аммо ёрдамчилари тайёрланган видеолар тўплами билан танишиб чиққан.

ТОШКЕНТ, 25 янв — Sputnik. Россия талабалари билан ўтказилган онлайн-учрашувда Владимир Путин Алексей Навальнийнинг Геленджикдаги "қаср" тўғрисидаги фильмини томоша қилмаганлигини айтди. Чунки бунга унинг вақти йўқлиги, аммо ёрдамчилари томонидан тайёрланган видеолар тўплами билан танишиб чиққан.

Уфа давлат нефт техника университетининг 3-босқич талабаси Даниил Чемезов YouTube'да жойлаштирилган фильмнинг ҳаққонийлиги ҳақида сўради.

"Мен саволингизга бирдан жавоб бермоқчиман. У ерда менинг мулким сифатида кўрсатиладиган ҳеч нарса, на менга, на яқин қариндошларимга тегишли эмас ва ҳеч қачон тегишли бўлмаган. Ҳеч қачон", - деб жавоб берди Путин.

Ўтган ҳафтада Навальний жамоаси президент Қора денгиз қирғоғида 100 миллиард рублга қаср қургани тўғрисидаги материални эълон қилди.

Кремл Геленжикдаги Владимир Путиннинг "қасри" ҳақидаги Алексей Навальний томонидан ўтказилган суриштирувни асоссиз сафсата ва компиляция деб атади.

"Биласизми, бу мавзу 3-4 йил олдин тармоққа ташланганди. Ва бу ҳолатда қуруқ сафсата қилинмоқда, мана бу ҳийла-найранглардан фойдаланишга бир неча бор уринишди. Кўпинча ўзларини қийнашмаяпти ҳам <...> ҳеч бўлмаганда бирон бир нарсани исботлаш эмас, ҳеч бўлмаганда тасвирлаб беришга минимал уринишлар билан” - деди президент матбуот котиби Дмитрий Песков.

У ягона янгилик бу - "монтаж ҳикоялари"дан фойдаланиш бўлган, дея тахмин қилди.

"У ерда, маълум бир қасридаги бассейнда, Путиннинг Енисейда сузиб юргани акс этган <...> бутун дунёда тарқалган <...> тасвирлар қўшиб қўйилган. Бу шундай қуруқ констатация", - деб тушунтирди Кремл вакили.

Бундан ташқари, Песков россияликларни "ФБК муттаҳамларига" пул ўтказмасликка чақирди, бундай текширувлар – бу фирибгарлик эканлигини таъкидлади.

"Давлат раҳбарига қарши тайёрланган ва тайёрланаётган ахборот хужумлари ҳақида аллақачон бизга маълум. Улар бўлган, афсуски, давом этади. Бу ҳолатда президент мавжуд бўлмаган мулкка эгалик қилишда айбланмоқда. Бутун мол-мулк Россия президенти томонидан ҳар йили декларацияланади ва чоп этилган йиллик декларацияда акс этган", - деб хулоса қилди Песков.

541
Теглар:
Москва, Россия, Навальный, Владимир Путин
Мавзу бўйича
Навальний билан боғлиқ ҳолат бўйича жиноят ишини қўзғатишга асос йўқ - Лавров
Европарламент Навальний туфайли Россияга қарши резолюция қабул қилди
Кремл "Путин қасри" ҳақидаги хабарлар юзасидан изоҳ берди
Навальний иши: Россия Европа Иттифоқига қарши санкция қўллади