Le Monde: ЕИ Pfizer вакцинасини босим остида маъқуллади, бунинг далили бор

326
(Янгиланган 11:32 18.01.2021)
“Le Monde” газетаси журналистлари Европа дори воситалари агентлигининг интернетда пайдо бўлган электрон мактублари билан танишиб чиқди.

ТОШКЕНТ, 18 янв — Sputnik. Европа дори воситалари агентлиги (ЕМА) вакилларига коронавирусга қарши вакциналарни сертификатлаш вақтида босим ўтказилган. Гап, хусусан, Pfizer-BioNTech ва Moderna препаратлари ҳақида бормоқда. Бу ҳақда Франциянинг “Le Monde” газетаси хабар қилди.

Нашр журналистлари агентликнинг электрон ёзишмаларини ўрганишган. Улар хакерлар ҳужумидан кейин интернетда пайдо бўлган.

“Камида 5 та электрон мактуб агентлик коронавирусга қарши биринчи вакцинани маъқуллаш жараёнини тезлаштириш учун босимга дуч келгани ҳақида гапиришга имкон беради”, - дея ёзади газета.

Эълон қилинган ёзишмалардан маълум бўладики, ўша Pfizer вакцинасини маъқуллашда ҳам муаммолар бўлган ва улар ҳозиргача бор.

Европа агентлигининг бу вакцинага қарши бўлган уч “асосий эътирози”:

  • ҳамма ишлаб чиқариш майдонлари текширилмаган;
  • вакцинанинг тижорат партияларига оид зарурий маълумотлар бўлмаган;
  • тижорат партиялари ва клиник синовлар вақтида қўлланилган вакциналар ўртасида сифатий тафовут аниқланган.

Бошқача қилиб айтганда, бирисини синовдан ўтказиб, бошқасини етказиб берган бўлишлари мумкин.

Бу ҳолатлар вакцина сифати билан шуғулланган тадқиқотчиларнинг энг катта хавотирига сабаб бўлган, дея ёзади “Le Monde”. Шунга қарамасдан Pfizer маъқулланган.

Нашрнинг ёзишича, ЕМА вакцинани 2020 йил 21 декабрда узул-кесил маъқуллади, Британия маъқуллагандан кейин 3 ҳафта, АҚШдан кейин эса 2 ҳафта ўтиб.

“Бу Европа агентлигига ҳеч нарсага қарамасдан уни маъқуллашдан олдин сифат муаммоларини ҳал қилишга бир мунча вақт керак бўлганидан дарак беради”, - дейилган хабарда.

Ва бу кечикиш “Европа коммиссияси томонидан номақбул бўлмаган” деб баҳоланган. Ошкор қилинган ёзишмаларда ҳам бу ҳақда гап борган.

Куни кеча Pfizer Европага вакцина етказиб беришни вақтинча қисқартириши маълум бўлганди. Бу гўёки ишлаб чиқариш қувватини модернизация қилиш билан боғлиқ.

Январь ойи ўртасида Норвегияда Pfizer вакцинаси билан эмланган 23 кишининг вафоти ҳақида маълум бўлганди.

Бундан ташқари, “The Times of Israel” газетаси Pfizer билан эмланган 13 нафар исроилликда юз фалажа кузатилгани ҳақида ёзди.

326
Теглар:
коронавирус, Европа Иттифоқи, вакцина
Близнецы, акробатки и блогеры Тиган и Сэм Рыбка

Эгизак опа-сингиллар акробатик трюклари билан интернетда машҳур бўлмоқда

372
(Янгиланган 14:59 26.02.2021)
Австралиялик эгизак опа-сингиллар Тиган ва Саманта акробатик трюклари билан ижтимоий тармоқларни забт этмоқда.

ТОШКЕНТ, 25 фев — Sputnik. Австралиялик эгизак опа-сингиллар Тиган ва Саманта Рибка ўзларининг акробатик трюклари билан ижтимоий тармоқларни забт этмоқда.

Посмотреть эту публикацию в Instagram

Публикация от The Rybka Twins (@rybkatwinsofficial)

Қизлар уч ёшида акробатика билан шуғулланишни бошладилар. Ҳозир уларнинг ёши 25да.

Посмотреть эту публикацию в Instagram

Публикация от The Rybka Twins (@rybkatwinsofficial)

Улар икки йил олдин Australia's Got Talent шоуда қатнашдилар ва кейинчалик видеороликларни YouTube’да жойлаштиришни бошлашган. Кўпгина фойдаланувчилар эгизакларнинг эгилувчанлигига ҳайратда қолишмоқда, уларнинг каналига 7,3 миллион киши обуна бўлган.

Шунингдек, қизларни Instagram ва TikTokда миллионлаб обуначилар кузатиб боришмоқда.

372
Теглар:
ижтимоий тармоқ, интернет, қизиқарли видео
Кость динозавра. Иллюстративное фото

Ўзбекистондаги “динозаврлар қабристони”да ноёб топилма аниқланди

288
(Янгиланган 13:44 26.02.2021)
Археологлар Ўзбекистон Қизилқум чўлида фанга маълум бўлмаган динозавр турини аниқлашди. Динозаврлар Осиё қитъасининг энг ғарбий қисмида жойлашган қирғоқ текислигида бундан 100 миллион йил олдин, Ер қитъаларга ҳали ажралмаган пайтда яшаган.

ТОШКЕНТ, 25 фев — Sputnik. Археологлар Ўзбекистон Қизилқум чўлида фанга маълум бўлмаган динозавр тури қолдиқларини қазиб олишди. Бу ҳақда Daily Mail нашри хабар қилди.

Как выглядел джаратитанис, который существовал в Меловой период (от 145,5 до 65,5 млн лет назад).
Как выглядел джаратитанис, который существовал в Меловой период (от 145,5 до 65,5 млн лет назад).

Унга Dzharatitanis kingi ном берилган. У сайёрада яшаган энг катта жонзот - диплодокнинг энг яқин қариндоши бўлган.

Динозаврлар Осиё қитъасининг энг ғарбий қисмида жойлашган қирғоқ текислигида бундан 100 миллион йил олдин, Ер қитъаларга ҳали ажралмаган пайтда яшаган. Унинг хивичсимон думи ва узун бўйни сабаб баланд дарахтлардан озуқа ея олган.

Динозавр дум суяги Қизилқум чўлидаги “динозаврлар қабристони” деб аталувчи макондан халқаро археологлар жамоаси томонидан қазиб олинган.

Dzharatitanis kingi кичикроқ бош ва ўткир тишларга эга бўлган. Бу унга дарахтларнинг шохларини кесиб олиш имконини берган. У бундан 145,5 миллион йил олдин бошланиб, 65,5 миллион йил олдин якунланган Бўр даврида яшаган.

288
Председатель объединения VETERAN Талъат Мурадов

Муродов афғон урушида бедарак кетган яна олти аскар қабрлари топилганини маълум қилди

229
VETERAN бирлашмаси раиси Талъат Муродов Афғонистонда жанг қилган ветеранлар коронавирус пандемияси вақтида қандай қўллаб-қувватлангани, Афғонистон Ислом Республикаси ҳудудида уруш вақтида бедарак йўқолган жангчиларни қидириш ишлари қандай кечаётгани ҳақида гапирди

Талъат Муродовнинг сўзларига кўра, коронавирус пандемияси вақтида VETERAN бирлашмаси ўз ходимларини қўллаб-қувватлаш учун бир қанча чоралар кўрган.

"Биргаликда биз кучмиз!" жамғармаси билан биргаликда бирлашма пандемия давомида Ўзбекистонда истиқомат қилувчи афғон жангчиларига ёрдам бериб келган.

"Ўтган йилнинг май ойида республикамизда рўй берган фожиа - Сардоба сув омборида юз берган ўпирилиш вақтида бизнинг 18 нафар ходимимиз ҳам жабр чеккан. Бирлашмамиз томонидан уларга янги буюмлар: пойабзал, иссиқ кийим-кечак, ёпинчиқлар етказиб берилди, сабаби, улар бошпанасиз қолишган эди", — деб ҳикоя қилди Талъат Муродов Sputnik Ўзбекистон мухбирига берган интервьюсида.

Афғонистондаги урушда Ўзбекистондан 65 000 нафар ветеранлар иштирок этган, улардан 2000 нафари ногирон бўлиб қайтишган, кейинчалик ногиронлар сони 5000 нафарга етган, 1 565 минг ўзбек ўғлонлари бу урушда ҳалок бўлишган, 33 нафари бедарак кетган. Мустақиллик йилларида бедарак кетган ҳисобланган аскарларнинг тўрт нафари тирик топилган ва ватанга қайтарилган. Аммо 29 нафар аскар топилган эмас, уларни ота-оналари, яқинлари ҳалигача кутишади. Ўтган йилнинг ёз фаслида Ўзбекистон ҳукумати афғон урушида бедарак кетган аскарларни қидириш ишларини молиялаштириш ҳақида қарор қабул қилган.

Муродовнинг айтишича, жорий йил февраль ойининг бошида байналминал жангчилар қўмитаси вакилларидан иборат делегация Афғонистонга учган. Афғонистонда ташкил этилган учрашувлар натижасида делегация аъзоларига тўртта қабр кўрсатилган. Шунингдек, татар диаспораси томонидан яна иккита қабр аниқлангани маълум қилинган.

"Бедарак йўқолган аскарларни қидириш ишлари олиб бориляпти ва сўнгги аскарни топгунга қадар давом эттирилади", - деди Муродов.

Эслатиб ўтамиз, бугун Тошкент шаҳрида афғон уруши ветеранлари "Байналминал-жангчи" орденлари билан тақдирландилар.

229
Мавзу:
Афғонистон: 30 йил тинчлик илинжида