Кийик улкан тимсоҳдан зўрға қочиб, қоплонга ем бўлди - видео
(Янгиланган 17:58 10.02.2021)
Жанубий Африкадаги Кругер миллий боғида сайёҳлар тимсоҳ, импала ва қоплон билан юз берган ҳолатни тасвирга олишди.ТОШКЕНТ, 10 фев — Sputnik. Кругер миллий боғида (Жанубий Африка) сайёҳлар - шифокор ва банк ходими Анжела ва Крейг Уикс тимсоҳ, оҳу ва қоплон билан юз берган ҳолатни тасвирга олишди.
Сайёҳлар импалалар (оҳу) подаси ёғингарчиликдан сўнг ҳосил бўлган кўл олдида тўхташганини кўради.
“Биз оёғи синган импалани яхшилаб кўриш учун тўхтадик. Тўсатдан 4 метрли тимсоҳ сувдан сакраб чиқиб, уни лойқа сувга судраб кетади”, - дейди Анжела.
Улар ўртасида олишув 2 дақиқа давом этди, аммо оҳу тимсоҳдан қочиб, сувдан чиқади.
Кўл ёнида эса қоплон вазиятни кузатиб турган экан.
“Биз импала кутилмаган тарзда ўлжага айлашишидан ҳайратга тушдик, тимсоҳ қандай қилиб кичик лой ҳовузида яширинганлигини кўриб ҳайрон қолдик. Импала тимсоҳдан қутулганида, биз тинчланган эдик. Лекин бир неча сониядан сўнг, у қоплон пистирмасига тушади. Биз учун бу унутилмас манзара, "ноёб тажриба" бўлди”, - дейди Крейг.
Шундан сўнг, қоплон импалани яқин атрофдаги дарахт соясида ея бошлайди.
Теглар:
ОДКБ штаб бошлиғи Афғонистондан келаётган таҳдидларни санаб ўтди
(Янгиланган 16:02 25.02.2021)
Коллектив хавфсизлик шартномаси ташкилоти қўшма штаби бошлиғи, генерал-полковник Анатолий Сидоров КХШТ видеоконференциясида минтақавий хавфсизликка асосий таҳдидларни санаб ўтди.ТОШКЕНТ, 25 фев — Sputnik. Коллектив хавфсизлик шартномаси ташкилоти қўшма штаби бошлиғи, генерал-полковник Анатолий Сидоров Тожикистон Мудофаа вазирлигида бўлиб ўтган КХШТ видеоконференциясида минтақавий хавфсизликка асосий таҳдидларни санаб ўтди.
Афғонистон ҳудудида радикал исломий ва террористик гуруҳларнинг борлиги аввалгидек хавотир ўйғотмоқда. “Толибон”* исломий ҳаракати Афғонистон ҳудудида энг кўп сонли гуруҳ ҳисобланади.
Ҳозир унинг сафида 70 мингдан ортиқ жангари мавжуд. Экстремистлар катта ҳудудларни назорат қилиб, шимолий, жанубий ва жануби-шарқий вилоятларда фаоллик кўрсатмоқда.
"Тожикистон ва Туркманистон билан чегарадош минтақалардаги отрядларнинг умумий сони 15 минг кишини ташкил этади", - дейди КХШТ қўшма штаби раҳбари.
Минтақа хавфсизлигига яна бир таҳдид - бу "Ислом давлати" халқаро террорчилик уюшмасининг “Вилоят Хуросон”* гуруҳи Афғонистондаги позицияларини мустаҳкамламоқда. Бугунги кунда жангарилар сони 4 минг кишини ташкил қилади.
"Улар Марказий Осиё давлатларини босиб олиш учун плацдарм яратиш мақсадида Тожикистон ва Покистон билан чегарадош минтақалар устидан назорат ўрнатишга интилмоқда", - деб хулоса қилди генерал-полковник.
* Россияда тақиқланган террорчилик ташкилот.
Арманистон Қуролли кучлари Пашинян истеъфосини талаб қилди
ТОШКЕНТ, 25 фев — Sputnik. Арманистон Бош штаби бош вазир Никол Пашинян истеъфосини талаб қилди. Бу ҳақда Sputnik Арманистон хабар қилмоқда.
Баёнотда ёзилишича, мамлакат Бош штаби штаб бошлиғининг биринчи ўринбосари Тиран Хачатряннинг лавозимидан озод қилишини юзасидан қатъий норозилик билдиради.
Ҳарбийлар унинг ишдан олиш тўғрисидаги қарор Арманистон миллий ва давлат манфаатларини инобатга олмаган ҳолда, фақат шахсий адоват асосида қабул қилинган деб ҳисоблашади.
“Бундай оғир шароитларда бундай қарор давлатга қарши ва масъулятсизлик ҳисобланади”, - дейилган баёнотда.
Бош штаб Пашинянни ўз халқига қарши куч қўллашдан огоҳлантирган.
Пашинян бўлиб ўтаётган ҳодисаларни давлат тўнтарилишига уриниш деб атади ва тарафдорларини Еревандаги майдонга чиқишга давъат этди.
Кейинчалик Арманистон бош вазири Қуролли кучлар унинг истеъфосини талаб қилгандан сўнг Бош штаб бошлиғи Оник Гаспарянни лавозимидан озод қилганини маълум қилди.
Теглар:
ЕОИИда Ўзбекистон вакили тайинланди
(Янгиланган 20:41 25.02.2021)
ЕОИИ Иқтисодий комиссиясида Ўзбекистон вакили этиб Макроиқтисодий изланишлар ва прогноз институти директори ўринбосаси Шуҳрат Шукуров тайинланди. ТОШКЕНТ, 25 фев — Sputnik. Ўзбекистоннинг Евроосиё Иқтисодий Иттифоқидаги вакили этиб Шуҳрат Шукуров тайинланди. Шу кунга қадар у Макроиқтисодий изланишлар ва прогноз институти директори ўринбосаси лавозимида ишлаб келган, ЕИК матбуот хизмати хабарига асосан.
2020 йилнинг декабр ойида Ўзбекистон ЕОИИда кузатувчим мақомини олган эди. Ушбу қарор ЕОИИ Олий совети мажлисида қабул қилинган ва унда Ўзбекистон президенти Шавкат Мирзиёев ҳам иштирок этган эди.
ЕИК хабарига кўра, 26 феврал куни Ўзбекистоннинг Россиядаги фавқулодда ва мухтор элчиси Ботиржон Асадовнинг ЕИК коллегия раиси Михаил Мясникович, интеграция ва макроиқтисодиёт вазири Сергей Глазьев ва савдо вазири Андрей Слепневлар билан учрашуви кутилмоқда. Учрашув давомида Ўзбекистон ҳукуматининг Шуҳрат Шукуровни вакил этиб тайинлаш ҳақидаги хати кўриб чиқилади.
Шухрат Шукуров Москва иқтисодий-статистика институтини ва Ўзбекистон давлат ва жамият қурилиши академиясидаги Олий бизнес мактабини тугатган. Ўзбекистон иқтисодий мажмуасда 30 йиллик меҳнат тажрибасига эга. Шу кунга қадар у Макроиқтисодий изланишлар ва прогноз институти директори ўринбосаси лавозимида ишлаб келган.
ЕОИИ иқтисодий комиссиясида Шукуров узоқ муддатли миллий манфаатларидан келиб чиққан ҳолда Ўзбекитоннинг ЕОИИ ҳаётида фаол иштирок этишини таъминлаш билан шуғулланади.