БССТ Уханьда нимани аниқлади?

331
Сафар якунлари бўйича уюштирилган матбуот-анжуманида олимлар, вирус 2019 йилнинг декабрида Ухань бўйлаб, нафақат Хуанань бозори ичида, балки унинг ташқарисида ҳам тарқалгани ҳақида ҳикоя қилдилар.

ТОШКЕНТ, 11 фев — Sputnik, Софья Мельничук. ХХР раҳбарияти БССТ томонидан ўтказилган суриштирувнинг биринчи натижаларидан мамнун бўлиши мумкин. Коронавирус инфекцияси Уханьдаги вирусология институти лабораториясидан сизиб кетгани рад этилди. Шу билан бирга ковид Хитойга масалан, музлатилган маҳсулот ёрлиғида бошқа мамлакатдан кириб келгани билан боғлиқ тахминлар ҳамон ҳисобда турибди. Аммо Пекин мамнуниятини ҳамма ҳам ҳазм қилаётган эмас. БССТ экспертлари Уханьда нимани аниқлай олишгани ҳақида - РИА Новости материалида ўқинг.

БССТ сафари

Бутунжаҳон соғлиқни сақлаш ташкилоти вакиллари Уханьга шаҳар жаҳондаги янги пандемия эпицентрига айланганидан сўнг бир йил ўтиб ташриф буюрди. Экспертлар жамоаси икки ҳафтани карантинда ўтказди. Мутахассислар коронавируснинг янги тури қаердан пайдо бўлгани, инсон организмига қандай тушиб қолгани ва ҳозирги пандемияда орттирилган тажриба келажакда бу сингари фожиаларнинг олдини олишга ёрдам бериши мумкинми деган саволларга жавоб топишлари керак эди.

Аммо ўн икки кун давомида касалхоналарни айланиш, беморларнинг тиббий карталарини ўрганиш, шифокорлар билан суҳбат, Ухань бозорини кўздан кечириш, Вирусология институтига ташриф - мутахассисларни бу жумбоқ ечимига яқинлаштира олмади. Бундан ташқари, натижалар миссиянинг бирон бир ишга қодирлигини гумон остида қолдирди - экспертлар бирорта саволга жавоб бера олмадилар.

Сафар якунлари бўйича уюштирилган матбуот-анжуманида олимлар, вирус 2019 йилнинг декабрида Ухань бўйлаб, нафақат Хуанань бозори ичида, балки унинг ташқарисида ҳам тарқалгани ҳақида ҳикоя қилдилар. Шундай экан, SARS-CoV-2 вирусининг келиб чиқиши айнан бозордаги раста бўлган, дея таъкидлаш мумкинмас.

БССТ миссияси вирунинг қўлбола келиб чиқиши ҳақидаги теорияни "ўта эҳтимоли кам", дея тан олди. Лабораториялардаги хавфсизлик чоралари стандартларга жавоб беради, бу борада кейинги суриштирувлар талаб этилмайди, деб баёнот қилди даниялик миссия раҳбари эксперт Питер Бен Эмбарек. У ушбу хулосалар турли идоралар, шу жумладан, вирусология институтидаги "тадқиқотчилар ва бошқарувчилар билан узоқ вақт давом этган, ҳаққоний ва очиқ мунозаралар" асосида қилинганини таъкидлаб ўтди. У ерда олимларга марказнинг жорий йил ва ўтмишдаги лойиҳа ишлари бўйича, жумладан, кўпшапалаклар ва коронавируслар бўйича ҳам барча маълумотлар тақдим этилди.

Ғарбдаги айрим олимлар бундай хулосаларга ишонқирамай муносабатда бўлишди. Улар фикрича, вируснинг лабораторияда келиб чиққан ҳақидаги версиядан воз кечишга ҳали эрта.

БССТ жамоасидаги хитой томони вакили Лян Ваннянь журналистларни институтда SARS-CoV-2 билан боғлиқ эмас, балки вируснинг узоқ "қариндоши" билан боғлиқ тажрибалар ўтказилганини айтиб, ишонтирган. Унинг айтишича, вирус, эҳтимол, табиатда панголинлар, мушуклар ва қоракузанлар орасида тарқалган бўлиши мумкин.

Эмбарек шунингдек, инфекция инсонга худди шундай ташувчилардан биридан юққан бўлиши мумкинлигига ишора қилган.

Миссия раҳбари кейинги суриштирув, ўрганишларни музлатилган маҳсулотлар сақланадиган жойларда ўтказиш кераклигини айтмоқда.

Пекинда ҳам коронавирус ХХРга импорт маҳсулотлар орқали кириб келгани ҳақидаги версияни фаол илгари суришмоқда. Охирги авж олиш ҳолатлари чет элдан товар қабул қиладиган портларда юз берган. Шу билан бирга, хитой ҳукумати аҳолини музлатилган пачкадан коронавирусни юқтириб олиш эҳтимоли камлигини айтиб ишонтирганлар.

Хитойнинг касалликлар назорати ва профилактикаси маркази раҳбари Цзэн Гуан янги коронавирус АҚШда Уханьдан кўра эртароқ пайдо бўлганини айтмоқда. Шу боис, америка томони ҳам вируснинг келиб чиқиш эҳтимоли ҳақидаги суриштирувга ўз диққатини жамлаши лозим, дейди у.

Цзен Гуан АҚШ лабораториялари дунёнинг кўпгина мамлакатларида жойлашганини эслатиб ўтиб, Вашингтон, уларнинг фаолиятини коронавирус билан боғлиқ ҳолатдан қатъий назар шаффофлаштириши лозимлигини қайд этди.

Эндиликда айрим америка ОАВлари ҳозирги вазият, яъни Уханьга БССТ экспертлари томонидан уюштирилган сафар фақатгина ХХР фойдасига ўйнаганини ёзишмоқда.

331
Ли Харви Освальд в полицейском участке в Далласе после допросов

Хрушчев Кеннедини ўлдиришга буйруқ берган - АҚШ разведкаси собиқ раҳбари

339
АҚШ разведкаси собиқ раҳбари Кеннедининг ўлдирилишида СССР Коммунистик партияси Марказий Қўмитасининг биринчи котиби Никита Хрушчевни айблади.

ТОШКЕНТ, 24 фев — Sputnik. АҚШ Марказий разведка бошқармасининг собиқ директори Жеймс Вулси АҚШ 35-президенти Жон Кеннедининг қотиллигида СССР Коммунистик партияси Марказий Қўмитасининг биринчи котиби Никита Хрушчевни айблади.

Бу ҳақда New York Post газетаси Волси ва Коммунистик Руминия ташқи разведка генерал-лейтенанти Ион Пачепанинг "Аждаҳо операцияси: Кремлнинг Америкага қарши махфий уруши" қўшма китобига асосланиб ёзмоқда. РИА Новости хабарига асосан.

Муаллифларнинг фикрига кўра, Кеннедини ўлдирган Ли Харви Освальд КГБ ходими бўлган. СССР уни 1957 йилда Японияда АҚШ денгиз флотида хизмат қилаётганда “вербовка” қилган. Бир қатор махфий топшириқларни бажаргандан сўнг, Хрушчев унга АҚШ президентини ўлдиришга "шахсан буйруқ берган".

"Гарчи Освальд Совет Иттифоқида қолишни истаган бўлса-да, Кеннедини ўлдириш учун АҚШга қайтишга кўндирилди, Хрушчев АҚШ етакчисига нафрат билан қараган. Освальд ... СССРдан келган аёлга уйланди ва 1962 йил июн ойида АҚШга қайтариб юборилди,"- дейилади китобда.

Бироқ, кейинчалик Совет ҳукумати Кеннедини ўлдириш "фикридан қайтди" ва Освальдга бу ҳақда топшириқ берилди. Аммо у буйруққа бўйсунмади, дейди муаллифлар.

Шу билан бирга, китобда ушбу даъволарнинг барча далиллари Уоррен комиссиясининг 26 жилдлик ҳисоботида кўрсатилганлиги аниқланган, аммо у шу қадар "шифрланган" бўлиб, у ерда нима ёзилганлигини ҳали ҳеч ким тушунмаган.

АҚШнинг энг машҳур президентларидан бири Жон Кеннеди 1963 йил 22 ноябрда ўлдирилган. Давлат раҳбарининг кортежи Даллас кўчалари бўйлаб ҳаракатланганда бир неча бор ўққа тутилган. Полиция Ли Ҳарви Освальдни қотилликда гумон қилиб ҳибсга олди. Бир неча кундан кейин у полиция бўлимида Даллас шаҳрида яшовчи Жек Руби томонидан отиб ўлдирилган. Руби 1967 йилда ўпка саратонидан вафот этди.

339
Теглар:
СССР, разведка хизмати, АҚШ
Повседневная жизнь

Қозоғистон Ўзбекистонга парвозлар сонини кўпайтиради

192
(Янгиланган 19:50 24.02.2021)
Қозоғистон Туркия, Ўзбекистон, Қирғизистон ва Украина билан парвозлар сонини кўпайтиришни режалаштирмоқда.

ТОШКЕНТ, 24 фев — Sputnik. Қозоғистон тўртта давлат: Туркия, Ўзбекистон, Қирғизистон ва Украина билан парвозлар сонини кўпайтиришни режалаштирмоқда. Бу ҳақда Бош вазир ўринбосари Ерали Тугжанов бошчилигидаги идоралараро комиссия йиғилиши якунлари бўйича маълум қилди. Sputnik Қозоғистон хабарига асосан.

Йиғилишда комиссия Қозоғистон Саноат ва инфратузилмани ривожлантириш вазирлигининг халқаро парвозлар сонини кўпайтириш бўйича таклифини қўллаб-қувватлади.

Йўналишлар ва парвозлар сони:

• Туркия билан (қўшимча 4 рейс),

• Ўзбекистон (+4 рейс),

• Қирғизистон (+2 рейс)

• Украина (+1 рейс).

Ўтган ҳафтада Қозоғистондан Самарқанд ва Урганчга мунтазм авиа-парвозларни қўйиш масаласи кўриб чиқилгани ҳақида хабар берилганди.

192

Бунақаси Россияда ҳали бўлмаган: мудофаа қандай танк устида ишламоқда

381
Қўшинлар сафида ғилдиракли танклар қандай ўринни эгаллаши мумкинлиги ҳақида - РИА Новости материалида ўқинг.

ТОШКЕНТ, 24 фев — Sputnik, Андрей Коц. Бақувват, юқори тезликка эга ва яхши ҳимояланган - "Бумеранг" бирлашган зирҳли платформа асосида Россияда илк ғилдиракли танк яратишмоқчи. Истиқболли шасси характеристикалари унга "Спрут-СД" самоходкасидаги сингари силлиқ стволли пушкага эга қурол-аслаҳа мажмуасини ўрнатишга имкон беради, деб тушунтиради "Ҳарбий саноат компанияси" бош директори Александр Красовицкий.

Қўшинлар сафида ғилдиракли танклар қандай ўринни эгаллаши мумкинлиги ҳақида - РИА Новости материалида ўқинг.

Сурияда асқотади

Красовицкийнинг сўзларига кўра, унификациялаштирилган "Бумеранг" ғилдиракли платформаси ишланмаси якунланишига оз қолган — у асосида қурилган К-16 бронетранспортерининг давлат синовлари йил якунига қадар режалаштирилган. Муҳандисларнинг таъкидига кўра, конструкцияда фан ва техниканинг энг замонавий ютуқларидан фойдаланилган.

Келгуси режалар — истиқболли БМП К-17, махсус техника ва бошқа намуналарни синовдан ўтказиш. "Ҳарбий-саноат компанияси" бош директори "Бумеранг" платформасида ғилдиракли танкнинг қисқа муддатда яратилиши - саноат учун муаммо эмас.

Гарчи бундай техника Совет Иттифоқида ишлаб чиқилган бўлса-да, Россия армиясида тўлиқ айланадиган башняда кучли қурол билан жиҳозланган ғилдиракли танклар - зирҳли машиналар оиласининг норасмий номи шундай - йўқ эди. Гарчи ушбу машиналар ҳимоя жиҳатдан гусеницали транспорт воситаларига ён берсада, аммо тезлик, манёвр қила олиш ва ход захираси жиҳатдан уларни сезиларли даражада ортда қолдиради.

"Ғилдиракли танклар улар учун мос грунтга эга мамлакатларда кенг тарқалган, — дея ҳикоя қилади РИА Новостига ҳарбий эксперт Алексей Леонков. — Масалан, Африкада. Шу боис, жумладан, ЖАРда асосий талаб айнан ғилдиракли танкларгадир. Уларнинг асосий афзалликлари — тезлик ва таъмирлашлар орасидаги босиб ўтадиган масофадир. Агар асосий жанговар танк, қўпол қилиб айтганда, ўн минг километрдан сўнг синса, пушкали бронеавтомобил белгиланган юз минг километрни босиб ўтади".

Экспертнинг сўзларига кўра, бу сингари танклар Россия армиясига темир йўл ўтказиш имконияти анча заиф бўлган марказий осиё йўналишида асқотган бўларди: ғилдиракли бронемашиналарни автотрассалар бўйлаб ўтказиш анча осон. Бундан ташқари, бундай техника худди ўша - Сурияни патруллашда ёрдам бериши мумкин. Ҳозир у ерда ҳарбий полиция "Тигр" зирҳланган автомобиллари ва БТР-82Ада ҳаракатланмоқда.

Леонковнинг таъкидлашича, истиқболли танк, худди бронетранспортер сингари, сувли тўсиқларни енгиб ўтишга қодир, юриб ва сузиб кетаётган вақтида зарба бера олади. Қудратли қурол-аслаҳага эгалиги туфайли уни рейдларда каби, умумқўшин операцияларида — масалан, флангаларда, разведкада, дозорда ва жанговар мудофаада ҳам қўллаш мумкин.

Йирик калибр

Ғилдиракли транспорт воситаларининг йўлга нисбатан юмшоқроқ таъсири ҳам муҳимдир. Пўлатдан ясалган танк траклари ҳатто энг мустаҳкам асфальтни ҳам барбод қилиши ҳеч кимга сир эмас. Айнан шу учун оғир зирҳли транспортни махсус транспортер-шатакчиларда ташишни афзал кўришади. Юк ортиш ва тушириш анчагина вақтни олади, ғилдиракли танк эса ҳеч қандай кечикишсиз ёки махсус тайёргарликсиз маршдан жангга киришишга шай.

Истиқболли танкнинг ҲДҚ учун яратилган худди "Спрут-СД" самоходкасидаги сингари 125 миллиметрли пушкасига жанговар бўлимнинг асосий қуроли сифатида қаралади. Ўқлантирувчи автомат ва 40 снарядли жанговар комплектга эга стабиллаштирилган тизим асосидаги силлиқ стволли 2А75 Т-72 ва Т-90 танкларининг 2А46М қуролларига ўхшаш. Самоход тегишли калибрдаги барча турдаги аслаҳа захиралари ҳамда бошқарилувчи танкларга қарши ракеталар ёрдамида ўт очади. Жанговар бўлимнинг қўшимча ёрдамчи аслаҳаси — 7,62 миллиметрли калибрга эга қўш ПКТ пулемет установкасидир.

Бундай аслаҳалар билан таъминланган пушкали "Бумеранг" дунёдаги энг қудратли ғилдиракли танкка айланиши мумкин. Ғарб ва Шарқ мамлакатларида ушбу синфга мансуб жанговар техникаларнинг аксарияти 105 миллиметр калибрга тенг қуролларга эгадир. Ғилдиракли такнлар НАТОга аъзо бир нечта мамлакатлар ва Осиё минтақасида қуроллар сафида туради. Бу Stryker платформаси асосида ишланган американинг M1128 MGS, Франциянинг AMX-10RC, японларнинг MCV, италиянинг Centauroсидир. Мудофаа вазирлиги 2010 йилларнинг бошида Рим билан қуруқликдаги қўшинлар учун Centauro партиясини харид қилиш бўйича музокаралар ўтказган. Машиналарнинг бир нечтаси ҳаттоки Россияга синовлар учун олиб келинган ҳам, аммо иш шу билан якунланган: италия ғилдиракли танклари Россиянинг жанговар техника ишончлилигига қўйиладиган талабларга жавоб бермаган.

Танкларга ва дронларга қарши

Истиқболли "Бумеранг" ғилдиракли платформасини илк бор Ғалаба парадида 2015 йилда намойиш қилишган эди. Бу база асосида ишланган техника совет даврида, қолаверса кейинчалик РФда яратилган БТР оиласига мансуб бронетранспортерлардан йирикроқ ва қудратлироқдир.

Шосседа 750 от кучига эга ЯМЗ-780 двигател машинани соатига 100 километр тезликда елдира олади. Мотор бўлими — олд қисмда, бу эса десантга танкнинг орқа қисмидан машина ичига кириш ва чиқиш имконини беради. "Бумеранг" оиласига мансуб машиналарнинг зирҳланиш даражаси кўп қаватли бўлиб, таркибида лой ҳам аралашган. Бу эса гомоген ҳимоядан анча ишончлироқдир.

Ҳозирча "Бумеранг" оиласининг энг қудратли машинаси - масофадан бошқариладиган "Бумеранг-БМ" универсал жанговар модулига эга ғилдиракли К-17 пехота жанговар машинаси саналади. Қуроли - 30 мм автоматик 2А42 пушкаси (селектив боепитание ва 500 тагача снарядлар захирасига эга), танкларга қарши - "Корнет" танкларга қарши бошқариладиган ракета қўш пуск установкасига эга.

Аммо бундан ҳам жиддийроқ вариантлар бор. К-17 учун эҳтимолий жанговар модуллардан бири — АУ-220М "Байкал" бўлиб, у дақиқасига 120та ўқ уза оладиган 57-миллиметрли пушкага эга. Бу машина эга бўлган снарядлар қуввати ғарб мактабининг барча замонавий пехота жанговар машиналарига қарши кураш учун етарли саналади. Бундан ташқари, 57 миллиметрга эга калибр учувчисиз учиш аппаратларини, хусусан, кичик ўлчамдагиларини ҳам 12 километргача бўлган масофада самарали йўқ қилишга қодир.

381