АҚШда Трамп баёноти ва Капитолийнинг ишғол қилиниши неча пулга тушгани ҳисоблаб чиқилди

409
(Янгиланган 17:31 07.02.2021)
АҚШ собиқ президенти Дональд Трампнинг сайловлардаги сохтаталаштириш борасидаги баёноти, Капитолий ҳудудидаги тартибсизликлар қанча зарар келтиргани ҳисоблаб чиқилди.

ТОШКЕНТ, 7 фев — Sputnik. АҚШ собиқ президенти Дональд Трампнинг сайловлардаги сохтаталаштириш борасидаги баёноти, тегишли даъволарни кўриб чиқиш ҳамда 6 январь куни Капитолий ҳудудидаги тартибсизликлар умумий ҳисобда америкалик солиқ тўловчиларга 519 миллион долларга тушди. Бу ҳақда “The Washington Post” газетаси федерал ва маҳаллий ҳукуматнинг харажат қайдларига таянган ҳолда хабар қилди.

“Харажатлар ҳар куни ўсган, чунки барча даражадаги давлат тузилмалари Трамп ва унинг тарафдорларининг хатти-ҳаракатларига муносабат билдириш учун бюджет маблағларидан фойдаланишга мажбур бўлишган,  - дея ёзади нашр. – Харажатлар ўнлаб даъволарга оид суд божлари, таҳдидга жавобан сайлов комиссияси аъзоларини қўриқлашни кучайтириш, 6 январь куни Капитолий олдидаги исёндан сўнг қайта тиклаш ишларини ўз ичига олган”.

Хусусан, Вашингтонда март охирига қадар янги тартибсизликлар хавфи сабаб Миллий гвардия ҳарбий хизматчиларини жойлаштиришга 480 миллион доллар сарфланган. 28 миллион доллар атрофида 20 январь куни президент инаугурацияси арафасида хавфсизликни таъминлаш тадбирларига йўналтирилган. Бунгача 2,2 миллион доллар суд муҳокамалари ва сайлов комиссияси ходимларининг қўриқлашга кетган.

Нашрнинг тахмин қилишича, бу воқеалар ортидан етказилган зарар юқорида келтирилгандан зиёд ҳам бўлиши мумкин.

Олтинчи январь куни Дональд Трамп тарафдорлари, ўша пайтдаги амалдаги президент, Вашингтондаги митингдан кейин Капитолийга ҳужум уюштирди. Бу сайлов якунларини муҳокама қилаётган конгресснинг иши бир неча соатга тўхтаб қолишига олиб келди. Тартибсизликлар натижасида бир намойишчи ва полиция ходими ҳалок бўлди. Яна уч киши зўравонлик билан боғлиқ бўлмаган сабаб туфайли вафот этди. Ҳуқуқни муҳофаза қилувчи орган ходимларини намойишчиларни конгресс биносидан ҳайдаб чиқаргандан кейин Жо Байденнинг сайловдаги ғалабаси тасдиқланди. Кўп ўтмай конгресс вакиллари исёнга давъат этиш айблови билан Трампга импичмент эълон қилишди.

409
Встреча президентов России и Сирии

Сурия етакчиси коронавирусга чалинди

10
Сурия президенти Башар Асад ва унинг рафиқаси Асма хоним коронавирусга чалинди. Улар икки-уч ҳафта давом этадиган уй карантини даврида ўз вазифаларини давом эттиришади.

ТОШКЕНТ, 8 мар — Sputnik. Сурия президенти Башар Асад ва унинг рафиқаси Асма хоним коронавирусга чалинди, деб хабар қилди Сурия етакчиси девони.

“Улар COVID-19 белгиларига ўхшаш енгил аломатларни бошдан кечиргач, президент Башар Асад ва Асма хоним ПЦР-тестини топширишди. Таҳлил натижаси мусбат чиққан", - дейилган хабарда.

Баёнотда айтилишича, Башар Асад ва рафиқасининг аҳволи барқарор ҳолатда.

Сурия президенти ва унинг рафиқаси икки-уч ҳафта давом этадиган уй карантини даврида ўз вазифаларини давом эттиришади.

10
Теглар:
коронавирус пандемияси, коронавирус, президент, Сурия
Мавзу:
COVID-19 умумжаҳон пандемияси

АҚШ Афғонистондан қўшинларни олиб чиқиш санасини маълум қилди

427
(Янгиланган 14:46 08.03.2021)
АҚШ Афғонистондан ўз қўшинларини шу йил 1 майга қадар тўлиқ олиб чиқиб кетиш масаласини кўриб чиқмоқда.

ТОШКЕНТ, 8 мар — Sputnik. АҚШ Афғонистондан ўз қўшинларини 1 майга қадар тўлиқ олиб чиқиб кетиш масаласини кўриб чиқмоқда, деб хабар қилди Tolo News телеканали АҚШ давлат котиби Энтони Блинкеннинг президент Ашраф Ғанига ёзган мактубига асосланиб.

"Вашингтонда сиёсий жараён давом этаётганлиги сабабли, АҚШ бирон бир вариантни рад этмайди. Биз 1 майга қадар қўшинларимизни тўлиқ олиб чиқиб кетиш масаласини кўриб чиқмоқдамиз", - дейилган ҳужжатда.

Мактубда ёзилишича, АҚШ Россия, Хитой, Покистон, Ҳиндистон ташқи ишлар вазирлари ва вакилларини Афғонистонда тинчликни сақлашга қаратилган ягона ёндашувни муҳокама қилиш учун йиғилиш ўтказиш юзасидан БМТга мурожаат қилмоқчи.

Бундан ташқари, Вашингтон "Туркия ҳукуматидан тинчлик битимини якунлаш учун яқин ҳафталарда икки томоннинг юқори даражадаги учрашувини ташкил қилишни" режалаштирмоқда.

Аввалроқ Пентагон АҚШ президенти Жо Байденнинг администацияси Афғонистондан қўшинларни олиб чиқиш режасини қўллаб-қувватлашини айтганди. Вашингтон “Толибон” ҳаракати (Россияда тақиқланган) амалдаги келишув шартларини бажарган тақдирда, май ойигача мамлакатни тарк этишга тайёр. Жангарилар битим шартларини бажарганлигини таъкидламоқда.

2020 йилда Қатарда АҚШ ва “Толибон” Афғонистондан олиб чиқиб кетиш, маҳбуслар алмашинуви кейин афғонистонлараро мулоқотни бошлашни назарда тутадиган биринчи тинчлик битимини имзоладилар.

 

427
Теглар:
Толибон, АҚШ, Афғонистон