Здание Банка России на улице Неглинная в Москве

ХВЖ Россия банкига асосий ставкани пасайтиришни маслаҳат берди

232
(Янгиланган 14:30 11.02.2021)
ЯИМ камайиши ва инфляция ошишига қарамасдан Россия Марказий банки асосий ставкани ўзгаришсиз сақлаб қолмоқда.

ТОШКЕНТ, 11 фев — Sputnik. Россия банки асосий ставкани, янги рекорд - 4%гача пасайтириш керак, деб ҳисоблайди Халқаро валюта жамғармаси. ХВЖ хулосасига кўра, ушбу чора иқтисодий ўсишга хизмат қилади. 

ХВЖ эса Россия банкига ушбу асосий ставкани 0,5 пунктга камайтиришни маслаҳат бермоқда. Улар айтишига кўра, бу рублни бироз қадрсизлантирсада, лекин иқтисодий ўсишга олиб келади.

Ўтган йилнинг март ойида Россия Марказий банки Асосий ставкани 6 % миқдорида сақлаб қолган эди. Кейинчалик эпидемиологик вазият ўзгариши, чегаралар ёпилиши ва нефт нархи пасайиши оқибатида ЯИМ камайиши эҳтимоли пайдо бўлди. Ушбу салбий омиллар таъсирини камайтириш мақсадида Россия банки асосий ставкани энг паст - 4,25 % даражасигача камайтирган эди.

Лекин январда маълум бўлишича, ўтган йили ЯИМ камайиши кутилганидан кўпроқ бўлган. Ундан ташқари январ ойида инфляция миқдори ҳам ўртача йиллик кутилаётган 3,5-4  фоиздан анча юқори бўлган. Лекин шунга  қарамай Россия банки асосий ставкани ўзгаришсиз сақлаб қолмоқдади.

Феврал ойида ҳам асосий ставкани ушбу миқдорда сақлаб қолиш эҳтимоли жуда катта. Россиялик экспертлар хулосасига кўра, асосий ставкани камайтириш инфляциянинг янада ошиб кетиши, реал даромадлар камайиши ва хорижий инвестицияларнинг чиқиб кетишига олиб келиши мумкин.

232

АҚШ Афғонистондан қўшинларни олиб чиқиш санасини маълум қилди

368
(Янгиланган 14:46 08.03.2021)
АҚШ Афғонистондан ўз қўшинларини шу йил 1 майга қадар тўлиқ олиб чиқиб кетиш масаласини кўриб чиқмоқда.

ТОШКЕНТ, 8 мар — Sputnik. АҚШ Афғонистондан ўз қўшинларини 1 майга қадар тўлиқ олиб чиқиб кетиш масаласини кўриб чиқмоқда, деб хабар қилди Tolo News телеканали АҚШ давлат котиби Энтони Блинкеннинг президент Ашраф Ғанига ёзган мактубига асосланиб.

"Вашингтонда сиёсий жараён давом этаётганлиги сабабли, АҚШ бирон бир вариантни рад этмайди. Биз 1 майга қадар қўшинларимизни тўлиқ олиб чиқиб кетиш масаласини кўриб чиқмоқдамиз", - дейилган ҳужжатда.

Мактубда ёзилишича, АҚШ Россия, Хитой, Покистон, Ҳиндистон ташқи ишлар вазирлари ва вакилларини Афғонистонда тинчликни сақлашга қаратилган ягона ёндашувни муҳокама қилиш учун йиғилиш ўтказиш юзасидан БМТга мурожаат қилмоқчи.

Бундан ташқари, Вашингтон "Туркия ҳукуматидан тинчлик битимини якунлаш учун яқин ҳафталарда икки томоннинг юқори даражадаги учрашувини ташкил қилишни" режалаштирмоқда.

Аввалроқ Пентагон АҚШ президенти Жо Байденнинг администацияси Афғонистондан қўшинларни олиб чиқиш режасини қўллаб-қувватлашини айтганди. Вашингтон “Толибон” ҳаракати (Россияда тақиқланган) амалдаги келишув шартларини бажарган тақдирда, май ойигача мамлакатни тарк этишга тайёр. Жангарилар битим шартларини бажарганлигини таъкидламоқда.

2020 йилда Қатарда АҚШ ва “Толибон” Афғонистондан олиб чиқиб кетиш, маҳбуслар алмашинуви кейин афғонистонлараро мулоқотни бошлашни назарда тутадиган биринчи тинчлик битимини имзоладилар.

 

368
Теглар:
Толибон, АҚШ, Афғонистон

Венесуэла президенти “Спутник V” билан эмланди

204
Венесуэла президенти Николас Мадуро ва унинг рафиқаси коронавирусга қарши Россиянинг “Спутник V” вакцинаси билан эмланди.

ТОШКЕНТ, 7 мар — Sputnik. Венесуэла президенти Николас Мадуро коронавирусга қарши Россиянинг “Спутник V” вакцинаси билан эмланди. Бу ҳақда у Twitterʼда маълум қилди. Президент билан бирга унинг рафиқаси Силия Флорес ҳам вакцинанинг биринчи дозасини олган.

Мадуронинг сўзларига кўра, “Спутник V” билан Венесуэла тиббиёт ходимларининг катта қисми эмланган.

Мадуро COVID-19 га қарши Россия вакцинаси билан эмланиш истагини билдирди

Венесуэлада коронавирусга қарши Россиянинг “Спутник V” вакцинаси билан эмлаш ишлари 18 февраль куни бошланганди.

“Спутник V”нинг биринчи партияси Жанубий Америка мамлакатига 13 февраль куни олиб келинган.

Ўтган йил октябрь ойида Россия тўғридан-тўғри инвестициялар жамғармаси Каракасга “Спутник V”нинг учинчи босқич клиник синовларини ўтказиш учун “Спутник V” вакцинаси етказиб берилганини хабар қилган эди. Унда икки минг нафар кўнгилли, жумладан, давлат раҳбарининг ўғли Николас Мадуро Герра ҳам иштирок этган.

204
Теглар:
эмлаш, Спутник V, Николас Мадуро, Венесуэла
Купол мечети

Шайх Абдулазиз Мансурнинг ўғли вафот этди

128
Ўзбекистон Ислом цивилизацияси маркази директорининг ўринбосари Шайх Абдулазиз Мансурнинг ўғли Абдулбосит Мансуров вафот этди.

ТОШКЕНТ, 8 мар — Sputnik. Ўзбекистон Ислом цивилизацияси маркази директорининг ўринбосари Шайх Абдулазиз Мансурнинг ўғли Абдулбосит Мансуров вафот этди. Бу ҳақда Ўзбекистон мусулмонлари идораси матбуот хизмати хабар қилди.

Идора Шайх Абдулазиз Мансурнинг фарзанди вафоти муносабати билан унинг барча оила аъзоларига таъзия билдирди.

128