Вид на город Ереван. Армения

Арманистонда Россия билан иттифоқ тузиш тарафдорлари ҳаракати юзага келди

883
"Биз арман халқи ва Арцах (Қорабоғ)нинг хавфсиз ҳаёти, суверен давлатчилиги, унинг келажаги ва фаровонлигини азалий дўстимиз ва иттифоқдошимиз - Россия билан янги сиёсий иттифоқ яратиш шароитидагина таъминлаш мумкин деб ҳисоблаймиз", - дейилади ҳаракат баёнотида.

ТОШКЕНТ, 6 фев – Sputnik. "Кучли Арманистон Россия билан. Янги иттифоқ учун" янги жамоатчилик ҳаракати муассислик йиғилиши шанба куни Ереванда бўлиб ўтди, деб хабар бермоқда РИА Новости мухбири.

Янги ҳаракат кенгашидан олимлар, маданият арбоблари, сиёсатчилар, сиёсатшунослар, иқтисодчилар, публицистлар, жамоатчилик арбоблари ўрин олишган.

Кенгаш иштирокчилари томонидан ташкилот дастуридан ўрин олган мақсадлар сифатида қуйидагилар кўрсатилган: арман-рус муносабатларини Россия Федерацияси билан иттифоқ давлатини яратишга қадар сифат жиҳатидан янги босқичга олиб чиқиш, Россия тинчликпарвар кучлари билан ҳамкорликда Қорабоғнинг хавфсизлигини таъминлаш, Арманистон армияси қудратини тиклаш, уни замонавий қурол-яроғ билан таъминлаш, Россия кўмагида армияни қуриш, иттифоқ давлати ҳудудида Европа Иттифоқи ва умумий бозор доирасида мамлакат иқтисодиётини ривожлантириш.

"Биз арман халқи ва Арцах (Қорабоғ)нинг хавфсиз ҳаёти, суверен давлатчилиги, унинг келажаги ва фаровонлигини азалий дўстимиз ва иттифоқдошимиз - Россия билан янги сиёсий иттифоқ яратиш шароитидагина таъминлаш мумкин деб ҳисоблаймиз", - дейилади ҳаракат баёнотида.

"Конституциявий ҳуқуқ" партиясининг етакчиси, парламентнинг собиқ депутати Гайк Бабуханян тадбир давомида Арманистон Россия билан юқори даражадаги сифат жиҳатидан янги алоқаларни ўрнатиш орқали ҳозирги қийин вазиятдан чиқиб кетиши мумкинлигини айтган.

Унинг сўзларига кўра, РФ билан иттифоқчилик алоқалари нафақат хавфсизликни таъминлаш нуқтаи назаридан, балки цивилизация тараққиёти, миллий қадриятлар, ўзига хослик ва суверенитетни сақлаш учун ҳам зарурдир.

Тан олинмаган Тоғли Қорабоғ Республикасининг собиқ бош вазири, Қрим парламентининг собиқ раҳбари Анушаван Даниелян "янги Арманистон-Россия иттифоқи мамлакатни янада ривожлантириш, халқимиз хавфсизлиги ва узоқ умрини мустаҳкамлаш кафолатига айланиши мумкин" дея таъкидлади.

Йиғилиш ниҳоясига етгач, иштирокчилар ҳукумат биносига қараб юриш қилдилар.

Сентябр ойи охирида Тоғли Қорабоғда ҳарбий ҳаракатлар қайта бошланди, бу узоқ муддатли можаронинг давомига айланди ва тинч аҳоли орасида талофатларга олиб келди. Томонлар сулҳ тузиш учун бир неча бор уринишган, аммо 10 ноябрга ўтар кечаси эришилган уч томонлама келишув муваффақиятли бўлиб чиқди. Москванинг воситачилиги билан Озарбайжон ва Арманистон ўт ўчиришни бутунлай тўхтатишга ва маҳбуслар ва ўликларнинг жасадларини алмаштиришга келишиб олдилар. Шунингдек, Ереван Келбажар, Лачин ва Агдам вилоятларини Бокуга топширди. Бундан ташқари, минтақада Россия тинчликпарвар кучлари жойлашган.

883

АҚШ Афғонистондан қўшинларни олиб чиқиш санасини маълум қилди

347
(Янгиланган 14:46 08.03.2021)
АҚШ Афғонистондан ўз қўшинларини шу йил 1 майга қадар тўлиқ олиб чиқиб кетиш масаласини кўриб чиқмоқда.

ТОШКЕНТ, 8 мар — Sputnik. АҚШ Афғонистондан ўз қўшинларини 1 майга қадар тўлиқ олиб чиқиб кетиш масаласини кўриб чиқмоқда, деб хабар қилди Tolo News телеканали АҚШ давлат котиби Энтони Блинкеннинг президент Ашраф Ғанига ёзган мактубига асосланиб.

"Вашингтонда сиёсий жараён давом этаётганлиги сабабли, АҚШ бирон бир вариантни рад этмайди. Биз 1 майга қадар қўшинларимизни тўлиқ олиб чиқиб кетиш масаласини кўриб чиқмоқдамиз", - дейилган ҳужжатда.

Мактубда ёзилишича, АҚШ Россия, Хитой, Покистон, Ҳиндистон ташқи ишлар вазирлари ва вакилларини Афғонистонда тинчликни сақлашга қаратилган ягона ёндашувни муҳокама қилиш учун йиғилиш ўтказиш юзасидан БМТга мурожаат қилмоқчи.

Бундан ташқари, Вашингтон "Туркия ҳукуматидан тинчлик битимини якунлаш учун яқин ҳафталарда икки томоннинг юқори даражадаги учрашувини ташкил қилишни" режалаштирмоқда.

Аввалроқ Пентагон АҚШ президенти Жо Байденнинг администацияси Афғонистондан қўшинларни олиб чиқиш режасини қўллаб-қувватлашини айтганди. Вашингтон “Толибон” ҳаракати (Россияда тақиқланган) амалдаги келишув шартларини бажарган тақдирда, май ойигача мамлакатни тарк этишга тайёр. Жангарилар битим шартларини бажарганлигини таъкидламоқда.

2020 йилда Қатарда АҚШ ва “Толибон” Афғонистондан олиб чиқиб кетиш, маҳбуслар алмашинуви кейин афғонистонлараро мулоқотни бошлашни назарда тутадиган биринчи тинчлик битимини имзоладилар.

 

347
Теглар:
Толибон, АҚШ, Афғонистон

Венесуэла президенти “Спутник V” билан эмланди

203
Венесуэла президенти Николас Мадуро ва унинг рафиқаси коронавирусга қарши Россиянинг “Спутник V” вакцинаси билан эмланди.

ТОШКЕНТ, 7 мар — Sputnik. Венесуэла президенти Николас Мадуро коронавирусга қарши Россиянинг “Спутник V” вакцинаси билан эмланди. Бу ҳақда у Twitterʼда маълум қилди. Президент билан бирга унинг рафиқаси Силия Флорес ҳам вакцинанинг биринчи дозасини олган.

Мадуронинг сўзларига кўра, “Спутник V” билан Венесуэла тиббиёт ходимларининг катта қисми эмланган.

Мадуро COVID-19 га қарши Россия вакцинаси билан эмланиш истагини билдирди

Венесуэлада коронавирусга қарши Россиянинг “Спутник V” вакцинаси билан эмлаш ишлари 18 февраль куни бошланганди.

“Спутник V”нинг биринчи партияси Жанубий Америка мамлакатига 13 февраль куни олиб келинган.

Ўтган йил октябрь ойида Россия тўғридан-тўғри инвестициялар жамғармаси Каракасга “Спутник V”нинг учинчи босқич клиник синовларини ўтказиш учун “Спутник V” вакцинаси етказиб берилганини хабар қилган эди. Унда икки минг нафар кўнгилли, жумладан, давлат раҳбарининг ўғли Николас Мадуро Герра ҳам иштирок этган.

203
Теглар:
эмлаш, Спутник V, Николас Мадуро, Венесуэла
Купол мечети

Шайх Абдулазиз Мансурнинг ўғли вафот этди

101
Ўзбекистон Ислом цивилизацияси маркази директорининг ўринбосари Шайх Абдулазиз Мансурнинг ўғли Абдулбосит Мансуров вафот этди.

ТОШКЕНТ, 8 мар — Sputnik. Ўзбекистон Ислом цивилизацияси маркази директорининг ўринбосари Шайх Абдулазиз Мансурнинг ўғли Абдулбосит Мансуров вафот этди. Бу ҳақда Ўзбекистон мусулмонлари идораси матбуот хизмати хабар қилди.

Идора Шайх Абдулазиз Мансурнинг фарзанди вафоти муносабати билан унинг барча оила аъзоларига таъзия билдирди.

101